زیارت سے اغواء ہونیوالے اسسٹنٹ کمشنر افضل باقی کی لاش برآمد
اشاعت کی تاریخ: 21st, September 2025 GMT
اسسٹنٹ کمشنر افضل باقی کی لاش بلوچستان کے ضلع ہرنائی سے زردآلو کے مقام سے برآمد کر لی گئی ہے۔ اسلام ٹائمز۔ بلوچستان کے ضلع زیارت سے اغواء ہونیوالے اسسٹنٹ کمشنر محمد افضل باقی اور ان کے بیٹے کی لاشیں ہرنائی سے برآمد ہوئی ہیں۔ جنہیں ڈیڑھ ماہ قبل زیارت سے نامعلوم مسلح افراد نے اغواء کیا تھا۔ اسسٹنٹ کمشنر افضل باقی کی لاش بلوچستان کے ضلع ہرنائی سے زردآلو کے مقام سے برآمد کر لی گئی ہے۔ افضل باقی اور ان کے بیٹے مستنصر بلال کو 10 اگست کو مسلح افراد نے زیارت سے اغواء کیا تھا۔ مذکورہ افراد کے ڈرائیور اور محافظوں کو یرغمال بنانے کے بعد رہا کیا گیا، تاہم اسسٹنٹ کمشنر اور ان کے بیٹے کو اغواء کر لیا گیا۔ مغویوں کی ویڈیوز بھی جاری کی گئی تھیں۔ آج افضل باقی کی لاش برآمد ہوئی ہے۔
.
ذریعہ
ذریعہ: Islam Times
کلیدی لفظ: افضل باقی کی لاش زیارت سے
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی