اسٹیٹ بینک کا مرکزی بینک ڈیجیٹل کرنسی کا منصوبہ تجرباتی مرحلے میں داخل
اشاعت کی تاریخ: 12th, September 2025 GMT
– پاکستان میں مالیاتی نظام کو جدید خطوط پر استوار کرنے کی جانب ایک اور قدم اٹھایا گیا ، جہاں اسٹیٹ بینک کا مرکزی بینک ڈیجیٹل کرنسی کا منصوبہ اب تجرباتی مرحلے میں داخل ہو چکا ہے۔ڈیجیٹل کرنسی کیا ہے اور کیسے کام کرے گی؟ڈیجیٹل کرنسی ایک ایسی مالیاتی سہولت ہوگی جس کے ذریعے عوام بینک اکاؤنٹ یا نقد رقم کے بغیر بھی لین دین کر سکیں گے۔اسٹیٹ بینک اور متعلقہ مالیاتی ادارے صارفین کو ایک ڈیجیٹل والٹ ایپ فراہم کریں گے، جو موبائل فون پر دستیاب ہوگی۔
قومی شناختی کارڈ کے ذریعے ڈیجیٹل والٹ میں رجسٹریشن کی جائے گیصرف موبائل نمبر درج کر کے رقم بھیجی جا سکے گیQR کوڈ اسکین کر کے فوری ادائیگی ممکن ہوگیسرکاری بلز، ٹیکس اور دیگر ادائیگیاں بھی براہِ راست ایپ سے ممکن ہوں گیفریم ورک اور قوانیناسٹیٹ بینک اس وقت نگرانی اور ضابطوں کا فریم ورک تیار کر رہا ہے تاکہ تجرباتی مرحلے کے بعد پائلٹ لانچ سے پہلے تمام قوانین کو حتمی شکل دی جا سکے۔عالمی رجحانات سے ہم آہنگپاکستان کا یہ اقدام عالمی مالیاتی تبدیلیوں کے ساتھ ہم آہنگ ہے۔نائیجیریا سمیت چند افریقی ممالک میں ڈیجیٹل کرنسی مکمل طور پر متعارف کرائی جا چکی ہےجبکہ چین، روس اور متحدہ عرب امارات جیسے ممالک اس وقت پائلٹ فیز میں ہیںکیا تبدیلی آئے گی؟ماہرین کے مطابق CBDC سسٹم سے:ادائیگیوں کا نظام تیز، محفوظ اور کم لاگت والا ہو جائے گاغیر بینکاری آبادی کو مالیاتی نظام میں شامل کرنا آسان ہوگااور شفافیت، سیکیورٹی اور معاشی کنٹرول میں بہتری آئے گی
ذریعہ
ذریعہ: Daily Mumtaz
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار