آئی فون 17 پرو میکس سے لی گئی پہلی تصویر جاری
اشاعت کی تاریخ: 19th, September 2025 GMT
ایپل کے چیف ایگزیکٹیو ٹم کُک نے آئی فون 17 پرو میکس سے لی گئی پہلی تصاویر جاری کر دیں جو 19 ستمبر 2025 کو سوشل میڈیا پر شیئر کی گئیں۔ یہ وہی دن تھا جب بھارت میں آئی فون 17 سیریز باضابطہ طور پر لانچ کی گئی۔
ٹم کُک نے معروف فوٹوگرافرز انیز اینڈ وینوڈھ، مکالین تھامس اور ٹرنک ژو کا شکریہ ادا کیا جنہوں نے اس نئے ماڈل سے ابتدائی تصاویر لیں۔ اُنہوں نے ان تصاویر کو #ShotOniPhone فوٹوگرافی کا خوبصورت مظاہرہ‘ قرار دیا۔
یہ بھی پڑھیں: ایپل نے نیا موبائل آپریٹنگ سسٹم ’آئی او ایس 26‘ جاری کردیا، نئے فیچرز کیا ہیں؟
جاری کردہ تصاویر میں پہلی تصویر میں 2 افراد ہاتھ پکڑے شہر کی فٹ پاتھ پر دوڑتے دکھائی دیتے ہیں جن کے پیچھے سرخ کپڑے کا ایک لمبا ٹکڑا ہوا میں لہرا رہا ہے، جبکہ پس منظر میں غروب آفتاب کے مناظر اور عمارتیں نظر آتی ہیں۔
Many thanks to Inez & Vinoodh, Mickalene Thomas, and Trunk Xu for capturing some of the first photographs with iPhone 17 Pro Max.
— Tim Cook (@tim_cook) September 19, 2025
دوسری تصویر سیاہ و سفید ہے جس میں 3 ڈانسرز کنکریٹ فرش پر ہم آہنگ پوز میں کھڑی ہیں اور پیچھے گھنے درخت اور صاف آسمان دکھائی دیتا ہے۔
تیسری تصویر میں 4 اسکیٹ بورڈرز ایک اسکیٹ پارک میں متحرک انداز میں نظر آتے ہیں، 2 ریمپ پر پھسل رہے ہیں، ایک اوپر کنارے پر بیٹھ کر دیکھ رہا ہے جبکہ چوتھا بورڈ ہاتھ میں لیے ریمپ کے اوپر سے گزر رہا ہے۔
یہ بھی پڑھیں: وہ 7 ممالک جہاں آئی فون 17 کی قیمت پوری دنیا سے کم ہے
آئی فون 17 پرو میکس بھارت میں ایک لاکھ 49 ہزار 900 روپے کی قیمت پر متعارف کرایا گیا ہے۔
یہ 3 رنگوں سلور، کاسمک اورنج اور ڈیپ بلیو میں دستیاب ہے جبکہ اس کی اسٹوریج آپشنز 256 جی بی، 512 جی بی، 1 ٹی بی اور 2 ٹی بی تک ہیں۔
نیا کاسمک اورنج کلر، جو زعفرانی رنگ سے مشابہت رکھتا ہے، بھارتی صارفین میں خاص توجہ کا مرکز بنا ہوا ہے۔
ٹم کُک کے مطابق آئی فون 17 پرو میکس نہ صرف فوٹوگرافی کے نئے معیار قائم کرتا ہے بلکہ ایپل کی جدت اور ٹیکنالوجی میں تسلسل کی ایک اور نمایاں مثال ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی فون 17پرو تصاویر ٹم کک ٹیکنالوجیذریعہ: WE News
کلیدی لفظ: ا ئی فون 17پرو تصاویر ٹم کک ٹیکنالوجی ئی فون 17 پرو میکس آئی فون 17
پڑھیں:
ملک میں چینی کی قیمت 210 روپے فی کلو تک پہنچ گئی
فائل فوٹوادارہ شماریات کے جاری کردہ دستاویزات کے مطابق ایک ہفتے میں سرگودھا میں چینی کی فی کلو قیمت میں 23 روپے تک کا اضافہ ریکارڈ کیا گیا جبکہ کراچی اور حیدرآباد میں چینی کی فی کلو قیمت میں 5 روپے تک اضافہ ہوا۔
دستاویز کے مطابق ملک میں چینی کی زیادہ سے زیادہ فی کلو قیمت 210 روپے تک پہنچ گئی، جبکہ کراچی اور سرگودھا میں چینی 200 روپے فی کلو تک فروخت ہو رہی ہے۔
اسلام آباد اور راولپنڈی میں بھی چینی کی زیادہ سے زیادہ فی کلو قیمت 200 روپے تک ہے، حیدرآباد میں چینی کی فی کلو قیمت 190 روپے سے بڑھ کر 195 روپے ہوگئی۔
ادارہ شماریات کے مطابق گزشتہ ایک ہفتے میں چینی کی اوسط فی کلو قیمت میں 12 پیسے کی معمولی کمی ہوئی، جس کے بعد ملک میں چینی کی اوسط فی کلو قیمت 188 روپے 69 پیسے ریکارڈ کی گئی۔
گزشتہ ہفتے تک ملک میں چینی کی اوسط فی کلو قیمت 188 روپے 81 پیسے تھی، جبکہ ایک سال قبل یہی قیمت 132 روپے 47 پیسے فی کلو تھی۔
چوہدری انوارالحق نے مستعفی ہونے کیلئے شرط رکھ دی