بوئنگ اور پیلنٹیئر کا دفاعی پیداوار میں مصنوعی ذہانت کے استعمال پر اشتراک
اشاعت کی تاریخ: 24th, September 2025 GMT
مایہ ناز ایرو اسپیس کمپنی بوئنگ نے اعلان کیا ہے کہ وہ اپنی بڑی پروڈکشن لائنز کو ہموار کرنے کے لیے پیلنٹیئر کے مصنوعی ذہانت پر مبنی ’فاؤنڈری پلیٹ فارم‘ استعمال کرے گی۔
میڈیا رپورٹس کے مطابق بوئنگ اور پیلنٹیئر کے اشتراک سے امریکی دفاع، خلائی اور سیکیورٹی شعبے کو فائدہ ہوگا۔
یہ بھی پڑھیں: مصنوعی ذہانت کے نئے قلعے: ہزاروں ڈیٹا سینٹرز کی تعمیر جاری، لاگت کتنی؟
بوئنگ اور پیلنٹیئر نے منگل کو اپنے تعاون کا باضابطہ اعلان کرتے ہوئے کہا کہ اس اقدام سے فوجی طیاروں، ہیلی کاپٹروں، سیٹلائٹس، خلائی جہازوں، میزائلوں اور اسلحہ جاتی نظام کی تیاری میں بہتری آئے گی۔
Boeing will partner with Palantir to integrate AI on current and future defense programs and in its factories https://t.
— Bloomberg (@business) September 23, 2025
بوئنگ ڈیفنس، اسپیس اینڈ سیکیورٹی کے چیف ایگزیکٹیو اسٹیو پارکر نے کہا کہ پیلنٹیئر مصنوعی ذہانت کو بروئے کار لانے میں سب سے آگے ہے تاکہ اہم مصنوعات، خدمات اور صلاحیتیں فوجی آپریٹرز تک تیزی سے پہنچ سکیں۔
’یہ تعاون ایک فطری امتزاج ہے جو دو بڑی کمپنیوں کو ایک مشترکہ مقصد کے لیے اکٹھا کرتا ہے یعنی دنیا بھر میں آزادی کے تحفظ کے لیے یونیفارم میں خدمات انجام دینے والے اہلکاروں کی مدد کرنا۔‘
مزید پڑھیں: چین کا امریکی بوئنگ طیاروں کی خریداری پر پابندی کا اعلان
امریکی ریاست کولاراڈو کے شہر ڈینور میں قائم پیلنٹیئر بوئنگ کو مصنوعی ذہانت کے ماہرین اور صلاحیتیں فراہم کرے گی تاکہ حساس اور خفیہ منصوبوں میں فوجی صارفین کی ضروریات پوری کی جا سکیں۔
پیلنٹیئر کے سربراہِ دفاع مائیک گیلاگر نے کہا کہ یہ اشتراک بوئنگ اور پیلنٹیئر کو ایسی فوجی صلاحیتیں فراہم کرنے میں مدد دے گا جو امریکا کو مؤثر انداز میں تنازعات کو روکنے اور قوم کے دفاع کے قابل بنائیں گی۔
مزید پڑھیں: بوئنگ کے سی ای او کو ایئرشو میں شرکت کیوں منسوخ کرنی پڑی؟
’یہ پارٹنرشپ پیداوار اور جدت میں اضافہ کرے گی، جس سے موجودہ اور آئندہ نسل کے دفاعی پروگراموں میں جدید ٹیکنالوجی فراہم کی جا سکے گی، امریکا کے دشمن سست روی اختیار نہیں کر رہے، اس لیے ہم بھی پیچھے نہیں رہ سکتے۔‘
یاد رہے کہ اگست میں پیلنٹیئر نے امریکی فوج کی تیاری کو مصنوعی ذہانت کے ذریعے بہتر بنانے کے لیے 10 ارب ڈالر مالیت کا 10 سالہ کنٹریکٹ حاصل کیا تھا۔
مزید پڑھیں: چینی طیارہ ساز کمپنی میدان میں آگئی، کیا ایئربس اور بوئنگ کا خاتمہ قریب ہے؟
اس سے قبل مئی میں وفاقی ہوم مارگیج فرم فینی مے نے بھی پیلنٹیئر سے مصنوعی ذہانت پر مبنی یونٹ بنانے کا معاہدہ کیا تھا تاکہ مارگیج فراڈ کو روکا جا سکے۔
واضح رہے کہ پیلنٹیئر کمپنی ریئل ٹائم میں فوری اور درست فیصلے کرنے کے لیے مصنوعی ذہانت پر مبنی سافٹ ویئر تیار کرنے میں مہارت رکھتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: بوئنگ اور پیلنٹیئر مصنوعی ذہانت کے کے لیے
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
بھارت سے جنگ اور افغانستان میں کارروائی خارج ازامکان نہیں، وزیردفاع