data-id="863a0a8" data-element_type="widget" data-widget_type="theme-post-content.default">
250923-01-7
اسلام آباد(صباح نیوز)وزیراعظم لیپ ٹاپ اسکیم میں درخواست دینے والے طلبہ اب آسانی سے درخواست کا اسٹیٹس چیک کرسکیں گے،حکومت نے وزیراعظم لیپ ٹاپ اسکیم 2025ء دوبارہ شروع کر دی ہے ، جس کے تحت ملک بھر کی یونیورسٹیوں اور کالجوں کے ہزاروں طلبہ کو مفت لیپ ٹاپ دیے جائیں گے۔حکومتی اعلامیہ میں کہا گیا کہ اس اسکیم کا مقصد ایسے طلبہ کو ڈیجیٹل سہولت فراہم کرنا ہے جن کے گھرانے مالی دبا وکے باعث لیپ ٹاپ خریدنے کی
سکت نہیں رکھتے۔.
لیپ ٹاپ سے طلبہ نہ صرف آن لائن کلاسز اور ریسرچ ورک میں حصہ لے سکیں گے بلکہ آئی ٹی مہارتوں کے ذریعے فری لانسنگ اور ریموٹ ورک کے ذریعے اپنے خاندان کی مدد بھی کرسکیں گے۔طلبہ کو نہیں معلوم کہ ان کا نام اسکیم کی فہرست میں شامل ہے یا نہیں تاہم اس مسئلے کے حل کے لیے حکومت نے ایک نیا آن لائن سسٹم متعارف کرایا ہے۔اب طلبہ PM Youth Programme کی ویب سائٹ (laptop.pmyp.gov.pk) پر جا کر اپنا قومی شناختی کارڈ نمبر درج کریں،
یونیورسٹی کا انتخاب کریں اور فوری طور پر یہ دیکھ سکیں گے کہ ان کی درخواست منظور، زیرِ جائزہ یا مسترد ہوگئی ہے۔حکام کے مطابق زیادہ تر درخواستیں ادھوری ریکارڈ کی وجہ سے مسترد ہوجاتی ہیں۔ درخواست دیتے وقت طلبہ کو جو دستاویزات لازمی مکمل رکھنی چاہئیں:ان میں درست قومی شناختی کارڈیا ب فارم(نادرا تصدیق کے لیے)،یونیورسٹی ان رولمنٹ کا ثبوت (اسٹوڈنٹ کارڈ)،حالیہ ٹرانسکرپٹ برائے تعلیمی کارکردگی،یونیورسٹی ڈیٹا بیس میں اپ ڈیٹ شدہ ذاتی معلومات شامل ہیں،اگر کسی طالب علم کا نام فہرست میں نہیں آتا تو پہلے اپنی یونیورسٹی کے فوکل پرسن سے رابطہ کیا جائے۔ اس کے علاوہ شکایت PM Youth Programme ہیلپ لائن پر بھی درج کرائی جا سکتی ہے۔حکام کے مطابق بعض طلبہ کو منظوری کے باوجود لیپ ٹاپ ملنے میں تاخیر کا سامنا کرنا پڑتا ہے۔ اس کی بنیادی وجوہات میں یونیورسٹیوں کی جانب سے دیر سے تصدیق، ادھوری دستاویزات، شپمنٹ تاخیر اور بعض اوقات بجٹ کی منظوری میں تاخیر شامل ہیں۔محکمہ تعلیم نے طلبہ کو مشورہ دیا ہے کہ وہ اپنی یونیورسٹی سے مسلسل رابطے میں رہیں اور رابطہ نمبر یا ای میل ایڈریس ہمیشہ اپ ڈیٹ رکھیں تاکہ تقسیم کے موقع پر کسی رکاوٹ کا سامنا نہ کرنا پڑے۔
خبر ایجنسی
ذریعہ: Jasarat News
کلیدی لفظ:
لیپ ٹاپ
طلبہ کو
پڑھیں:
گو رنر سندھ کامران ٹیسوری سے ڈاؤ یونیورسٹی کی نئی تعینات وائس چانسلر ڈاکٹر نازلی حسین ملاقات کر رہی ہیں
data-id="863a0a8" data-element_type="widget" data-widget_type="theme-post-content.default"> 
جسارت نیوز 
گلزار
عدالت عظمیٰ میں انتظامی تقرریاں، سہیل محمد لغاری رجسٹرار تعینات