دہشتگردوں کو کسی صورت رعایت نہیں دی جائے گی،سرفراز بگٹی
اشاعت کی تاریخ: 25th, September 2025 GMT
وزیراعلیٰ بلوچستان میر سرفراز بگٹی نے کہا ہے کہ نہتے شہریوں کو نشانہ بنانے والے دہشتگردوں کو کسی صورت رعایت نہیں دی جائے گی۔
کوئٹہ میں پریس کانفرنس کرتے ہوئے وزیراعلیٰ بلوچستان میر سرفراز بگٹی نے بتایا کہ گزشتہ روز سیکیورٹی فورسز کو ایک مکان میں دہشتگردوں کی موجودگی کی اطلاع ملی، فورسز اس گھر تک پہنچی، اسے گھیرے میں لیا اور اعلان کیا گیا کہ آپ کو ہر طرف سے گھیر لیا گیا ہے، آپ سرینڈر کردیں۔
یہ بھی پڑھیں: خصدار میں سیکیورٹی فورسز کا آپریشن، فتنہ الہندوستان کے 4 دہشتگرد ہلاک
انہوں نے کہا کہ جوں ہی یہ اعلان کیا گیا تو فوراً وہاں سے فائرنگ شروع ہوگئی، جس کے نتیجے میں 1 ایف سی اہلکار شہید ہوگیا، جبکہ جوابی فائرنگ میں 2 دہشتگرد ہلاک ہوئے۔ سرفراز بگٹی نے بتایا کہ دہشتگرد زبیر اور نثار مارے گئے جبکہ جہانزیب نے سرینڈر کردیا، جس کے بعد اس کا ویڈیو بیان بھی ریکارڈ کیا گیا۔
ان کا کہنا تھا کہ دہشتگرد تنظیم براسٹ کے پلیٹ فارم سے یہ لوگ انفرادی کام کرتے ہیں، جس میں بی ایل اے اور بی ایل ایف شامل ہیں، یہ تمام دہشتگرد تنظیمیں براسٹ میں متحد ہوجاتی ہیں۔ وزیراعلیٰ نے بتایا کہ زبیر چاغی میں مائنز اینڈ منرلز موومنٹس کو مانیٹر کرتا تھا، چائنیز کی نقل و حرکت پر نظر رکھتا تھا، ایف سی ہیڈکوارٹرز پر حملوں کے حوالے سے بھی نگرانی کرتا تھا، یہ دالبندین میں بی ایل اے کے لیے سہولت کاری بھی کرتا تھا۔
یہ بھی پڑھیں: بلوچستان دشمنوں کا قبرستان، دہشتگردوں کے خلاف وزیر اعلیٰ سرفراز بگٹی کا سخت بیان
سرفراز بگٹی نے کہا کہ دہشتگرد جب دیکھتے ہیں کہ وہ بچ نہیں سکتے تو خود کو زخمی کرلیتے ہیں اور اپنے موبائل پر بھی فائرنگ کرکے توڑ دیتے ہیں تاکہ وہ فرانزک نہ ہوسکے۔
انہوں نے واضح کیا کہ سیکیورٹی ادارے عوام کے تحفظ کے لیے مؤثر کارروائیاں جاری رکھیں گے اور ایسے عناصر کے خلاف سخت کارروائی کی جائے گی۔ وزیراعلیٰ نے ایک بار پھر کہا کہ نہتے شہریوں کو نشانہ بنانے والے دہشتگردوں کو کسی صورت رعایت نہیں دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news سرفراز بگٹی وزیراعلیٰ بلوچستان.
ذریعہ
ذریعہ: WE News
کلیدی لفظ: سرفراز بگٹی وزیراعلی بلوچستان سرفراز بگٹی نے جائے گی
پڑھیں:
آپریشن العزم ؛مستونگ کے علاقہ کھڈکوچہ میں کارروائی، فتنہ الہندوستان کے 4دہشتگرد ہلاک
کوئٹہ(ڈیلی پاکستان آن لائن)بلوچستان میں آپریشن العزم کے تحت دہشتگردوں کیخلاف کارروائیاں جاری ہیں۔
نجی ٹی وی چینل دنیا نیوز کے مطابق سکیورٹی ذرائع کاکہنا ہے کہ مستونگ کے علاقہ کھڈکوچہ میں کارروائی کے دوران فتنہ الہندوستان کے 4دہشتگرد ہلاک ہو گئے،دہشتگردوں سے بڑی تعداد میں اسلحہ اور گولہ بارود برآمدہوا۔
سکیورٹی ذرائع کے مطابق متعدد دہشتگردوں کے زخمی ہونے کی بھی مصدقہ اطلاعات ہیں،دہشتگردوں کی سہولت کاری میں ملوث متعدد مشتبہ افراد کو گرفتار کرلیاگیا۔
مزید :
تحریکِ تحفظِ آئینِ پاکستان کا پارلیمنٹ ہائوس سے دھرنا ختم