خلیج تعاون کونسل کا اہم اقدام؛ اب ایک ویزے پر 6 خلیجی ممالک کا سفر ممکن ہوگا
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
خلیج تعاون کونسل (جی سی سی) نے اعلان کیا ہے کہ وہ شینجن ماڈل کی طرز پر ایک مشترکہ سیاحتی ویزا متعارف کرائے گی، جسے ’’جی سی سی گرینڈ ٹورز‘‘ کہا جا رہا ہے۔ یہ ویزا 2025 کے آخر میں آزمائشی بنیادوں پر شروع ہوگا اور بعد میں مکمل طور پر نافذ کر دیا جائے گا۔
عالمی میڈیا رپورٹ کے مطابق اس ویزا کے ذریعے سعودی عرب، متحدہ عرب امارات، قطر، بحرین، کویت اور عمان کے درمیان باآسانی سفر ممکن ہوگا۔ جی سی سی سیکریٹری جنرل جاسم البدوائی کے مطابق یہ منصوبہ آخری مراحل میں ہے اور جلد ہی ایک ڈیجیٹل پلیٹ فارم کے ذریعے درخواستیں دی جا سکیں گی۔
یہ ویزا خاص طور پر خطے میں مقیم لاکھوں غیر ملکی رہائشیوں کے لیے سہولت فراہم کرے گا۔ اب انہیں ہر ملک کے لیے الگ الگ ویزا لینے کے بجائے ایک ہی ویزا پر 6 ممالک کا سفر کرنے کی اجازت ہوگی، جس سے وقت اور اخراجات دونوں بچیں گے۔
توقع ہے کہ اس ویزا کی مدت 30 سے 90 دن تک ہوگی اور سیاحت، کاروبار، ثقافت و تحقیق سمیت مختلف شعبوں میں آسانی پیدا کرے گی۔
ماہرین کا کہنا ہے کہ یہ اقدام جی سی سی کو ایک متحدہ سیاحتی مرکز کے طور پر اجاگر کرے گا اور خطے کی معیشت کو مزید فروغ دے گا۔
ذریعہ: Jasarat News
پڑھیں:
ایس سی او کا بڑا اقدام: میرپور میں فری لانسنگ ہب قائم کردیا گیا
data-id="863a0a8" data-element_type="widget" data-widget_type="theme-post-content.default">
خواتین کو بااختیار بنانے کے عزم کے تحت اسپیشل کمیونیکیشن آرگنائزیشن (ایس سی او) نے میرپور، آزاد جموں و کشمیر میں جدید فری لانسنگ ہب قائم کر دیا ہے، یہ منصوبہ خواتین کی ڈیجیٹل شمولیت اور روزگار کے مواقع بڑھانے کے لیے ایک اہم پیش رفت قرار دیا جا رہا ہے۔
تفصیلات کے مطابق ایس سی او ملکی ترقی اور ڈیجیٹل معیشت کے فروغ میں کلیدی کردار ادا کر رہی ہے۔ ادارہ اپنے وژن 2025 کے تحت آزاد جموں و کشمیر اور گلگت بلتستان کے 100 سے زائد مقامات پر جدید آئی ٹی سہولیات کی فراہمی کے منصوبے پر عمل پیرا ہے۔
ڈائریکٹر جنرل ایس سی او نے میرپور میں خواتین کے لیے نئے فری لانسنگ ہب کا افتتاح کیا، جو مظفرآباد میں قائم کیے گئے پہلے سافٹ ویئر ٹیکنالوجی پارک کے بعد دوسرا بڑا منصوبہ ہے۔
فری لانسنگ ہب کا قیام خواتین کو ڈیجیٹل طور پر خود مختار بنانے کی جانب ایک اہم سنگِ میل ہے، جہاں تربیت، تکنیکی معاونت اور تیز رفتار انٹرنیٹ کی سہولت فراہم کی جا رہی ہے، ان مراکز کا مقصد نوجوانوں، بالخصوص خواتین، کو جدید آئی ٹی مہارتوں سے آراستہ کرنا اور انہیں آن لائن روزگار کے مواقع فراہم کرنا ہے۔
اہلِ علاقہ نے ایس سی او کے ان اقدامات کو ڈیجیٹل ترقی اور خواتین کے بااختیار مستقبل کی جانب ایک مثبت قدم قرار دیتے ہوئے اسے قابلِ تحسین قرار دیا۔
پنجاب اسمبلی: حکومت اور اپوزیشن ارکان کے درمیان شدید ہنگامہ آرائی، ’چور چور‘ کے نعرے