بھارتی کرکٹ بورڈ کا نیا صدر کون ہوگا؟ ممکنہ امیدوار کا نام سامنے آگیا
اشاعت کی تاریخ: 21st, September 2025 GMT
بھارت کرکٹ بورڈ (بی سی سی آئی) کی صدارت کے لیے جموں و کشمیر سے تعلق رکھنے والے پہلے کرکٹر اور سابق آئی پی ایل پلیئر متھن منہاس مضبوط امیدوار کے طور پر سامنے آگئے ہیں۔
میڈیا رپورٹس کے مطابق بی سی سی آئی کی حالیہ میٹنگ میں منہاس کا نام اس عہدے کے لیے سرفہرست رہا۔ اس وقت وہ جموں و کشمیر کرکٹ ایسوسی ایشن (جے کے سی اے) کے ایڈمنسٹریٹر کے طور پر ذمہ داریاں نبھا رہے ہیں۔
یہ بھی پڑھیے: ذکا اشرف نے ’بی سی سی آئی‘ کے سیکریٹری جے شاہ کو پاکستان آنے کی دعوت دیدی
منہاس اس سے قبل دلیپ ٹرافی کے لیے نارتھ زون کے کنوینر رہ چکے ہیں جبکہ وہ انڈین پریمیئر لیگ کی فرنچائز گجرات ٹائٹنز کے ساتھ بطور سپورٹ اسٹاف بھی منسلک رہے۔ اگرچہ انہیں بھارتی ٹیم کی نمائندگی کا موقع نہ ملا لیکن فرسٹ کلاس کرکٹ میں وہ نمایاں کھلاڑی رہے ہیں۔ اپنے کیریئر میں انہوں نے 157 میچوں میں 9,714 رنز اسکور کیے۔
علاوہ ازیں وہ آئی پی ایل میں دہلی ڈیرڈیولز، پونے واریئرز اور چنئی سپر کنگز کی نمائندگی بھی کر چکے ہیں۔
یہ بھی پڑھیے: پاکستان نے چیمپیئنز ٹرافی کے شاندار انتظامات کیے، بی سی سی آئی کے نائب صدر راجیو شکلا کا اعتراف
بھارتی میڈیا کی رپورٹس کے مطابق راجر بِنّی کے عہدہ چھوڑنے کے بعد متھن منہاس صدر کے عہدے کے لیے فرنٹ رنر ہیں۔ اس کے علاوہ کرناٹک کے تجربہ کار بھٹ خزانچی کے عہدے کے لیے مضبوط امیدوار ہیں جبکہ چھتیس گڑھ کرکٹ سنگھ کے پرابھتیج سنگھ بھاٹیا کو جوائنٹ سیکریٹری بنانے کا امکان ہے۔
رپورٹس کے مطابق بی سی سی آئی کے آئندہ اجلاس میں نئی ٹیم تشکیل دی جائے گی۔ اس دوران سلیکشن کمیٹی میں بھی بڑی تبدیلیاں متوقع ہیں۔
بھارتی ٹیم کی نئی سلیکشن کمیٹی 28 ستمبر سے عہدہ سنبھالے گی اور وہی دو اکتوبر سے ویسٹ انڈیز کے خلاف ہوم ٹیسٹ سیریز کے لیے بھارتی ٹیم کا انتخاب کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی ٹیم بی سی سی آئی کرکٹ.ذریعہ: WE News
کلیدی لفظ: بھارتی ٹیم کرکٹ بھارتی ٹیم کے لیے
پڑھیں:
خواتین ورلڈکپ فائنل میں تاخیر، بھارتی میڈیا نے انتظامیہ پر تنقید کے تیر برسا دیے
آئی سی سی ویمنز کرکٹ ورلڈکپ 2025 کے فائنل میچ کے آغاز میں بارش کے باعث تاخیر پر بھارتی میڈیا نے کرکٹ انتظامیہ کو skنیت تنقید کا نشانہ بنایا ہے۔
میچ کے دوران گراونڈ پر بارش کے باعث کورز بچھا دیے گئے تھے اور ٹاس تقریباً تیس منٹ کی تاخیر سے ہوا۔ تاہم، بھارتی ذرائع ابلاغ نے اس تاخیر کو محض موسمی نہیں بلکہ انتظامی کمزوری قرار دیا۔
بھارتی اخبارات اور نیوز چینلز نے رپورٹس میں کہا کہ “شائقین بڑی تعداد میں میدان میں موجود تھے، مگر بروقت اپ ڈیٹس اور انتظامی رابطے کی کمی نے ان کے جوش کو ماند کر دیا۔” ایک معروف ٹی وی چینل نے اس صورتحال کو “مینجمنٹ فیل” قرار دیا۔
سوشل میڈیا پر بھی شائقین نے بورڈ آف کنٹرول فار کرکٹ ان انڈیا (بی سی سی آئی) کو skنیت تنقید کا نشانہ بنایا اور مطالبہ کیا کہ آئندہ ایسے عالمی مقابلوں میں بہتر منصوبہ بندی کی جائے تاکہ خواتین کرکٹ کے فروغ کو نقصان نہ پہنچے۔
دوسری جانب، ماہرینِ کرکٹ کا کہنا ہے کہ اگرچہ تاخیر کی بنیادی وجہ موسم تھا، تاہم انتظامیہ کو ایسی صورتحال سے نمٹنے کے لیے متبادل حکمتِ عملی پہلے سے تیار رکھنی چاہیے تھی۔
میچ بعد ازاں شروع ہوا اور بھارتی ٹیم کو اپنی کارکردگی کے ذریعے فائنل میں موجودگی کا جواز ثابت کرنے کا موقع ملا، مگر میڈیا کے مطابق “شاندار موقع انتظامی کمزوریوں کے باعث مدھم پڑ گیا۔”
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب کی پہلی لگژری 5 اسٹار ٹرین، سفر اور آرٹ کا حسین امتزاج