سندھ میں پولیو کے 2 نئے کیس رپورٹ، رواں برس میں مجموعی تعداد 29 ہوگئی
اشاعت کی تاریخ: 29th, September 2025 GMT
سندھ کے اضلاع بدین اور ٹھٹھہ میں پولیو کے 2 نئے کیسز سامنے آنے کے بعد ملک میں رواں سال پولیو کیسز کی مجموعی تعداد 29 تک پہنچ گئی ہے۔
ملک بھر میں مجموعی طور پر رپورٹ یونیوالے 29 میں سے 18 کیسز خیبر پختونخوا، 9 سندھ، ایک پنجاب اور ایک گلگت بلتستان سے رپورٹ ہوئے ہیں۔
ماہرین صحت کے مطابق پولیو ایک لاعلاج مرض ہے جس سے بچاؤ کا واحد راستہ بچوں کو بار بار پولیو ویکسین پلانا ہے۔
یہ بھی پڑھیں: پاکستان انسداد پولیو پروگرام اور یوفون 4G کااسٹریٹجک شراکت داری کا اعلان
حکام کا کہنا ہے کہ ستمبر میں ہونے والی سب نیشنل پولیو مہم کے دوران 2 کروڑ 10 لاکھ سے زائد بچوں کو ویکسین پلائی گئی۔
انسدادِ پولیو پروگرام کے تحت اب اکتوبر میں قومی سطح پر ایک بڑی مہم شروع کی جائے گی جو 13 سے 19 اکتوبر تک جاری رہے گی۔
مزید پڑھیں: پاکستانی عمرہ زائرین کے لیے پولیو ویکسینیشن لازمی قرار
اس دوران 4 کروڑ 54 لاکھ بچوں کو پولیو ویکسین کے ساتھ وٹامن اے کے کیپسول بھی دیے جائیں گے۔ مہم میں 4 لاکھ سے زائد فرنٹ لائن ورکرز حصہ لیں گے جو گھر گھر جا کر بچوں کو یہ سہولت فراہم کریں گے۔
خیال رہے کہ پاکستان ان چند ممالک میں شامل ہے جہاں پولیو ابھی تک مکمل طور پر ختم نہیں ہو سکا۔ بار بار مہمات چلانے کے باوجود ویکسینیشن سے محروم رہ جانے والے بچے اس مرض کے پھیلاؤ کا باعث بنتے ہیں۔
حکام نے والدین سے اپیل کی ہے کہ وہ پولیو ٹیموں سے تعاون کریں تاکہ ملک کو اس مہلک وائرس سے نجات دلائی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بدین پنجاب پولیو پولیو ویکسین ٹھٹھہ خیبر پختونخوا سندھ گلگت بلتستان.
ذریعہ
ذریعہ: WE News
کلیدی لفظ: پولیو پولیو ویکسین ٹھٹھہ خیبر پختونخوا گلگت بلتستان پولیو ویکسین بچوں کو
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ