ایف بی آر کے مانیٹرنگ سیل نے ملین ڈالرز شادیوں میں ڈائمنڈ سیٹ دینے ، ڈرون لائٹ شوکرنے والوں کی شناخت شروع کر دی
اشاعت کی تاریخ: 25th, September 2025 GMT
کراچی (اُردو پوائنٹ اخبارتازہ ترین - اے پی پی۔ 25 ستمبر2025ء) فیڈرل بورڈ آف ریونیو(ایف بی آر) کے لائف سٹائل مانیٹرنگ سیل نے ملین ڈالر زکے اخراجات والی شادیوں میں ڈائمنڈ سیٹ دینے اور ڈرون لائٹ شوکرنے والوں کی شناخت کا سلسلہ شروع کر دیا ہے،ایف بی آرکے 40 تفتیش کاروں کی ایک ٹیم نے رواں ہفتے انسٹاگرام، ٹِک ٹاک اور یوٹیوب کی پوسٹس کی جانچ پڑتال شروع کی ہے تاکہ مشہور شخصیات اور کاروباری افراد کو ٹیکس نیٹ میں لایا جا سکے۔
برطانوی خبر رساں ایجنسی رائٹرز میں اریبہ شاہد نے لکھا ہے کہ ایف بی آر کے ایک سینئر اہلکار نے بتایا کہ ٹیکس چوری کے کیسز کو چند گھنٹوں میں جانچا اور کھولا جا سکتا ہے،سوشل میڈیا مانیٹرنگ سیل پاکستان کی ریونیو اکٹھا کرنے اور رواں مالی سال کے بجٹ میں مقرر کئے گئے اہداف کو پورا کرنے میں مدد کیلئے بنایا گیا ہے، ایشیا بھر میں پاکستان کا ٹیکس ٹو جی ڈی پی تناسب سب سے کم ہے، اس دائمی کمزوری نے پاکستان کو آئی ایم ایف سے تقریبا دو درجن پروگرا م لینے پر مجبور کیا ہے۔(جاری ہے)
ملک کا 2 فیصد سے بھی کم طبقہ انکم ٹیکس ادا کرتا ہے۔رائٹرز کی طرف سے دی گئی دستاویز کے مطابق ایف بی آر نے رواں ماہ باضابطہ طور پر مانیٹرنگ سیل قائم کیا جسے سوشل میڈیا پلیٹ فارمزپر دولت کی نمائش کرنے والوں کا ڈیٹا اکٹھا کرنے اور شناخت کی ذمہ داری سونپی گئی ہے کہ آیا وہ ٹیکس نیٹ میں شامل ہیں یا ان کے اخراجات اثاثوں سے مطابقت نہیں رکھتے ۔ ایسی صورت میں ان کے خلاف کارروائی کی جائے گی، دستاویز کے مطابق مانیٹرنگ سیل مشتبہ افراد کے ڈیجیٹل پروفائلز بنائے گا، ان کے طرز زندگی اور پیسے کا اندازہ لگائے گا اور رپورٹس تیار کرے گا جو ٹیکس یا منی لانڈرنگ کی تحقیقات کے لیے استعمال کی جا سکیں گی۔ دستاویز میں کہا گیا ہے کہ یہ مانیٹرنگ سیل اسکرین شاٹس اور ٹائم سٹیمپ سمیت شواہد کا ایک مرکزی ڈیٹا بیس رکھے گا۔ عہدیداروں نے بتایا کہ زیر جائزہ شادی کی ایک تقریب میں تقریباً 24 کروڑ 80 لاکھ روپے خرچ کئے گئے جو امریکی(878,000) ڈالر بنتے ہیں۔ رائٹرز کی دستاویزات میں جنوبی ایشیا کے معروف ڈیزائنرز کی جانب سے ہیروں اور سونے کے سیٹوں پر تقریبا 283,000 ڈالر اور دلہن کے لباس پر 124,000 ڈالر خرچ کئے گئے۔مہمان پھولوں کی محرابوں کے ایک دالان سے داخل ہوئے اور ڈرونز نے آسمان کو روشن کیا ۔ تقریبات میں معروف میک اپ آرٹسٹ، ڈی جے اور روایتی قوالی میوزک بینڈ شامل تھے، جب کہ بین الاقوامی کنسلٹنٹس نے چھ روزہ کوریوگرافی میں مدد کی ۔عہدیداروں نے بتایا کہ شادی زیر غور متعدد معاملات میں سے صرف ایک ہے۔ تفتیش کار لگژری کاروں، اعلی جائیدادوں اور مہنگے طرز زندگی کا مذاق اڑانے والوں کی وڈیوز کا بھی جائزہ لے رہے ہیں۔ایک اور اہلکار نے کہا کہ اس میں شامل دو خاندانوں کے اخراجات ان کی آمدنی سے مطابقت نہیں رکھتے۔حکام نے بتایا کہ یونٹ نے پہلے ہی جانچ پڑتال کیلئے متعدد فائلوں کو شارٹ لسٹ کیا ہے۔\778.
ذریعہ
ذریعہ: UrduPoint
کلیدی لفظ: تلاش کیجئے مانیٹرنگ سیل نے بتایا کہ ایف بی
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی