اغوا کیس کا ڈراپ سین: ٹک ٹاکر سامعہ حجاب کا سابق منگیتر حسن زاہد کیخلاف مقدمات واپس لینے کا اعلان
اشاعت کی تاریخ: 13th, September 2025 GMT
ٹک ٹاکر سامعہ حجاب نے اپنے سابق منگیتر حسن زاہد کو اللہ کی رضا کے لیے معاف کرتے ہوئے ان کے خلاف درج تمام مقدمات واپس لینے کا اعلان کردیا۔
ٹک ٹاکر سامعہ حجاب نے حسن زاہد کو مشروط طور پر معاف کردیا.
حسن زاہد نے مجھے اغواء کرنے کی غلطی کا اعتراف کیا اور معافی مانگی ۔حسن نے آئندہ ایسی غلطی نہ دہرانے کی یقین دہانی کرائی۔ حسن کی یقین دہانیوں پر میں اسے معاف کرتی ہوں : سامعیہ کا تحریری بیان#SamiyaHijab pic.
— Malik Ali Raza (@MalikAliiRaza) September 12, 2025
یکم ستمبر کو سامعہ حجاب نے انسٹاگرام پر ایک ویڈیو جاری کی تھی جس میں دعویٰ کیا گیا کہ حسن زاہد نے انہیں اغوا کرنے کی کوشش کی، بارہا تشدد کا نشانہ بنایا اور مسلسل بلیک میل بھی کرتے رہے۔
یہ بھی پڑھیں: سامعہ حجاب کیس: ملزم حسن زاہد کے جسمانی ریمانڈ میں توسیع کردی گئی
اس الزام کے بعد اسلام آباد پولیس حرکت میں آئی اور حسن زاہد کو گرفتار کرتے ہوئے سامعہ حجاب کی شکایت پر مختلف مقدمات درج کر کے قانونی کارروائی شروع کر دی تھی۔
ابتدائی سماعتوں کے دوران عدالت نے ملزم کو جسمانی ریمانڈ پر پولیس کے حوالے کیا، تاہم 12 ستمبر کو عدالت کی جانب سے 14 روزہ عدالتی ریمانڈ پر انہیں جیل بھیجنے کا حکم دیا گیا۔
جیل منتقلی کے بعد سامعہ حجاب نے یہ تصدیق کی کہ ان کی سابق منگیتر سے صلح ہوگئی ہے اور وہ انہیں خدا کے نام پر معاف کررہی ہیں۔
انہوں نے متعدد میڈیا اداروں سے گفتگو کرتے ہوئے اس بات کی تصدیق بھی کی کہ وہ اپنے سابق منگیتر کو معاف کر چکی ہیں۔
ایک ڈیجیٹل پلیٹ فارم کو دیے گئے انٹرویو میں ٹک ٹاکر نے بتایا کہ حسن زاہد کے اہل خانہ ان سے معافی مانگنے کے لیے آئے تھے جس پر انہوں نے صلح کر لی۔
ان کے بقول حسن زاہد نے تحریری طور پر یقین دہانی بھی کرائی ہے کہ وہ آئندہ کسی قسم کی کارروائی نہیں کریں گے، جس کے بعد معافی کا فیصلہ کیا گیا۔ سامعہ حجاب نے اس تاثر کو رد کیا کہ یہ معافی کسی مالی فائدے کے تحت دی گئی ہے۔
ان کا کہنا تھا کہ انہوں نے صرف اللہ کی رضا کے لیے معاف کیا ہے، اب ان کی منگنی بھی ختم ہو چکی ہے اور انہیں سابق منگیتر سے کوئی خطرہ محسوس نہیں ہوتا، وہ خود کو بالکل محفوظ سمجھتی ہیں۔
یہ بھی پڑھیں: سامعہ حجاب کا حسن زاہد سے کیا تعلق تھا؟ ٹک ٹاکر نے نئے انکشافات کردیے
اس سے قبل اپنی متعدد ویڈیوز اور بیانات میں ٹک ٹاکر نے خدشہ ظاہر کیا تھا کہ اگر حسن زاہد کو سزا نہ دی گئی تو رہائی کے بعد وہ ضرور بدلہ لیں گے۔
‘میں ثناء یوسف نہیں بننا چاہتی’
ٹاک ٹاکر سامعہ حجاب کی اغواء کرنے کی کوشش اور قتل کی دھمکیاں ملنے کے بعد اسلام آباد پولیس اور عوام سے ساتھ دینے کی اپیل۔ pic.twitter.com/51n5wNudTb
— Rizwan Ghilzai (Remembering Arshad Sharif) (@rizwanghilzai) September 1, 2025
واضح رہے کہ سامعہ حجاب نے اپنے سابق منگیتر پر شدید نوعیت کے الزامات لگاتے ہوئے جسمانی تشدد کے دعوے بھی کیے تھے، تاہم اب انہوں نے انہیں مکمل طور پر معاف کرنے کا فیصلہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اغوا کیس ٹک ٹاکر حسن زاہد ڈراپ سین سامعہ حجاب مقدمات واپس وی نیوزذریعہ: WE News
کلیدی لفظ: اغوا کیس ٹک ٹاکر حسن زاہد ڈراپ سین مقدمات واپس وی نیوز ٹاکر سامعہ حجاب سابق منگیتر حسن زاہد کو انہوں نے ٹک ٹاکر معاف کر کے لیے کے بعد
پڑھیں:
صبا قمر نے الزامات عائد کرنے پر صحافی کیخلاف قانونی کارروائی کا اعلان کردیا
اداکارہ صبا قمر نے سینئر صحافی کیخلاف سنگین الزامات پر قانونی کارروائی کرنے کا اعلان کیا ہے۔
ان دنوں اداکارہ صبا قمر اپنے دو ڈراموں ’پامال‘ اور ’کیس نمبر ‘9 کے باعث خبروں میں ہیں۔ حال ہی میں ان کے کراچی سے متعلق ایک بیان پر بھی سوشل میڈیا پر بحث جاری تھی، جس کے بعد ایک صحٓفی نے ان کے بارے میں متنازع دعوے کیے ہیں جس نے سوشل میڈیا پر نئی بحث چھیڑ دی ہے۔
View this post on InstagramA post shared by Showbiz Spy (@showbizspy_)
مذکورہ صحافی نے ایک حالیہ انٹرویو میں کہا کہ صبا قمر 2003-2004 میں لاہور میں ایک ایسے گھر میں رہتی تھیں جو مبینہ طور پر ان کے کسی ’قریبی تعلق‘ والے شخص کا تھا۔ انہوں نے یہ بھی دعویٰ کیا کہ صبا اس شخص کی ہراسانی کے باعث نجی خبر رساں ادارے؎ کے دفتر شکایت کے لیے آئی تھیں، جہاں ان کی پہلی ملاقات ہوئی۔
صبا قمر نے صحافی کے ان الزامات کو بے بنیاد قرار دیتے ہوئے واضح کیا ہے کہ وہ ایسے جھوٹے دعووں کیلئے ان کیخلاف قانونی چارہ جوئی کریں گی۔
سوشل میڈیا صارفین پر بڑی تعداد نے صبا قمر کے اس فیصلے کی حمایت کی ہے۔ ایک صارف نے لکھا، ’بہترین فیصلہ، ایسے لوگوں کو عدالت میں جواب دینا چاہیے۔‘ ایک اور صارف نے لکھا کہ ’یہ شخص پہلے شعیب ملک کے حوالے سے بھی بیانات دے چکا ہے‘۔
الیکشن کمیشن کےپاس اختیار نہیں کہ چیئرمین سینیٹ کے ریفرنس کےبغیر کسی رکن کو نااہل کرے، بیرسٹر گوہر