پاکستان سعودی دفاعی معاہدہ ، مسلم لیگ ق کا ” یوم تشکر” منانے کا اعلان
اشاعت کی تاریخ: 20th, September 2025 GMT
اسلام آباد (نیوز ڈیسک)پاکستان مسلم لیگ کے مرکزی سیکرٹری اطلاعات و ترجمان غلام مصطفیٰ ملک نے
کہا ہے کہ پاکستان سعودی عرب دفاعی معاہدہ قومی امنگوں کا ترجمان ہے ،اس اہم سنگ میل پر کل قوم سے ” یوم تشکر “منائے کی اپیل کرتے ہیں، اپنے جاری ایک بیان میں مصطفیٰ ملک نے کہا کہ پارٹی سربراہ اور سابق وزیراعظم چوہدری شجاعت حسین نے اس اہم دفاعی مبصوبے پر انتہائی مسرت کا اعلان کیا ہے، وہ ہمیشہ پاک سعودیہ گرم جوش تعلقات کے لیے سرگرم رہتے ہیں،پاکستان کو ارض حرمین الشریفین کی سیکورٹی سعادت کی بات ہے
مصطفیٰ ملک نے کہا کہ میری جماعت سمجھتی ہے کہ
بیان المرصوص کے بعد پاکستان کا بہترین تشخص اقوم عالم کے سامنے ابھرا ہے، وزیراعظم، آرمی چیف کی مشترکہ کوششوں ،دفاعی اداروں ، پارلیمان اور قوم کی بے مثال یکجہتی نے ہمیں یہ خوشی اور عظیم دن دیکھنا نصیب کیا ۔ مصطفیٰ ملک نے کہا کہ آرمی چیف فیلڈ مارشل عاصم منیر کی بہترین حکمت عملی سے پاکستان اقوام عالم کی آنکھوں کا تارا بن گیا ہے،
سعودی ولی عہد محمد بن سلیمان بھی پاکستان سے خصوصی محبت رکھتے ہیں، سعودی حکومت اور عوام کی محبت ہمارا اثاثہ ہے ، مصطفیٰ ملک جو وزارت اوورسیز پاکستانیز کے فوکل پرسن بھی ہیں نے اپنے وفاقی وزیر چوہدری سالک حسین کو کاوشوں کو بھی خراج تحسین پیش کیا انہوں نے کہاکہ انکے مثبت کردار کی وجہ سے اقوام عالم میں پاکستان کا وقار بلند کرنے میں سمندر پار پاکستانی بھی اہم کردار ادا کر رہے ہیں،
وزارت خارجہ، وزارت اووسیز پاکستانیز سمیت سمدر پار پاکستانیوں نے بیک ڈور ڈیپلومیسی میں اہم کردار ادا کیا،مصطفیٰ ملک نے بتایا کہ آج وزیراعظم شہباز شریف، چوہدری سالک حسین کی دعوت پر برطانیہ میں سمندر پار پاکستانیوں کے اجتماع سے خطاب کریں گے، اس سے قبل آرمی چیف امریکہ، برسلز میں ان اجتماعات سے خطاب کرچکے ہیں،مصطفیٰ ملک کا کہنا تھا کہ
قومی مفادات ہر ایک پاکستانی کو ہر بات پر مقدم ہونے چاہیں۔
وطن کے دفاع، استحکام اور خوشحالی کے لیے سب کو مل کر کردار ادا کرنا ہو گا ۔
ذریعہ: Daily Mumtaz
کلیدی لفظ: ملک نے کہا
پڑھیں:
پاک سعودیہ معاہدہ: ملک بھر میں یومِ تشکر، عوامی جوش و خروش عروج پر
اسلام آباد : پاکستان اور سعودی عرب کے درمیان دفاعی معاہدے پر ملک بھر کی مساجد میں یوم تشکر منایا گیا۔ پاکستان اور سعودی عرب کے درمیان دفاعی معاہدے پر آج (جمعہ) کو ملک بھر کی مساجد میں یوم تشکر منایا گیا۔ شکرانے کے نوافل کی ادائیگی کے بعد پاکستان کی ترقی اور خوشحالی، پاکستان اور سعودی عرب کے درمیان دوستی اور اسلامی بھائی چارے کا رشتہ مزید مضبوط ہونے اور دفاعی معاہدے کی کامیابی کے لیے دعائیں کی گئیں۔یوم تشکر پر مساجد میں نماز شکرانہ ادا کی گئی۔ نماز شکرانہ کے اجتماعات میں چیئرمین رویت ہلال کمیٹی عبدالخبیر آزاد، پاکستان علما کونسل کے چیئرمین مولانا طاہر اشرفی سمیت مختلف مکاتب فکر کے علما نے شرکت کی۔اس موقع پر علمائے کرام نے خطاب کرتے ہوئے پاک سعودی دفاعی معاہدے کو عظیم معاہدہ قرار دیتے ہوئے کہا کہ حرمین شریفین دنیا کے تمام مسلمانوں کے لیے اپنی جان سے بھی بڑھ کر ہے اور اس کی حفاظت کرنا شرف کی بات ہے۔چیئرمین رویت ہلال کمیٹی عبدالخبیر آزاد کا کہنا تھا کہ اس معاہدے پر پوری قوم فیلڈ مارشل جنرل عاصم منیر، خادم حرمین شریفین، ولی عہد محمد بن سلمان کو سلام پیش کرتی ہے۔ حرمین شریفین کا تحفظ ہر مسلمان کے ایمان کا حصہ ہے اور یہ معاہدہ پوری امت مسلمہ کی آواز ہے۔عبدالخبیر آزاد نے کہا کہ پاکستان دنیا کی ساتویں اور امت مسلمہ کی پہلی ایٹمی طاقت ہے۔ پاک سعودی معاہدے سے اسرائیل پریشان ہے۔ پوری قوم فیلڈ مارشل کے ساتھ کھڑی ہے اور ملک دشمن طاقتوں کو اب کوئی جگہ نہیں ملے گی۔ آج کے بعد فوج اور ریاست پر حملہ کرنے والا گناہ کبیرہ کا مرتکب ہوگا۔پاکستان علما کونسل کے چیئرمین علامہ طاہر اشرفی کا کہنا تھا کہ پاکستان کی بنیاد کلمہ طیبہ پر ہے۔ اس معاہدے نے گریٹر اسرائیل کے منصوبے کو زمین میں دفن کر دیا ہے۔ پاکستان اور سعودی عرب کے دفاعی معاہدے کی کامیابی کے لیے دعا گو ہیں۔مولانا طیب قریشی نے کہا کہ اللہ تعالیٰ نے پاکستان اور پاک فواج کو حرمین شریفین کی حفاظت کیلیے چن لیا ہے۔
واضح رہے کہ وزیراعظم شہباز شریف کے دورہ سعودی عرب کے دوران دونوں ممالک کے درمیان بڑا دفاعی معاہدے طے پایا اور اس پر دستخط کیے گئے۔اس موقع پر جاری اعلامیہ میں کہا تھا کہ اس معاہدے کا مقصد کسی بھی جارحیت کیخلاف مشترکہ دفاع و تحفظ مضبوط بنانا ہے کسی ملک کیخلاف جارحیت دونوں ممالک کیخلاف جارحیت تصور ہوگی۔
مودی سرکار کیخلاف فوجی اہلکار سڑکوں پر نکل آئے؛ تنخواہوں میں اضافے کا مطالبہ