ایک نہیں 30 سیٹیں جیتنے کیلیے میدان میں اتریں ہیں‘افتخار شیخ
اشاعت کی تاریخ: 23rd, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر)کراچی کسٹم ایجنٹس ایسوسی ایشن کے انتخابات کے سلسلے میں بزنس مین پینل کے پیٹرن اور سربراہ افتخار احمد شیخ نے کہا ہے کہ ہم انتخابات میں تبدیلی کے لیے اترے ہیں تاکہ عام ممبران کو فائدہ پہنچے، ہماری مکمل ٹیم میدان میں ہے اور ہم اپنے تمام ممبران سے اپیل کرتے ہیں کہ بزنس مین پینل کے 30 کے 30 امیدواروں کو کامیاب کریں تاکہ ہمارا منشور بغیر کسی رکاوٹ کے نافذ ہوسکے۔ان خیالات کا اظہار انہوں نے سینئر نائب صدر کے امیدوار محمود الحسن اعوان کی جانب سے دیے گئے ظہرانے سے خطاب کرتے ہوئے کیا۔ اس موقع پر یونس سومرو، آصف اعوان، ذاکر حسین،عامر ندیم،عاطف احمد،شمس نعیم،محمد انور ، فہاد علی،اختر علی،ذوالفقاراحمد ،ذاکر خان،محبوب،ظفر صدیقی،احمد علی،شمس اللہ، جمیل، ریحان،محمد فیروز ،ارسلان کریم،غلام محمد، عبدالرو ¿ف،عدنان اقبال، رضوان، وحید بٹ،غلام رسول، نواب نور،سمیع الحق،محمد شفیق اور دیگر ممبران بڑی تعدادمیں موجود تھے۔ افتخار احمد شیخ نے کہا کہ ہمارا سب سے بڑا مقصد ایجنٹس کی عزت اور وقار کو بحال کرنا ہے، کسٹم ، شپنگ اور ٹرمینل کے ساتھ بہترین تعلقات قائم کرنا ہے اور ذاتی مفادات سے بالاتر ہوکر کاروبار کو آگے بڑھانا ہے۔ افتخار احمد شیخ نے کہا کہ ہم کسی کے لیے سنگل ووٹ نہیں مانگیں گے بلکہ پورے پینل کا ووٹ مانگتے ہیں، ذاتی تنقید کا جواب ہم 27ستمبر کے بعد دیں گے، ہمارا ہدف مخالفت نہیں بلکہ آپس میں مل کر کام کرنا ہے، ہم انتخابات کے پیچھے نہیں ہٹیں گے اور ضرور جیتیں گے۔افتخار احمد شیخ نے مزید کہا کہ6 سال تک ہم نے کوشش کی کہ موجودہ باڈی کے ساتھ مل کر چلیں تاکہ اختلافات سامنے نہ آئیں لیکن بارہا اس بات کا سامنا ہوا کہ وہ اپنے ذاتی مفادات اور ذاتی پلاننگ کے تحت آگے بڑھتے رہے ، اس رویے کے خلاف دوستوں نے فیصلہ کیا کہ اس مرتبہ ہم انتخابی میدان میں اتریں گے۔افتخار احمد شیخ کا کہنا تھا کہ ہم اپنا ذاتی اثر و رسوخ ضرور استعمال کر رہے ہیں تاکہ ممبران تک رسائی ہو سکے تاہم اس کا چیمبر یا فیڈریشن سے کوئی تعلق نہیں ہے ، اگر کوئی فیڈریشن کے دباو ¿ کی بات کرتا ہے تو یہ ان کی اپنی سوچ ہے، ہمارا مقصد صرف ممبران کے لیے لڑنا ہے۔
ذریعہ: Jasarat News
کلیدی لفظ: افتخار احمد شیخ نے
پڑھیں:
امریکی شٹ ڈاؤن: 40 بڑے ہوائی اڈوں پر پروازوں میں 10 فیصد کمی کا فیصلہ
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ کی انتظامیہ نے ملک میں جاری شٹ ڈاؤن کے باعث پروازوں میں بڑے پیمانے پر کمی کا اعلان کر دیا ہے۔
امریکی فیڈرل ایوی ایشن ایڈمنسٹریشن (FAA) کے مطابق اگر حکومت اور کانگریس کے درمیان شٹ ڈاؤن معاہدہ طے نہ پایا تو جمعے سے درجنوں بڑے ہوائی اڈوں پر پروازوں کی تعداد میں 10 فیصد تک کمی کردی جائے گی۔
امریکی وزیرِ ٹرانسپورٹ شان ڈفی نے بدھ کو نیوز کانفرنس میں بتایا کہ یہ فیصلہ ایئر ٹریفک کنٹرولرز کی شدید قلت کے باعث کیا گیا ہے جو کئی ہفتوں سے بغیر تنخواہ کام کر رہے ہیں، ہم نے کنٹرولرز سے کام پر آنے کی درخواست کی ہے لیکن حقیقت یہ ہے کہ وہ مالی دباؤ میں ہیں اور اپنی روزمرہ ضروریات پوری کرنے میں مشکل محسوس کر رہے ہیں ۔
ابتدائی فہرست کے مطابق نیویارک، واشنگٹن، شکاگو، اٹلانٹا، ڈلاس، فینکس اور سیئٹل سمیت ملک کے 40 مصروف ترین ہوائی اڈے متاثر ہوں گے،ایف اے اے کے ایڈمنسٹریٹر برائن بیڈفورڈ نے کہا کہ ہم ائیر لائنز کے ساتھ مل کر شیڈول میں کمی کریں گے تاکہ فضائی نظام کی حفاظت برقرار رہے۔
نیشنل ٹرانسپورٹیشن سیفٹی بورڈ کی چیئرپرسن جینیفر ہومینڈی نے بھی اس فیصلے کو درست قرار دیتے ہوئے کہا کہ نظام پر دباؤ بڑھ رہا ہے اور یہ اقدام حفاظت کے نقطہ نظر سے ضروری ہے۔
ذرائع کے مطابق ائیر لائنز کو یہ فیصلہ صرف ایک گھنٹہ پہلے بتایا گیا،وہ حکومتی اداروں سے رابطے میں ہیں تاکہ مسافروں اور سامان کی ترسیل پر اثرات کم سے کم کیے جا سکیں۔
رپورٹ کے مطابق جمعے سے پروازوں میں کمی کا عمل شروع ہوگا جو آئندہ ہفتے تک بتدریج بڑھایا جائے گا، یہ تبدیلیاں صرف کمرشل فلائٹس ہی نہیں بلکہ اسپیس لانچز اور چھوٹے طیاروں پر بھی لاگو ہوں گی۔
ہر چیزآن لائن، رحمت یا زحمت؟