ایپل نے ایک بار پھر ٹیکنالوجی کی دنیا میں ایک بڑا قدم اٹھاتے ہوئے سم کارڈ کے بغیر چلنے والاآئی فون ایئر متعارف کروا دیا ہے — اور اس کے ساتھ ہی فزیکل سم کارڈز کا دَور ختم ہونے کے قریب دکھائی دے رہا ہے۔
نیا آئی فون ایئر مکمل طور پرای سم (ڈیجیٹل سم) پر کام کرتا ہے، جس کا مطلب یہ ہے کہ اب فون میں پلاسٹک کی سم ڈالنے کی ضرورت نہیں رہے گی۔ فون وہ تمام کام اسی طرح کرے گا جیسے سم کارڈ کے ساتھ کرتا تھا — بس فرق یہ ہے کہ سم اب نظر نہیں آئے گی۔
ٹیکنالوجی ماہرین کے مطابق، ایپل کا یہ اقدام موبائل انڈسٹری میں ایک نئی تبدیلی کی شروعات ہے، اور جیسے اکثر ہوتا ہے، دیگر فون ساز ادارے بھی جلد اس ٹرینڈ کو اپنائیں گے۔
پاکستان میں ای سم کیسے حاصل کریں؟
پاکستان میں بھی بڑے موبائل نیٹ ورکس ای سم کی سہولت فراہم کر رہے ہیں۔ ای سم حاصل کرنے کے لیے قریبی فرنچائز یا کسٹمر سروس سینٹر جائیں، اپنا CNIC اور بایومیٹرک تصدیق فراہم کریں، موجودہ سم کو ای سم میں کنورٹ کروا لیں، نیٹ ورک کی جانب سے دیا گیا QR کوڈ نئے آئی فون پر اسکین کریں، ای سم ایکٹیویٹ ہو جائے گی اور آپ پلاسٹک سم کے بغیر کال، میسج اور ڈیٹا استعمال کر سکیں گے۔
کیا مستقبل میں سم کارڈ ختم ہو جائے گا؟
ای سم کے فروغ کے ساتھ لگتا ہے کہ چند سالوں میں پلاسٹک سم ماضی کی چیز بن جائے گی۔ یہ صرف سہولت نہیں بلکہ سیکیورٹی اور اسپیس کی بچت کا ایک بہتر حل بھی ہے۔
ذریعہ: Daily Mumtaz
کلیدی لفظ: سم کارڈ
پڑھیں:
خیبر پختونخوا نے رواں سال صحت کارڈ کیلئے 41 ارب مختص کیے، مزمل اسلم
وزیراعلیٰ خیبر پختونخوا کے مشیر مزمل اسلم نے کہا ہے کہ رواں سال صوبائی خزانے سے صحت کارڈ کےلیے 41 ارب روپے مختص کیے گئے۔
پشاور سے جاری بیان میں مزمل اسلم نے بتایا کہ وزیراعلیٰ خیبر پختونخوا سہیل آفریدی کو صحت کارڈ پلس پر بریفنگ دی گئی۔
انہوں نے کہا کہ وزیراعلیٰ نے صحت کارڈ کی مد میں 3 ارب روپے فوری جاری کرنے کے احکامات دیے ہیں اور کہا کہ محکمہ صحت پی ٹی آئی حکومت کے وژن کی اولین ترجیح ہے۔
مزمل اسلم نے مزید کہا کہ رواں سال صوبائی محکمہ خزانہ نے صحت کارڈ کےلیے 41 ارب روپے مختص کیے ہیں۔
اُن کا یہ بھی کہنا تھا کہ 4 ماہ میں صحت کارڈ کےلیے 9 اعشاریہ 65 ارب جاری کیے گئے ہیں، صوبے کے تمام سرکاری اور نجی اسپتالوں میں صحت کارڈ کے تحت خدمات جاری ہیں۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں