برج خلیفہ کے بعد سب سے اونچا ہوٹل بھی دبئی میں، عمارت کتنی منزلہ اور کیا کیا سہولیات ہوں گی؟
اشاعت کی تاریخ: 12th, September 2025 GMT
دبئی میں لگ بھگ 377 میٹر بلندی پر قائم ہونے والا دنیا کا بلند ترین ہوٹل، سیل دبئی مرینا نومبر 2025 میں اپنی شاندار افتتاحی تقریب کے لیے تیار ہے۔
یہ بھی پڑھیں: جشن آزادی پاکستان: برج خلیفہ پاکستانی رنگوں سے جگمگا اٹھا
یہ جدید اور شاہانہ ٹاور نہ صرف اپنی بلندی کی وجہ سے توجہ کا مرکز ہوگا بلکہ اس میں دنیا کی سب سے بلند انفنٹی پول بھی شامل ہوگی، جو دبئی کی لگژری ہاسپیٹالٹی کی دنیا میں نیا معیار قائم کرے گی۔
یہ 82 منزلہ عمارت، جسے معروف اور ایوارڈ یافتہ ڈیزائنر فرم نور نے ڈیزائن کیا ہے، 1004 خوبصورت کمروں اور سویٹس پر مشتمل ہوگی۔ ہر کمرہ فرش سے چھت تک کھڑکیوں سے مزین ہوگا، جس سے مہمانوں کو پام جمیرا اور عرب خلیج کے دلکش مناظر کا بے مثال نظارہ حاصل ہوگا۔
سیل دبئی مرینا میں مہمانوں کے لیے 8 منفرد اور اعلیٰ معیار کے کھانے کے مقامات بھی موجود ہوں گے۔ ان میں سے خاص طور پر ٹیٹو دبئی کا 3 منزلہ جدید ایشیائی تصوّر قابل ذکر ہے، جہاں 76ویں منزل پر دنیا کی بلند ترین انفنٹی پول اور 81ویں منزل پر ٹیٹو اسکائی لاونج واقع ہے، جو 360 ڈگری دلکش مناظر پیش کرتا ہے۔
یہ بھی پڑھیں: جدہ میں تیزی سے تکمیل کی جانب گامزن دنیا کی بلندترین عمارت
دیگر معروف ریستورانوں میں میڈیٹرینین ذائقوں کے لیے ویسٹ 13، مشرقی کھانوں کے لیے ایسٹ 14، اور مقامی ذائقے پیش کرنے والے رائزن کیفے اور آرٹیزنل بیکری شامل ہیں۔
بہترین جگہ اور سہولیاتیہ ہوٹل دبئی مرینا کے دل میں واقع ہے اور یہاں سے مہمان براہ راست مرینا بورڈ واک تک پہنچ سکتے ہیں، جہاں پانی کی ٹیکسی سروس دستیاب ہوگی۔ ساتھ ہی دبئی مرینا مال، شہر کی ٹرام اور میٹرو خدمات سے بھی آسان رسائی حاصل ہے۔
مہمانوں کے لیے 61 ویں منزل پر لگژری سپا اور 24 گھنٹے کھلا رہنے والا جدید جم بھی مہیا کیا جائے گا۔ علاوہ ازیں، ہوٹل کے مہمانوں کو پام جمیرا کے سولونا بیچ کلب تک خصوصی رسائی بھی حاصل ہوگی۔
انتظامیہ کا موقفدی فرسٹ گروپ ہاسپیٹالٹی کے سی ای او، راب برنز کا کہنا ہے کہ سیل دبئی مرینا ایک سنگ میل کی حیثیت رکھتا ہے جو دبئی کو عالمی سطح پر سیاحت اور کاروباری سفر کا مرکز بنائے گا۔ یہ ہوٹل اپنی شاندار ڈیزائننگ، جدید سہولیات، اور لاجواب مناظر کے ذریعے بلند معیار کی مہمان نوازی کی نئی تعریف پیش کرے گا۔
یہ بھی پڑھیں: دنیا کی بلند ترین عمارت سے متعلق جانیں دلچسپ حقائق
دوسری جانب، آئی ایچ جی ہوٹلز اینڈ ریسورٹس کے ویسٹ ایشیا، مشرق وسطیٰ اور افریقہ کے منیجنگ ڈائریکٹر ہیتھم مطر نے کہا کہ وینیٹ کلیکشن کے تحت سیل دبئی مرینا کی افتتاحی تقریب اس مجموعے کی کامیابی اور ہمارے گاہکوں کو غیر معمولی تجربات فراہم کرنے کی وابستگی کا ثبوت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برج خلیفہ بلند ترین ہوٹل پام جمیرا دبئی سیل دبئی مرینا عرب خلیج متحدہ عرب امارات وینیٹ کلیکشن.
ذریعہ
ذریعہ: WE News
کلیدی لفظ: برج خلیفہ بلند ترین ہوٹل پام جمیرا سیل دبئی مرینا عرب خلیج متحدہ عرب امارات سیل دبئی مرینا دنیا کی کے لیے
پڑھیں:
دریائے چناب میں سیلاب، تریموں ہیڈ پر پانی کی سطح بلند، چنیوٹ میں نہر میں شگاف سے فصلیں زیر آب
لاہور:دریائے چناب میں سیلابی صورتحال کے باعث تریموں ہیڈ ورکس پر پانی کی سطح مسلسل بلند ہو رہی ہے، جبکہ چنیوٹ میں سیم نہر میں 50 فٹ چوڑا شگاف پڑنے سے متعدد فصلیں زیر آب آگئیں۔
محکمہ آبپاشی کے مطابق تریموں ہیڈ ورکس پر دریائے چناب میں پانی کی آمد ایک لاکھ 48 ہزار 650 کیوسک جبکہ اخراج ایک لاکھ 36 ہزار 50 کیوسک ریکارڈ کیا گیا ہے۔ محکمہ آبپاشی نے خبردار کیا ہے کہ آئندہ 24 گھنٹوں کے دوران پانی کی سطح میں مزید اضافے کا امکان ہے۔
ضلعی انتظامیہ کے مطابق ممکنہ سیلاب سے نمٹنے کے لیے تمام حفاظتی انتظامات مکمل کر لیے گئے ہیں اور متاثرہ علاقوں کے لیے چار فلڈ ریلیف کیمپ قائم کر دیے گئے ہیں تاکہ کسی بھی ہنگامی صورتحال میں شہریوں کو فوری امداد فراہم کی جا سکے۔
دوسری جانب، چنیوٹ میں جھنگ روڈ بائی پاس کے قریب کانجو موڑ پر سیم نہر میں تقریباً 50 فٹ چوڑا شگاف پڑ گیا، جس کے نتیجے میں کئی ایکڑ رقبے پر کھڑی فصلیں زیر آب آ گئیں۔
حکام کا کہنا ہے کہ دریائے چناب میں آنے والے سیلابی ریلے کے باعث نہر میں پانی کا دباؤ بڑھا، جس سے شگاف پیدا ہوا۔
اطلاع ملتے ہی ڈپٹی کمشنر، محکمہ آبپاشی اور دیگر متعلقہ اداروں کے افسران موقع پر پہنچ گئے، جبکہ نہر کے شگاف کو پر کرنے اور مزید نقصان سے بچاؤ کے لیے ہنگامی بنیادوں پر کارروائی جاری ہے۔
ادھر ترجمان پی ڈی ایم اے کے مطابق مون سون بارشوں کے باعث پنجاب کے دریاؤں میں پانی کے بہاؤ میں اضافہ ہوا جبکہ گزشتہ 24 گھنٹوں کے دوران دریاوں کا بہاؤ مستحکم رہا۔
دریائے سندھ میں تربیلا، کالا باغ اور چشمہ کے مقام پر نچلے درجے کا سیلاب ہے۔ تربیلا 3 لاکھ 42 ہزار، کالا باغ 3 لاکھ 9 ہزار اور چشمہ میں 2 لاکھ 93ہزار کیوسک ہے۔
مزید پڑھیںبھارت کی جانب سے آبی جارحیت، دریائے چناب میں اونچے درجے کا سیلاب، الرٹ جاری
پنجاب میں مون سون کا سلسلہ برقرار، مزید بارشوں اور سیلابی صورتحال کا الرٹ جاری
دریائے چناب میں پانی کے بہاؤ میں کمی ہو رہی ہے جس کے بعد سیلابی صورتحال اونچے سے درمیانے درجے پر آگئی ہے۔ دریائے چناب میں مرالہ، خانکی اور قادر آباد کے مقام پر درمیانے دجے کا سیلاب ہے۔
ہیڈ مرالہ کی مقام پر پانی کا بہؤ 2 لاکھ 8 ہزار، خانکی کے مقام پر 1 لاکھ 65 ہزار اور قادر آباد کے مقام پانی کا بہاؤ 1 لاکھ 90 ہزار کیوسک ہے۔
دریائے راوی میں بلوکی کے مقام پر پانی کا بہاؤ 83 ہزار کیوسک ہے جبکہ جسڑ، شاہدرہ اور ہیڈ سدھنائی کے مقام پر بہاؤ بھی نارمل ہے۔
نارروال نالہ بسنتر میں درمیانے درجے کا سیلاب ہے۔ ارا کینٹ بریج ناکہ ایک میں نچلے درجے اور وزیر آباد نالہ ایک میں درمیانے درجے کا سیلاب ہے۔
دوسری جانب، دریائے ستلج اور جہلم میں پانی کا بہاؤ نارمل ہے۔
ڈی جی پی ڈی ایم اے عمر عباس میلہ کے مطابق بالائی علاقوں میں بارشوں کے سبب دریاؤں کے بہاؤ میں اضافہ ہوا، دریائے چناب کے اپر کیچمنٹس میں بارشیں رک چکی ہیں اور گزشتہ 24 گھنٹوں سے دریائے چناب میں بہاؤ مستحکم ہو چکا ہے۔
ڈی جی نے ہدایت کی کہ دریاؤں کے پاٹ میں موجود شہری فوری محفوظ مقامات پر منتقل ہو جائیں، حکومت پنجاب کی جانب سے ممکنہ سیلاب سے متاثرہ علاقوں میں انتظامات مکمل ہیں۔ شہریوں سے گزارش ہے کہ موسم و سیلاب کی صورتحال کے پیش نظر احتیاطی تدابیر اختیار کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع