پاور سیکٹر گردشی قرض میں کمی کیلئے بینکوں سے قرض معاہدوں پر آج دستخط ہوں گے، ذرائع
اشاعت کی تاریخ: 24th, September 2025 GMT
پاور سیکٹر گردشی قرض میں کمی کے لیے بینکوں سے قرض معاہدوں پر آج دستخط ہوں گے، وزیراعظم تقریب میں ورچوئل شریک ہوں گے۔
ذرائع کے مطابق گردشی قرضوں میں کمی کے لیے بینکوں سے 1275 ارب روپے قرض لیا جائے گا، 18 بینکوں سے قرض کے لیے معاہدوں پر دستخط کی تقریب آج وزیراعظم آفس میں ہوگی۔
ذرائع کا کہنا ہے کہ وزیراعظم شہباز شریف معاہدوں پر دستخطوں کی تقریب میں ورچوئل شریک ہوں گے۔
سینٹرل پاور پرچیزنگ ایجنسی نے تقریب میں شرکت کے لیے اسٹیک ہولڈرز کو مطلع کر دیا ہے، تقریب میں 18 بینکوں اور ڈسکوز سمیت دیگر حکام کو دعوت دی گئی ہے۔
ذرائع کے مطابق وزیر پاور اویس لغاری اور کئی وفاقی ورزا معاہدوں پر دستخط کی تقریب میں شریک ہوں گے۔
آئی ایم ایف مشن ہیڈ، ورلڈ بینک اور ایشیائی ترقیاتی بینک کے کنٹری ڈائریکٹرز بھی مدعو ہیں، جبکہ چیئرمین نیپرا اور گورنر اسٹیٹ بینک اور دیگر اعلیٰ حکام کو بھی تقریب میں شرکت کی دعوت دی گئی ہے۔
ذرائع کا کہنا ہے کہ جولائی 2025 تک پاور سیکٹر کا گردشی قرض 1661 ارب روپے ریکارڈ کیا گیا، 683 ارب روپےکی فنانسنگ سے پاور ہولڈنگ کمپنی کے بقایا جات ادا ہوں گے۔
ذرائع کا مزید کہنا ہے کہ بینکوں کو قرض کی واپسی 24 سہ ماہی اقساط میں جائے گی، قرض کی ادائیگی بجلی صارفین سے سرچارجز کے ذریعے کی جائے گی۔
واضح رہے کہ اس وقت صارفین سرچارجز کی مد میں 3 روپے23 پیسے فی یونٹ ادا کر رہے ہیں۔
.
ذریعہ
ذریعہ: Jang News
کلیدی لفظ: معاہدوں پر بینکوں سے کے لیے ہوں گے
پڑھیں:
ٹرمپ پر قاتلانہ حملے کے بعد منسوخ ہونے والے وائٹ ہاؤس پریس ڈنر کے دوبارہ انعقاد کا فیصلہ
واشنگٹن: امریکی صدر ڈونلڈ ٹرمپ پر قاتلانہ حملے کے بعد منسوخ کر دیے گئے وائٹ ہاؤس پریس ڈنر کو دوبارہ منعقد کرنے کا اعلان کر دیا گیا ہے۔ تقریب اب 24 جولائی کو منعقد ہوگی اور صدر ٹرمپ اس میں شرکت کریں گے۔
امریکی میڈیا رپورٹس کے مطابق صدر ڈونلڈ ٹرمپ نے تقریب میں شرکت کی دعوت قبول کر لی ہے۔ یہ تقریب واشنگٹن میں صحافیوں اور میڈیا نمائندوں کے اعزاز میں منعقد کی جاتی ہے اور امریکی سیاسی و میڈیا حلقوں کی اہم تقریبات میں شمار ہوتی ہے۔
صدر ٹرمپ نے اس حوالے سے اپنے بیان میں کہا کہ وہ ’پاگل عناصر‘ کو اپنی طرزِ زندگی یا اپنے شیڈول میں تبدیلی لانے کی اجازت نہیں دے سکتے۔ ان کا کہنا تھا کہ عوامی سرگرمیاں اور سرکاری تقریبات معمول کے مطابق جاری رہیں گی۔
انہوں نے یہ بھی کہا کہ فی الحال یہ کہنا مشکل ہے کہ آیا وہ تقریب میں پہلے کی طرح سخت اور دوٹوک انداز میں خطاب کریں گے یا نہیں، تاہم اس بارے میں جلد ہی صورتحال واضح ہو جائے گی۔
صدر ٹرمپ کے مطابق یہ تقریب پنسلوانیا ایونیو پر واقع والڈورف آسٹوریا کے بال روم میں منعقد ہوگی۔ انہوں نے کہا کہ اس مقام کی تعمیر میں ان کا بھی کردار رہا ہے۔
یاد رہے کہ رواں سال اپریل میں واشنگٹن میں وائٹ ہاؤس کے میڈیا نمائندوں کے اعزاز میں منعقدہ عشائیے کے دوران فائرنگ کا واقعہ پیش آیا تھا۔ اس واقعے میں صدر ٹرمپ محفوظ رہے جبکہ حملہ آور کو موقع پر گرفتار کر لیا گیا تھا۔
بعد ازاں امریکی حکام نے ملزم پر صدر ڈونلڈ ٹرمپ کو قتل کرنے کی کوشش کا باضابطہ الزام عائد کیا تھا، جس کے بعد سکیورٹی خدشات کے پیش نظر پریس ڈنر کو منسوخ کر دیا گیا تھا۔
اب تقریب کی دوبارہ میزبانی کے اعلان کو صدر ٹرمپ کی معمول کی سرگرمیوں کی بحالی اور سکیورٹی اداروں کے اعتماد کا اظہار قرار دیا جا رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ