ہرنائی سے ملنے والی لاش اسسٹنٹ کمشنر کی نہیں
اشاعت کی تاریخ: 23rd, September 2025 GMT
ڈی سی زیارت سلیم ترین کے مطابق ہرنائی سے ملنے والی لاش اسسٹنٹ کمشنر کی نہیں، بلکہ محبت اللہ سمالانی نامی شخص کی ہے۔ اسلام ٹائمز۔ بلوچستان کے ضلع ہرنائی سے ملنے والی لاش اسسٹنٹ کمشنر زیارت محمد افضل کی نہیں ہے۔ لیویز فورس اسسٹنٹ کمشنر کی لاش تلاش کر رہی ہے۔ ڈپٹی کمشنر ہرنائی محمد سلیم ترین کا کہنا ہے کہ ہرنائی کے علاقے زرد آلو سے برآمد ہونے والی لاش کی شناخت ہو گئی ہے۔ جو نوجوان محبت اللہ سمالانی کی ہے، جسے لین دین کے تنازع پر قتل کیا گیا تھا۔ انہوں نے اسسٹنٹ کمشنر کی لاش کی بازیابی کی تردید کرتے ہوئے کہا کہ زرد آلو، کوسٹ اور ٹکری کے پہاڑی سلسلوں میں تلاش کے دوران ملنے والی لاش محبت اللہ سمالانی کی ہے۔ جسے کوسٹ کے قبرستان میں سپرد خاک کر دیا گیا۔
.ذریعہ: Islam Times
کلیدی لفظ: اسسٹنٹ کمشنر کی ملنے والی لاش
پڑھیں:
بلوچستان: اغواکاروں نے اسسٹنٹ کمشنر زیارت کو بیٹے سمیت قتل کردیا
بلوچستان کے ضلع زیارت میں اغوا کیے گئے اسسٹنٹ کمشنر محمد افضل اور ان کے کمسن بیٹے کو سفاکانہ طور پر قتل کردیا گیا۔ دونوں کی گولیوں سے چھلنی لاشیں ہرنائی کے علاقے زردآلو سے برآمد ہوئیں۔
لیویز ذرائع کے مطابق محمد افضل اور ان کے بیٹے کو 2 ماہ قبل زیارت کے علاقے زیزری سے نامعلوم افراد نے اغوا کیا تھا۔ چند روز قبل اغوا کاروں کی جانب سے ایک ویڈیو جاری کی گئی تھی، جس میں شہید اسسٹنٹ کمشنر اور ان کے بیٹے نے حکام سے اغوا کاروں کے مطالبات پورے کرنے کی اپیل کی تھی۔
یہ بھی پڑھیں: زیارت سے اغوا ہونے والے اسسٹنٹ کمشنر اور بیٹے کی ویڈیو منظر عام پر، رہائی کے لیے مطالبات تسلیم کرنے کی اپیل
بلوچستان حکومت نے اس واقعے کے بعد مجرموں کی نشاندہی پر 5 کروڑ روپے انعام کا اعلان بھی کیا تھا۔
افسوسناک واقعے پر وزیر اعلیٰ بلوچستان میر سرفراز بگٹی نے شدید مذمت کا اظہار کرتے ہوئے کہاکہ شہید اسسٹنٹ کمشنر محمد افضل ایک فرض شناس، دیانتدار اور قابل افسر تھے جنہوں نے اپنی ذمہ داریاں نہایت خلوص سے انجام دیں۔
انہوں نے کہاکہ محمد افضل نے فرض کی ادائیگی کے دوران جان کا نذرانہ پیش کیا اور وہ ہمیشہ عوام کے دلوں میں زندہ رہیں گے۔
وزیراعلیٰ نے مزید کہاکہ معصوم جانوں کے قاتل اور امن کے دشمن اپنے عبرتناک انجام سے نہیں بچ پائیں گے۔
لواحقین سے تعزیت کرتے ہوئے انہوں نے کہا کہ حکومت دکھ کی اس گھڑی میں ان کے ساتھ کھڑی ہے اور شہدا کی قربانیاں بلوچستان میں قیامِ امن کے لیے مشعل راہ ہیں۔
دوسری جانب وفاقی وزیر داخلہ محسن نقوی نے بھی اس واقعے پر شدید ردعمل دیتے ہوئے اسے بزدلانہ اور انسانیت سوز اقدام قرار دیا۔
انہوں نے شہید افسر اور ان کے بیٹے کو خراج عقیدت پیش کرتے ہوئے کہا کہ محمد افضل نے فرض کی ادائیگی کے دوران شہادت کا عظیم رتبہ پایا، وہ ایک فرض شناس اور محنتی افسر تھے جو ہمیشہ ہمارے دلوں میں زندہ رہیں گے۔
یہ بھی پڑھیں: اسسٹنٹ کمشنر زیارت بیٹے سمیت اغوا، مسلح افراد نے گاڑی کو آگ لگادی
وزیر داخلہ نے کہا کہ اس گھناؤنے جرم میں ملوث درندے قانون کی گرفت سے نہیں بچ سکیں گے اور انہیں ان کے انجام تک پہنچایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسسٹنٹ کمشنر زیارت اغواکار بلوچستان بیٹے سمیت قتل وزیراعلیٰ بلوچستان وی نیوز
پاکستان حرمین شریفین کا محافظ بن گیا، پاک سعودی دفاعی معاہدے کے اہم نکات