پنجاب میں کچرا ٹھکانے لگانے کا جدید منصوبہ، رنگدار کوڑے دان لازمی قرار
اشاعت کی تاریخ: 21st, September 2025 GMT
وزیراعلیٰ پنجاب مریم نوازشریف کی ہدایت پر صوبے میں کچرا ٹھکانے لگانے کا جدید منصوبہ متعارف کرا دیا گیا ہے۔
یہ بھی پڑھیں:صاف ستھرا پنجاب پروگرام کے تحت اب کتنا صفائی ٹیکس دینا ہوگا؟
اس منصوبے کے تحت پنجاب بھر کے سرکاری و نجی تعلیمی اداروں میں ’اسمارٹ ویسٹ مینجمنٹ پراسیس‘ نافذ کرنے کی منظوری دے دی گئی ہے، جس کے تحت 5 رنگوں کے کوڑے دان استعمال کرنا لازمی ہوگا۔
منصوبے کی نگرانیسینیئر وزیر ماحولیات و کلائمٹ چینج مریم اورنگزیب منصوبے کی براہ راست نگرانی کریں گی، جبکہ وزیر تعلیم رانا سکندر اور وزیر لوکل گورنمنٹ زیشان ملک کو ٹارگٹس سونپ دیے گئے ہیں۔
30 ستمبر تک تمام تعلیمی اداروں میں رنگدار کوڑے دان نصب کرنے کی ڈیڈ لائن مقرر کی گئی ہے اور یکم اکتوبر سے معائنہ شروع ہوگا۔ تعلیمی اداروں میں ہدایت پر عمل نہ کرنے پر جرمانے عائد کیے جائیں گے۔
رنگدار کوڑے دانوں کی تفصیلماحولیاتی تحفظ کے ادارے (ای پی اے) کے نوٹیفیکیشن کے مطابق کچرے کی اقسام کے لیے درج ذیل رنگ مقرر کیے گئے ہیں:
پیلا ڈبہ: کاغذ اور ردی کے لیے سبز ڈبہ: بوتلیں، کانچ کے ٹکڑے اور لیبارٹری کا ضائع شدہ سامان سُرمئی (گرے) ڈبہ: پھلوں کے چھلکے، ضائع شدہ کھانا، پتے اور سبزیاں لال ڈبہ: لوہے اور دیگر دھاتی اشیاء نارنجی (اورنج) ڈبہ: پلاسٹک ویسٹ کے لیے مقصد اور فوائداس جدید طریقہ کار کا مقصد کچرے کی مقدار میں کمی لانا، ری سائیکلنگ کو فروغ دینا اور ماحول دوست رویوں کو پروان چڑھانا ہے۔ ان اشیاء کو دوبارہ قابلِ استعمال بنانے کے لیے جدید عمل اختیار کیا جائے گا۔
معاون ادارے اور سہولتمعاون اداروں اور سہولت کے حوالے سے بتایا گیا ہے کہ پنجاب مینجمنٹ ہیلپ لائن 1139 کے ذریعے تعلیمی ادارے کچرا اٹھانے کے لیے براہِ راست رابطہ کرسکتے ہیں، جبکہ لوکل گورنمنٹ اینڈ کمیونٹی ڈویلپمنٹ ڈیپارٹمنٹ رنگدار کوڑے دانوں کے انتظام میں اپنا کردار ادا کرے گا۔
اس کے ساتھ ساتھ ماحولیاتی تحفظ کا ادارہ (ای پی اے) منصوبے کے نفاذ کو یقینی بنانے کے لیے تعلیمی اداروں کا باقاعدہ معائنہ کرے گا اور اپنی ٹیموں کے ذریعے اس پر عمل درآمد کی نگرانی کرے گا۔
جو تعلیمی ادارے معیار پر پورا اتریں گے انہیں ای پی اے کی جانب سے سرٹیفکیٹ بھی جاری کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسمارٹ ویسٹ مینجمنٹ پراسیس پنجاب رنگدار کوڑے دان کچرا کوڑا.
ذریعہ
ذریعہ: WE News
کلیدی لفظ: اسمارٹ ویسٹ مینجمنٹ پراسیس رنگدار کوڑے دان کچرا کوڑا رنگدار کوڑے دان تعلیمی اداروں کے لیے
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار