وزیراعلیٰ پنجاب کا صوبے میں کچرا ٹھکانے لگانے کا جدید منصوبہ
اشاعت کی تاریخ: 21st, September 2025 GMT
فائل فوٹو
وزیراعلیٰ پنجاب مریم نواز نے صوبے میں کچرا ٹھکانے لگانے کے جدید منصوبے کی منظوری دے دی۔
ماحولیاتی تحفظ کے ادارے نے مریم نواز کے حکم پر پنجاب میں کچرا جمع کرنے کے لیے رنگدار کوڑے دان استعمال کرنے کا باضابطہ نوٹی فکیشن جاری کردیا ہے۔
پہلے مرحلے میں تعلیمی اداروں میں اسمارٹ ویسٹ مینجمنٹ پراسس کی منظوری دی گئی ہے، جس کے تحت سرکاری اور نجی درس گاہوں میں 5 رنگ کے کوڑے دان رکھے جائیں گے۔
سینئر وزیر موحولیات اینڈ کلائمیٹ چینج مریم اورنگزیب منصوبے کی نگرانی کریں گی۔
نوٹی فکیشن کے مطابق تمام اسکولوں میں رنگین کوڑے دان لگانے کے لیے 30 ستمبر 2025 کی ڈیڈ لائن مقرر کی گئی ہے جبکہ یکم اکتوبر سے معائنہ شروع ہوگا اور رنگدار کوڑے دان نہ رکھنے پر جرمانے ہوں گے۔
نوٹی فکیشن کے مطابق الگ الگ رنگ کے کچرے کے ڈبوں میں الگ الگ قسم کا کوڑا کرکٹ جمع کیا جائے گا۔ پیلے رنگ کے ڈبوں میں کاغذ اور ردی جمع کی جائے گی۔ سبز ڈبوں میں بوتلیں، کانچ کے ٹکڑے، لیبارٹری کا ضائع شدہ سامان ڈالا جائے گا، سُرمئی ڈبے میں پھلوں کے چھلکے، ضائع شدہ کھانا، پتے اور گلی سڑی سبزیاں پھینکی جائیں گی۔
اس کے علاوہ لال رنگ کے کچرے کے ڈبے لوہے اور دیگر دھاتی کوڑے کے لیے استعمال ہوں گے جبکہ نارنجی ڈبے پلاسٹک ویسٹ کے لیے استعمال کئے جائیں گے۔
کوڑا کرکٹ کی اشیا کو دوبارہ استعمال کے قابل بنانے کے لیے استعمال کیا جائے گا۔ جدید طریقے کا مقصد کچرے کی مقدار میں کمی لانا اور ماحول دوست رویوں کو فروغ دینا ہے۔
اس کے علاوہ پنجاب مینجمنٹ ہیلپ لائن 1139 پر تعلیمی ادارے کچرے کو اٹھانے کے لیے رابطہ بھی کرسکتے ہیں۔
.ذریعہ: Jang News
کلیدی لفظ: کوڑے دان کے لیے رنگ کے
پڑھیں:
چمن میں دھماکا: 5 افراد جاں بحق، وزیراعظم اور وزیراعلیٰ بلوچستان کی مذمت
پاک افغان سرحدی شہر چمن کے ٹیکسی اسٹینڈ کے قریب ایک دھماکے میں 5 افراد جان کی بازی ہار گئے جبکہ ایک شخص زخمی ہوگیا ہے۔
یہ بھی پڑھیں: بلوچستان: لیویز اور پولیس تھانوں پر دہشتگردوں کا حملہ، ایک اہلکار شہید، 2 زخمی
پولیس کے مطابق دھماکا ایک گاڑی کے قریب ہوا جس کے بعد فوری طور پر پولیس اور امدادی ٹیمیں موقع پر پہنچ گئیں۔
سیکیورٹی فورسز نے علاقے کو گھیرے میں لے کر تفتیش کا آغاز کردیا ہے اور لیویز سمیت دیگر ادارے شواہد جمع کر رہے ہیں۔
واقعہ بلوچستان کے امن پر حملہ ہے، وزیراعظم شہباز شریفوزیر اعظم محمد شہباز شریف نے چمن میں پاک افغان سرحد کے قریب کار پارکنگ میں ہونے والے بم دھماکے کی شدید الفاظ میں مذمت کرتے ہوئے دھماکے کے نتیجے میں قیمتی انسانی جانوں کے ضیاع پر گہرے دکھ اور رنج کا اظہار کیا۔
وزیر اعظم نے جاں بحق افراد کی مغفرت اور بلندیٔ درجات کے لیے دعا کرتے ہوئے متاثرہ خاندانوں سے دلی ہمدردی کا اظہار کیا۔
انہوں نے زخمیوں کی جلد صحتیابی کے لیے بھی دعا کی اور انہیں فوری اور بہترین طبی سہولیات فراہم کرنے کی ہدایت کی۔
اپنے بیان میں وزیرِ اعظم نے متعلقہ اداروں کو ہدایت کی کہ واقعے کے ذمہ داران کا جلد تعین کیا جائے اور انہیں قانون کے مطابق قرار واقعی سزا دلوائی جائے۔
مزید پڑھیے: سوشل میڈیا جن قابو سے باہر ہو رہا ہے، بے لگام مواد برداشت نہیں کیا جائے گا، وزیراعلیٰ بلوچستان
انہوں نے کہا کہ بلوچستان میں شرپسندی پھیلانے والے عناصر صوبے کی ترقی و خوشحالی کے دشمن ہیں۔
وزیر اعظم شہباز شریف نے اس عزم کا اظہار کیا کہ ریاست ایسے عناصر کے ناپاک عزائم کو ہرگز کامیاب نہیں ہونے دے گی اور بلوچستان میں امن و استحکام کو ہر قیمت پر یقینی بنایا جائے گا۔
سرفراز بگٹی کی مذمت، زخمیوں کو بہترین طبی کی فراہمی کی ہدایتوزیر اعلیٰ بلوچستان میر سرفراز بگٹی نے اس واقعے کی سخت مذمت کی ہے۔ انہوں نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے زخمیوں کو بہترین طبی امداد فراہم کرنے کی ہدایت کی ہے۔
وزیر اعلیٰ نے کہا کہ صوبائی حکومت متاثرہ خاندانوں کو ہر ممکن امداد دے گی اور امن دشمن عناصر کو کسی رعایت کی اجازت نہیں دی جائے گی۔
مزید پڑھیں: بلوچستان کے عدالتی نظام میں اہم تبدیلی، اب جدید ٹیکنالوجی کی مدد سے ٹرائلز ہوں گے
انہوں نے دہشتگردوں کو ان کے منطقی انجام تک پہنچانے کا عزم بھی دہرایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان چمن چمن دھماکا وزیراعظم شہباز شریف وزیراعلیٰ بلوچستان میر سرفراز بگٹی
شیک ہینڈ تنازع:پاکستان نے میچ ریفری اینڈی پائی کرافٹ کو ہوم سیریز سے بھی نکالنے کیلئے خط لکھ دیا