جعلی ڈگری کیس: پی ٹی آئی رہنما جمشید دستی کو 7 سال قید کی سزا
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
پاکستان تحریک انصاف (پی ٹی آئی) کے رہنما جمشید دستی کو جعلی ڈگری کیس میں 7 سال قید کی سزا سنادی گئی۔
نجی ٹی وی کی رپورٹ کے مطابق ملتان کی سیشن کورٹ نے جعلی ڈگری کیس کا فیصلہ سناتے ہوئے پاکستان تحریک انصاف کے رہنما اور سابق رکنِ قومی اسمبلی جمشید احمد دستی کو سات سال قید کی سزا سنا دی، عدالت نے قرار دیا کہ ملزم نے حقائق چھپائے اور انتخابی عمل میں دھوکہ دہی سے کام لیا۔
کیس کا آغاز اس وقت ہوا جب الیکشن کمیشن نے جمشید دستی کے خلاف استغاثہ دائر کیا۔ استغاثہ کے مطابق انہوں نے 2008ء کے عام انتخابات میں مظفرگڑھ کے حلقہ این اے 178 سے حصہ لینے کے لیے مدرسے کی بی اے کی ڈگری جمع کرائی تھی، تاہم بعد ازاں یہ ڈگری جعلی ثابت ہوئی۔
الیکشن کمیشن کے وکلاء نے عدالت کو بتایا کہ سندھ ہائر ایجوکیشن کمیشن کے پاس جمشید دستی کی ڈگری کا کوئی ریکارڈ موجود نہیں، ملزم نے آئین کے آرٹیکل 62 اور 63 کی صریحاً خلاف ورزی کی اور عوام کے ساتھ دھوکا کرتے ہوئے اپنی تعلیمی قابلیت چھپائی۔ اسی بنا پر ان کی اسمبلی رکنیت کو پہلے ہی ختم کیا گیا تھا۔
عدالت نے فیصلہ سناتے ہوئے کہا کہ جمشید دستی نے نہ صرف قانون بلکہ عوامی اعتماد کی بھی خلاف ورزی کی ہے، اس لیے انہیں سات سال قید کی سزا دی جاتی ہے۔
یاد رہے کہ دو ماہ قبل لاہور ہائیکورٹ نے پاکستان تحریک انصاف کے رہنما جمشید دستی کی درخواست پر این اے 175 میں ضمنی الیکشن کا شیڈول معطل کرتے ہوئے انتخاب روکنے کا حکم دیا تھا۔
.ذریعہ: Jasarat News
کلیدی لفظ: سال قید کی سزا جمشید دستی
پڑھیں:
پی ٹی آئی رہنماؤں کو گرفتار کرکے پیش کرنے کا حکم
اسد قیصر، شبلی فراز، عمر ایوب، علی نواز اعوان کے وارنٹ گرفتاری جاری
انسداددہشتگردی عدالت کے جج طاہر عباس سپرا نے وارنٹ گرفتاری جاری کئے
انسداددہشت گردی عدالت اسلام آباد نے تھانہ سی ٹی ڈی کے مقدمہ میں پی ٹی آئی رہنماؤں کے وارنٹ گرفتاری جاری کردیے۔ تفصیلات کے مطابق پی ٹی آئی رہنما اسد قیصر، شبلی فراز، عمر ایوب، علی نواز اعوان کے وارنٹ گرفتاری جاری کئے گئے،انسداددہشت گردی عدالت کے جج طاہر عباس سپرا نے وارنٹ گرفتاری جاری کئے ۔عدالت نے پی ٹی آئی رہنماؤں کو 11 نومبر تک گرفتار کرکے پیش کرنے کا حکم دیدیا۔ پی ٹی آئی رہنماؤں کیخلاف دہشت گردی کی دفعات کے تحت مقدمہ درج ہے ۔پی ٹی آئی رہنما متعدد بار طلب کرنے کے باوجود عدالت میں پیش نہیں ہو رہے تھے۔
بٹ کوائن کی گراوٹ نے 7 سالہ ریکارڈ توڑ دیا، سرمایہ کار خوفزدہ