فرانسیسی خاتونِ اوّل کی جنس ثابت کرنے کیلئے عدالت میں شواہد پیش کیے جانے کا اعلان
اشاعت کی تاریخ: 19th, September 2025 GMT
پیرس(نیوز ڈیسک) فرانسیسی صدر ایمانویل میکرون اور ان کی اہلیہ بریجیت میکرون نے اعلان کیا ہے کہ وہ امریکی عدالت میں ایک ہتکِ عزت کے مقدمے میں سائنسی شواہد پیش کریں گے تاکہ یہ ثابت کیا جا سکے کہ خاتونِ اوّل عورت ہیں۔
بی بی سی کے پوڈکاسٹ کو دیے گئے انٹرویو میں میکرون کے وکیل ٹام کلیئر نے کہا کہ یہ شواہد فوٹوگرافک اور سائنسی نوعیت کے ہوں گے، جو امریکی دائیں بازو کی سیاسی تجزیہ کار اور میزبان کینڈیس اوونز کے دعوؤں کو جھوٹا ثابت کریں گے۔
وکیل نے کہا، ’خاتونِ اوّل ان الزامات سے انتہائی رنجیدہ ہیں اور یہ صدر میکرون کے لیے بھی ایک غیر ضروری بوجھ ہے۔ جب آپ کے خاندان پر حملہ ہوتا ہے تو یہ آپ کو متاثر کرتا ہے، چاہے آپ کسی بھی حیثیت میں ہوں، صدر بھی اس سے مبرا نہیں ہیں۔‘
یاد رہے کہ اوونز نے دعویٰ کیا تھا کہ بریجیت میکرون پیدائشی طور پر مرد تھیں اور بعد ازاں چوری شدہ شناخت کے تحت عورت میں تبدیل ہوئیں۔
یہ مقدمہ امریکی ریاست ڈیلاویئر کی عدالت میں دائر کیا گیا جس میں 22 الزامات شامل ہیں۔ درخواست کے مطابق کینڈیس اوونز نے اپنے پوڈکاسٹ میں 8 اقساط پر مشتمل ایک سیریز میں ناصرف بریجیت کی جنس پر سوال اٹھایا تھا بلکہ یہ بھی دعویٰ کیا تھا کہ میکرون اور بریجیت آپس میں رشتہ دار ہیں اور اس طرح غیر اخلاقی رشتے میں ہیں۔
یہ پہلا موقع نہیں کہ فرانسیسی خاتونِ اوّل کو ایسی جھوٹی خبروں کا سامنا ہے، 2021ء میں دو فرانسیسی خواتین نے یوٹیوب پر ایک ویڈیو اپ لوڈ کی تھی جس میں دعویٰ کیا گیا تھا کہ بریجیت دراصل جان مشیل ٹروگنو نامی شخص تھیں، جو دراصل ان کے بھائی ہیں۔
میکرون نے ان دونوں خواتین کے خلاف بھی مقدمہ درج کر رکھا ہے، جو اس وقت فرانس کی اعلیٰ ترین عدالت میں زیرِ سماعت ہے، کیونکہ پیرس کورٹ آف اپیل نے پہلے دیے گئے سزا کے فیصلے کو کالعدم قرار دے دیا تھا۔
Post Views: 4.ذریعہ: Daily Mumtaz
کلیدی لفظ: عدالت میں
پڑھیں:
عمران خان اور بشری بی بی کی سزا معطلی کے کیس پر جلد سماعت کیلئے پی ٹی آئی متحرک
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔18 ستمبر ۔2025 )تحریک انصاف کے بانی چیئرمین اور سابق وزیراعظم عمران خان اور ان کی اہلیہ بشری بی بی کی سزا معطلی کے کیس پر جلد سماعت کیلئے تحریک انصاف متحرک ہو گئی ہائی کورٹ میں 190 ملین پاﺅنڈز کیس میں سزا معطلی کے کیس کی سماعت جلد کرانے کےلئے پارٹی کی سرگرمیاں تیز ہوگئی ہیں. واضح رہے کہ 2رکنی بینچ نے اس کیس کو جلد مقرر کرنے کی ہدایت کی تھی تاہم عمران خان اور ان کی اہلیہ بشری بی بی کی سزا معطلی کی درخواست تاحال مقرر نہ ہو سکی عمران خان کی بہن علیمہ خان جمعرات کو چیف جسٹس کے چیمبر میں کیس کی جلد سماعت کے لئے پہنچ گئیں.(جاری ہے)
اس موقع پر نیاز اللہ نیازی، نعیم حیدر پنجوتھا اور خالد یوسف چوہدری بھی ہائی کورٹ میں موجود تھے جب کہ اسی دوران انتظار حسین پنجوتھا اور علی بخاری ایڈووکیٹ بھی عدالت پہنچے تاہم اسلام آباد پولیس نے عمران خان کی بہنوں کو چیف جسٹس آف پاکستان کے چیمبر میں جانے سے روک دیا. سپریم کورٹ میں اس وقت ہلکی کشیدگی دیکھنے میں آئی جب پولیس نے سابق وزیراعظم کی بہنوں کو چیف جسٹس کے چیمبر کی طرف جانے سے روک دیا پولیس حکام کے مطابق بغیر اجازت کسی کو بھی آگے جانے کی اجازت نہیں دی جا سکتی. اس موقع پر وکیل سردار لطیف کھوسہ نے موقف اختیار کیا کہ علیمہ بی بی سائلہ ہیں اور وہ عمران خان کا خط چیف جسٹس کو دینا چاہتی ہیں اس لیے انہیں آگے جانے دیا جائے پولیس اہلکاروں کا کہنا تھا کہ رجسٹرار آفس کے نمائندوں کی اجازت کے بغیر کسی کو آگے نہیں جانے دیا جا سکتا جب کہ چیف جسٹس کی عدالت بھی ختم ہو چکی ہے اس موقع پر عمران خان کی بہنوں کے ہمراہ لطیف کھوسہ اور انتظار پنجوتھا کی سربراہی میںپارٹی کی لیگل ٹیم بھی موجود تھی.
اسرائیلی حملے سے یرغمالیوں کی رہائی کی تمام امیدیں ختم ہوگئیں: قطری وزیراعظم