پاک بھارت ٹاکرے میں ایک بار پھر وہی متنازع ریفری، قومی ٹیم کی پری میچ کانفرنس منسوخ
اشاعت کی تاریخ: 20th, September 2025 GMT
پاکستان اور بھارت کے درمیان کل ہونے والے مقابلے کے لیے ایک بار پھر وہی چہرہ ریفری کے طور پر سامنے آ گیا ہے جس پر پہلے بھی سوالات اٹھ چکے ہیں۔ اینڈی پائی کرافٹ کو ایک بار پھر میچ ریفری تعینات کرنے پر قومی ٹیم کی پری میچ پریس کانفرنس منسوخ کردی گئی۔
پاکستان کرکٹ بورڈ نے ٹیم کا مورال بلند رکھنے کے لیے ایک موٹیویشنل اسپیکر کی خدمات بھی حاصل کرلی ہیں، اور ٹیم کی کارکردگی کو بہتر بنانے پر بھرپور توجہ دی جا رہی ہے۔
یہ بھی پڑھیں: ایشیا کپ تنازع: میچ ریفری اینڈی پائی کرافٹ کی معافی مانگنے کی ویڈیو سامنے آگئی
یاد رہے کہ ایشیا کپ کے سپر فور مرحلے میں روایتی حریفوں کا ٹکراؤ کل ہوگا، جس میں شائقین کو سنسنی خیز مقابلے کی توقع ہے۔ پہلے میچ میں بھارت نے بازی مار لی تھی۔
متنازع ریفری اینڈی پائیکرافٹ کو ایک بار پھر پاک-بھارت کے اتوار کو ہونے والے میچ کے لیے ریفری تعینات کر دیا گیا جس کے بعد پاکستان کرکٹ ٹیم نے بھارت کے خلاف میچ سے قبل پری میچ پریس کانفرنس منسوخ کر دی۔#pakvsind #AsiaCup2025
— Aamir Saeed Abbasi (@AmirSaeedAbbasi) September 20, 2025
ٹورنامنٹ میں اب تک بھارت ناقابل شکست ہے، جبکہ پاکستان کو واحد ناکامی بھارتی ٹیم کے ہاتھوں ہوئی۔ اس اہم میچ سے پہلے ہیڈ کوچ مائیک ہیسن اور کپتان سلمان آغا کی سربراہی میں اہم مشاورت ہوئی جس میں بیٹرز نے اپنی غلطیوں کا اعتراف کرتے ہوئے آئندہ بہتر کھیل پیش کرنے کے عزم کا اظہار کیا۔
ہیڈ کوچ نے کھلاڑیوں کو اسٹرائیک روٹیشن اور کم ڈاٹ بالز کھیلنے پر زور دیا، جب کہ کھلاڑیوں نے وعدہ کیا کہ سپر فور کے میچز میں پہلے والی کوتاہیوں کو دہرایا نہیں جائے گا۔
پریکٹس سیشن کے دوران بیٹنگ، بولنگ اور فیلڈنگ پر خاص توجہ دی گئی، اور ٹیم نے پوری جان لگا کر تیاریاں کیں۔ دوسری طرف، اس بڑے میچ کی ٹکٹس کی مانگ بھی آسمان کو چھونے لگی ہے۔ ایک ٹکٹ کی کم سے کم قیمت 350 درہم، یعنی تقریباً 27 ہزار پاکستانی روپے تک پہنچ گئی ہے۔
پس منظر میں جھانکیں تو 14 ستمبر کو ایشیا کپ کے چھٹے میچ میں اینڈی پائی کرافٹ پہلے بھی خبروں کی زینت بنے تھے، جب انہوں نے مبینہ طور پر بھارتی بورڈ کی ہدایت پر پاکستانی کپتان کو سوریا کمار یادیو سے مصافحہ کرنے سے روک دیا تھا۔
میچ ختم ہونے پر بھارتی ٹیم نے بھی روایتی اسپورٹس مین اسپرٹ کا مظاہرہ نہ کرتے ہوئے پاکستانی کھلاڑیوں سے ہاتھ ملانے سے گریز کیا، جس کے جواب میں پاکستان ٹیم مینجمنٹ نے کپتان کو پریزینٹیشن میں شرکت سے روک دیا۔
اس واقعے کے بعد پاکستان کرکٹ بورڈ نے آئی سی سی کو باقاعدہ طور پر شکایت کی اور مطالبہ کیا کہ اینڈی پائی کرافٹ کو ایونٹ سے ہٹا دیا جائے۔ آئی سی سی نے جواب میں کہاکہ ریفری کا کردار اس واقعے میں نہ ہونے کے برابر تھا۔
یہ بھی پڑھیں: میچ ریفری نے معذرت کرلی، آئی سی سی کوڈ آف کنڈکٹ کی خلاف ورزی کی انکوائری کرائے گا، محسن نقوی
تاہم پی سی بی اس وضاحت سے مطمئن نہ ہوا اور دوبارہ آئی سی سی کو خط لکھ کر واضح کیا کہ اگر اس متنازع ریفری کو ہٹایا نہ گیا تو پاکستان ایشیا کپ سے دستبردار ہو سکتا ہے۔ جس کے بعد اینڈی پائی کرافٹ نے معذرت کرلی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اینڈی پائی کرافٹ پاک بھارت ٹاکرا پاکستان بورڈ قومی کرکٹ ٹیم متنازع ریفری وی نیوز.
ذریعہ
ذریعہ: WE News
کلیدی لفظ: اینڈی پائی کرافٹ پاک بھارت ٹاکرا پاکستان بورڈ قومی کرکٹ ٹیم متنازع ریفری وی نیوز اینڈی پائی کرافٹ متنازع ریفری ایک بار پھر ایشیا کپ کے لیے
پڑھیں:
لاہور میں ہونیوالی ’’شہید اُمت کانفرنس‘‘ میں ایک اور نشست کا اضافہ
ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ اسلام ٹائمز۔ لاہور میں 13 جون کو مینار پاکستان گراؤنڈ میں ہونیوالی ’’شہید اُمت کانفرنس‘‘ میں ایک اور نشست کا اضافہ کر دیا گیا ہے۔ ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ ترجمان کے مطابق ملک بھر سے معروف نوحہ خواں حضرات کو بھی خصوصی طور پر دعوت دی گئی ہے جبکہ ماتمی سنگتیں بھی دُختر رسولؑ کو پرسہ دیں گی۔
ترجمان کا کہنا تھا کہ اس حوالے سے باقاعدہ ایک کمیٹی تشکیل دی گئی ہے جو نوحہ خواں حضرات اور ماتمی انجمنوں کے سالاروں سے رابطے کر رہی ہے اور اس کے مثبت نتائج سامنے آ رہے ہیں۔ ترجمان کا مزید کہنا تھا کہ ماتمی سنگتوں کے سالاروں اور نوحہ خواں حضرات نے اظہار تشکر کیا ہے کہ انہیں بھی اس عظیم اجتماع میں شرکت کا موقع دیا جا رہا ہے۔ کانفرنس میں نوحہ خواں حضرات نوحہ خوانی کیساتھ شہیدِ امت آیت اللہ سید علی خامنہ ای کو بھی اپنے اپنے انداز میں خراج عقیدت پیش کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ