نادرا کا فیس وصولی کے لیے نئے اور آسان طریقۂ کار کیا ہے؟
اشاعت کی تاریخ: 24th, September 2025 GMT
حکومتی اداروں میں مالی شفافیت برقرار رکھنے کے لیے فیس کی رقم بینک اکاؤنٹس کے ذریعے وصول کی جاتی تھی۔ اس کے باعث شناختی کارڈ، پاسپورٹ یا دیگر دستاویزات کی فیس کی ادائیگی ایک مشکل اور وقت طلب عمل تھا، جس میں شہریوں کو پہلے چالان بنوانا، پھر بینک میں فیس جمع کرانا اور دوبارہ دفتر جا کر درخواست آگے بڑھانا پڑتی تھی۔
یہ بھی پڑھیں:پاکستانیوں کے لیے بڑی خوشخبری، نادرا سے وراثتی سرٹیفکیٹ کا حصول انتہائی آسان ہوگیا
ڈیجیٹل دور کی طرف پیشرفت
ڈیجیٹل ادائیگیوں کو فروغ دینے کے لیے نادرا نے شہریوں کی سہولت کے پیش نظر نیا اور آسان طریقۂ کار متعارف کرا دیا ہے۔ اس کا مقصد عوام کو بینکوں اور لمبی قطاروں کی مشکلات سے نجات دلانا ہے۔
ڈیجیٹل ذرائع سے ادائیگی کی سہولت
اب شہری شناختی کارڈ، پاسپورٹ اور دیگر خدمات کی فیس موبائل ایپلی کیشنز، آن لائن بینکنگ، ایزی پیسہ اور جاز کیش سمیت مختلف الیکٹرانک ذرائع سے بھی ادا کر سکیں گے۔
یہ بھی پڑھیں:بڑی خوشخبری، نادرا کی شناختی کارڈ سمیت تمام خدمات اب یونین کونسلز میں دستیاب ہونگی
اس کے ساتھ ساتھ نادرا دفاتر میں براہِ راست کیش ادائیگی کی سہولت بھی فراہم کر دی گئی ہے۔
کیو آر کوڈ کے ذریعے فوری ادائیگی
نادرا دفتر میں درخواست جمع کرانے کے بعد شہری کو ایک مخصوص کیو آر کوڈ آئی ڈی دی جائے گی۔ اسے موبائل بینکنگ ایپ، ایزی پیسہ یا جاز کیش سے اسکین کر کے فوری طور پر بغیر کسی اضافی چارجز کے فیس ادا کی جا سکے گی۔
شفافیت اور وقت کی بچت
ترجمان نادرا کے مطابق اس نظام سے نہ صرف وقت کی بچت ہوگی بلکہ فیس کی ادائیگی شفاف اور محفوظ بھی ہو گی۔ عوام کو زیادہ سے زیادہ اس سہولت سے استفادہ کرنے کی ترغیب دی گئی ہے۔
ڈیجیٹل پاکستان کی جانب پیش قدمی
نادرا کا یہ فیصلہ ’ڈیجیٹل پاکستان‘ وژن کی جانب ایک اہم قدم ہے، جو سرکاری خدمات کو جدید خطوط پر استوار کرنے کی عکاسی کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈٰجیٹل پاکستان ڈیجیٹل ادائیگی فیس آدائیگی کیو آر کوڈ نادرا.
ذریعہ
ذریعہ: WE News
کلیدی لفظ: ڈ جیٹل پاکستان ڈیجیٹل ادائیگی فیس ا دائیگی کیو ا ر کوڈ کے لیے
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار