ہیٹی میں سیاسی جمود جرائم پیشہ گروہوں کے لے فائدہ مند، صدر فرینک لارںٹ
اشاعت کی تاریخ: 26th, September 2025 GMT
اسلام آباد (اُردو پوائنٹ ۔ UN اردو۔ 26 ستمبر 2025ء) ہیٹی کے عبوری صدر اینٹنی فرینک لارنٹ نے اقوام متحدہ کی 80ویں جنرل اسمبلی کے عام مباحثے میں خطاب کرتے ہوئے عالمی برادری پر زور دیا ہے کہ وہ تشدد کے خاتمے اور امن کی بحالی کے لیے ان کے ملک کی ٹھوس مدد کرے۔
ان کا کہنا تھا کہ متواتر ہچکچاہٹ، لامتناہی بات چیت، معطل مذاکرات اور جغرافیائی سیاسی جمود سے جرائم پیشہ عناصر فائدہ اٹھا رہے ہیں جو کہ ہیٹی کے لوگوں کے لیے مایوس کن صورت حال ہے۔
انہوں نے کہا کہ یہاں سے صرف چار گھنٹے کی پرواز کے فاصلے پر ایک انسانی المیہ جنم لے رہا ہے۔ یہ المیہ خطے کے بدترین سانحات میں سے ایک ہے۔ روزانہ بے گناہ زندگیاں گولیوں، آگ اور خوف کے ذریعے ختم کی جا رہی ہیں۔ پورے کے پورے علاقے تشدد کی نذر ہو چکے ہیں اور 10 لاکھ سے زیادہ لوگ اندرون ملک نقل مکانی پر مجبور ہو چکے ہیں۔
(جاری ہے)
غذائی عدم تحفظصدر لارنٹ نے بتایا کہ ملک کی تقریباً نصف آبادی شدید غذائی عدم تحفظ کا شکار ہے جبکہ صحت کا نظام تباہی کے دہانے پر پہنچ چکا ہے۔
ہسپتالوں پر حملے ہو رہے ہیں، ڈاکٹر ملک چھوڑ کر جا رہے ہیں اور لاکھوں زندگیاں صرف علاج نہ ملنے کی وجہ سے ضائع ہو رہی ہیں۔انہوں نے پرعزم انداز میں کہا کہ ہیٹی امن چاہتا ہے اور عالمی برادری سے مطالبہ کیا کہ وہ جرائم پیشہ گروہوں کے خلاف ان کے ملک کی جنگ میں فوری، مربوط اور مؤثر اقدامات کرے جبکہ یہ گروہ تشدد کو سماجی نظام کے طور پر مسلط کرنا چاہتے ہیں۔
صدر نے خبردار کیا کہ آج عالمی برادری کو ہیٹی کے ساتھ کھڑا ہونا ہو گا اور ملک میں امن کی بحالی کے لیے بڑے پیمانے پر اقدامات کرنا ہوں گے کیونکہ اس قدر شدید بحران سے نمٹنے کے لیے ادھوری کوششیں ناکافی ہیں۔
.ذریعہ: UrduPoint
کلیدی لفظ: تلاش کیجئے کے لیے
پڑھیں:
شہباز شریف کا عالمی برادری سے کلائمیٹ فائنانس کے وعدے پورے کرنے کا مطالبہ
وزیرِاعظم شہباز شریف نے عالمی برادری پر زور دیا ہے کہ وہ ماحولیاتی مالیات یعنی کلائمیٹ فائنانس کے حوالے سے اپنے کیے گئے وعدوں کو پورا کرے۔
وہ نیویارک میں اقوام متحدہ کے سیکریٹری جنرل انتونیو گوتیریس اور برازیل کے صدر کی جانب سے بلائے گئے خصوصی ماحولیاتی اجلاس سے خطاب کر رہے تھے۔
یہ بھی پڑھیں: کلائمیٹ فنانسنگ پر پاکستان سے بات چیت کامیاب، 1.3 ارب ڈالر ملیں گے، آئی ایم ایف
وزیرِاعظم نے زور دیتے ہوئے کہا کہ قرضوں پر مبنی مالیاتی امداد کمزور اور متاثرہ ممالک جیسے پاکستان کو درپیش ماحولیاتی تباہی کا حل نہیں ہو سکتی۔
انہوں نے اجلاس کے شرکا کو یاد دلایا کہ پاکستان اب بھی 2022 کے تباہ کن سیلابوں کے اثرات سے نبردآزما ہے، جن میں 30 ارب ڈالر سے زائد کا نقصان ہوا اور لاکھوں افراد بے گھر ہوئے۔
مزید پڑھیں: پاکستان میں زرعی اور ماحولیاتی ایمرجنسی: اس کا مطلب اور فائدہ کیا ہے؟
انہوں نے بتایا کہ اس سال کے شدید مون سون بارشوں نے بھی 50 لاکھ سے زائد افراد کو متاثر کیا، 4100 دیہات تباہ کر دیے اور ایک ہزار سے زیادہ جانیں لے لیں۔
وزیرِاعظم نے اس حقیقت کی نشاندہی کی کہ عالمی گرین ہاؤس گیسوں میں انتہائی کم حصہ ڈالنے کے باوجود پاکستان ماحولیاتی تبدیلی کے سب سے بڑے متاثرین میں شامل ہے۔
مزید پڑھیں:
انہوں نے کہا کہ اخراج میں 50 فیصد کمی کے مجموعی ہدف کے تحت پاکستان اپنی غیرمشروط 15 فیصد کمی کے وعدے پر عملدرآمد کرچکا ہے۔
وزیرِاعظم نے اعلان کیا کہ پاکستان 2035 تک توانائی کے مجموعی نظام میں قابلِ تجدید اور پن بجلی کا حصہ بڑھا کر 62 فیصد کرے گا، ٹرانسپورٹ کے 30 فیصد حصے کو صاف اور پائیدار نظام میں منتقل کرے گا اور ایک ارب درخت لگانے کی مہم کو آگے بڑھائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ انتونیو گوتیریس توانائی ٹرانسپورٹ خصوصی ماحولیاتی اجلاس شہباز شریف عالمی برادری کلائمیٹ فائنانس ماحولیاتی مالیات نیویارک وزیر اعظم
پاک سعودی معاہدہ تاریخ ساز،معرکہ حق کے مرہون منت ہے:وزیر دفاع خواجہ آصف