پاکستان کی بات اس وقت دنیا سن رہی ہے، پاکستان کیلئے یہ بہترین وقت ہے: مشاہد حسین سید
اشاعت کی تاریخ: 27th, September 2025 GMT
---فائل فوٹو
سینئر سیاستدان مشاہد حسین سید نے کہا ہے کہ 50 سال کے بعد پاکستان کی اہمیت دنیا کے سامنے اُجاگر ہوئی ہے، پاکستان کی بات اس وقت دنیا سن رہی ہے، پاکستان کے لیے یہ بہترین وقت ہے۔
لاہور میں تقریب سے خطاب کے دوران مشاہد حسین نے کہا کہ مغرب نے دوسری جنگ عظیم کے بعد جو نظام بنایا تھا اس کا خاتمہ ہونے جا رہا ہے، طاقت کا توازن شفٹ ہو رہا ہے، نئے عالمی آرڈر میں کوئی ایک سپر پاور نہیں رہی۔
انہوں نے مزید کہا کہ قائداعظم نے خط میں امریکا کو کہا تھا اسرائیل فتنہ ہے اس کو نہ بننے دے، دنیا اسرائیل کی مخالفت کر رہی ہے، اسرائیل کے اپنے لوگ کہہ رہے ہیں کہ فلسطین کی جنگ کو بند کیا جائے۔
مشاہد حسین کا کہنا ہے کہ اسرائیل نے ایران پر حملہ کیا تو بھارت نے اس کو سپورٹ کیا، بھارت نے پاکستان پر حملہ کیا تو اسرائیل نے اس کی مدد کی، اسرائیل نے قطر پر حملہ کر کے ریڈ لائن کراس کی۔
اِن کا کہنا تھا کہ جس دن امریکا افغانستان سے بھاگا اس دن سے ان کا خاتمہ شروع ہوا ہے، پاکستان اور دنیا کو افغانستان سے شکایت ہے کہ اس کی سرزمین دہشت گردی کے لیے استعمال ہوتی ہے۔
انہوں نے کہا کہ امریکا نے نائن الیون کے بعد جنگوں میں اپنا وقت ضائع کیا، آٹھ ٹریلین ڈالر ضائع کیے، ایک ملین مسلمان شہید ہوئے، تین کروڑ لوگ بے گھر ہوئے، 3 لاکھ بم اور میزائل پھینکے۔
مشاہد حسین سید نے کہا کہ چائنہ پچھلے تین سو سال سے مغرب کو تمام شعبوں میں چیلنج کر رہا ہے، چائنہ ایک تاریخی تبدیلی کی جانب گامزن ہے، چائنہ نے دنیا کا سب سے بڑا پروگرام ون بیلٹ ون روڈ پروگرام شروع کیا۔
انہوں نے کہا کہ ٹرمپ چاہتا تھا حماس سے بات کی جائے لیکن اسرائیلی لابی اسے بلیک میل کر رہی ہے، دنیا بہت تیزی سے تبدیل ہو رہی ہے۔
.ذریعہ: Jang News
کلیدی لفظ: پاکستان کی مشاہد حسین نے کہا کہ رہی ہے
پڑھیں:
ایشیا کپ سیمی فائنل، ٹی20 کرکٹ میں پاکستان اور بنگلہ دیش کے درمیان کس کا ریکارڈ کیا ہے؟
ایشیا کپ 2025 کے سپر فور مرحلے میں آج دبئی انٹرنیشنل اسٹیڈیم میں پاکستان اور بنگلہ دیش آمنے سامنے ہوں گے۔
یہ میچ فائنل تک رسائی کے لیے نہایت اہم ہے کیونکہ اس مقابلے میں فاتح ٹیم بھارت کے خلاف ٹائٹل میچ کھیلے گی، جبکہ سری لنکا پہلے ہی ایونٹ سے باہر ہوچکا ہے۔
یہ بھی پڑھیں:ایشیا کپ 2025: پاکستان اور بنگلہ دیش کا فیصلہ کن مقابلہ آج ہوگا
بنگلہ دیش کو بھارت کے ہاتھوں 41 رنز سے شکست کا سامنا کرنا پڑا، تاہم ’ٹائیگرز‘ اب بھی فائنل میں پہنچنے کی دوڑ میں شامل ہیں۔ دوسری جانب پاکستان نے بھارت سے ہارنے کے بعد شاندار کم بیک کرتے ہوئے سری لنکا کو شکست دی تھی۔
پاکستان کو فائنل میں جگہ بنانے کے لیے یہ میچ جیتنا لازمی ہے، جبکہ بنگلہ دیش کے لیے بھی یہی صورتحال ہے۔ اگرچہ دونوں ٹیمیں جیت کے لیے پرعزم ہیں، لیکن پاکستان کو معمولی برتری حاصل ہے کیونکہ گرین شرٹس کو ایک دن کا آرام میسر آیا ہے، جبکہ بنگلہ دیش کو مسلسل دو دن کھیلنا پڑ رہا ہے۔
اسکواڈزبنگلہ دیش: سیف حسن، تنزید حسن، پرویز حسین ایمن، توحید ہری دَے، شمیم حسین، جاکر علی (وکٹ کیپر/کپتان)، محمد سعید الدین، رشاد حسین، تنزیم حسن ساکب، ناسم احمد، مصطفیٰ الرحمان، لٹن داس، مہدی حسن، تسکین احمد، شرفل اسلام، نرول حسن۔
پاکستان: صاحبزادہ فرحان، فخر زمان، صائم ایوب، سلمان آغا (کپتان)، حسین طلعت، محمد حارث (وکٹ کیپر)، محمد نواز، فہیم اشرف، شاہین آفریدی، حارث رؤف، ابرار احمد، حسن علی، محمد وسیم جونیئر، سلمان مرزا، صوفیان مقیم، خوشدل شاہ، حسن نواز۔
ریکارڈٹی ٹوئنٹی انٹرنیشنل میں پاکستان اور بنگلہ دیش کے درمیان اب تک 25 مقابلے ہوئے ہیں جن میں 20 مرتبہ پاکستان فاتح رہا جبکہ بنگلہ دیش صرف 5 بار کامیاب ہوسکا ہے۔
ماہرین کی رائے اور پیشگوئیگوگل وِن پریڈکٹر کے مطابق پاکستان کو بنگلہ دیش پر نمایاں برتری حاصل ہے۔ پاکستان کے جیتنے کے امکانات 70 فیصد جبکہ بنگلہ دیش کے امکانات صرف 30 فیصد ہیں۔
یہ بھی پڑھیں:ایشیا کپ: بھارت فائنل میں، سری لنکا دوڑ سے باہر ہو گیا
ماہرین کے مطابق پاکستان کی مضبوط بولنگ اور بیٹنگ لائن اپ میچ میں فیصلہ کن کردار ادا کرسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ بنگلہ دیش پاکستان دبئی سیمی فائنل فائنل
غزہ میں جنگ بندی کے لیے پُرعزم ہیں، چینی وزیر خارجہ