سیلاب زدگان کی امداد سے روکے جانے کا معاملہ، مریم نواز کیخلاف دائر درخواست خارج
اشاعت کی تاریخ: 25th, September 2025 GMT
لاہور ہائیکورٹ نے مریم نواز کی تصاویر کے بغیر سیلاب زدگان کی امداد سے روکے جانے کے خلاف اعتراضی درخواست خارج کردی۔ تفصیلات کے مطابق لاہور ہائیکورٹ میں مریم نواز کی تصاویر کےبغیرسیلاب زدگان کی امداد سے روکے جانے کے خلاف اعتراضی درخواست پر سماعت ہوئی۔ عدالت نے ریمارکس دیے کہ آپ نے کون سے حقائق لکھے ہیں جن پر کارروائی کریں۔ وکیل آفتاب باجوہ نے نے اپنے دلائل میں کہا کہ مقامی پولیس اور انتظامیہ نے مریم نواز کی تصاویر کے بغیر امداد کی تقسیم سے روکا۔ امداد کرنیوالے کچھ لوگوں کو پولیس نے گرفتار کیا۔ عدالت نے ریمارکس دیے کہ آپ کی درخواست میں کوئی متاثرہ نام، جگہ نہیں لکھا۔ آپ کی درخواست ناقابل سماعت ہے خارج کی جاتی ہے۔ چیف جسٹس لاہور ہائیکورٹ مس عالیہ نیلم نے درخواست پر بطور اعتراض کیس سماعت کی۔ یہ درخواست غلام محی الدین وڑائچ نے آفتاب باجوہ ایڈووکیٹ کےتوسط سے دائر کی۔ درخواست میں حکومت پنجاب، چیف سیکرٹری اور آئی جی پنجاب کو فریق بنایاگیا تھا۔ درخواست میں مؤقف اپنایا گیا تھا کہ مریم نواز کی تصاویر کےبغیرسماجی کارکنوں کو امدادی سرگرمیوں سے روکاجارہاہے۔ کشتیوں کےذریعے متاثرین کو محفوظ مقام تک منتقلی کےلئے رشوت کی اطلاعات ہیں۔ سیلاب زدہ علاقوں میں لاکھوں افراد بے گھر ہیں۔ دودھ پیتے بچوں کے لیے دودھ دستیاب نہیں ہے۔ سیلاب متاثرین شدید مشکلات کاسامنا کررہے ہیں۔ مریم نواز کی تصاویر کےبغیر امداد سے روکا جانا قوانین اور اخلاقی اصول کی خلاف ورزی ہے۔ درخواست میں استدعا کی گئی ہے کہ عدالت امدادی کارکنوں اور سماجی تنظیموں کو امدادی سرگرمیوں جاری رکھنے کا تحفظ دے۔ عدالت رشوت لینے والے سرکاری ملازمین کےخلاف کارروائی کے احکامات صادر کرے۔ عدالت نے رجسٹرار آفس کا اعتراض برقرار رکھا۔ عدالت نے درخواست ناقابل سماعت قرار دے کر مسترد کر دی۔
.
ذریعہ
ذریعہ: Nawaiwaqt
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار