لاہور ہائی کورٹ کا غیر رجسٹرڈ سمز فوری بند کرنے کا حکم
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
لاہور (نمائندہ جسارت) لاہور ہائیکورٹ کے جسٹس علی ضیا باجوہ نے غیر رجسٹرڈ سم کی فروخت پر شدید برہمی کا اظہار کرتے ہوئے فوری طور پر ایسی تمام سم بند کرنے اور جعلی موبائل اکاؤنٹس بنا کر سادہ لوح افراد سے رقوم بٹورنے والے عناصر کے خلاف سخت کارروائی کا حکم دے دیا۔یہ احکامات جسٹس علی ضیا باجوہ نے غیر رجسٹرڈ سم فروخت کرنے کے الزام میں گرفتار ملزم کی درخواست ضمانت پر سماعت کے دوران جاری کیے۔ عدالت میں پی ٹی اے کے وکیل نے آگاہ کیا کہ گرفتار ملزم سے 773 غیر رجسٹرڈ سم برآمد ہوئیں۔دوران سماعت جسٹس علی ضیا باجوہ نے ریمارکس دیے کہ غیر تصدیق شدہ سم کی فروخت نے ملک میں تباہی مچا دی ہے، یہ نہایت سنجیدہ معاملہ ہے۔ عدالت نے پی ٹی اے سے ملک بھر میں زیر استعمال غیر رجسٹرڈ سم کی مکمل تفصیلات طلب کر لیں۔عدالت نے قرار دیا کہ جعلی موبائل اکاؤنٹس بنا کر کروڑوں روپے تاوان وصول کیا جاتا ہے۔ اس پر پی ٹی اے کے وکیل نے وضاحت دی کہ بینک اکاؤنٹ بنانا تو مشکل ہے، مگر موبائل اکاؤنٹ کے لیے شرائط سخت نہ ہونے کے باعث جعلسازی آسان ہو گئی ہے۔عدالت عالیہ نے 6 اکتوبر کو ڈی جی نیشنل سائبر کرائم انویسٹی گیشن ایجنسی اور پی ٹی اے کے سینئر افسر کو طلب کرتے ہوئے ہدایت کی کہ اس سنگین مسئلے کا مستقل حل نکالا جائے۔
ذریعہ: Jasarat News
کلیدی لفظ: پی ٹی اے
پڑھیں:
جیل میں قید معراج ملک نے جموں و کشمیر اسمبلی میں شرکت کیلئے ہائی کورٹ سے اجازت طلب کی
معراج ملک کی ٹیم پارلیمنٹ کے مانسون اجلاس میں شرکت کی اجازت مانگنے میں بارہمولہ کے رکن اسمبلی انجینئر رشید سے بھی تحریک لے رہی ہے۔ اسلام ٹائمز۔ جموں و کشمیر اسمبلی کا اجلاس 23 اکتوبر کو شروع ہونے والا ہے، ڈوڈہ (جموں) سے جیل میں بند عام آدمی پارٹی (اے اے پی) کے ایم ایل اے معراج ملک کی قانونی ٹیم سیشن میں شرکت کی اجازت کے لئے ہائی کورٹ میں درخواست دائر کرنے کی تیاری کر رہی ہے۔ ایک یا دو دن میں معراج ملک کی قانونی ٹیم سماعت کے لئے جموں و کشمیر اور لداخ ہائی کورٹ میں درخواست دے گی۔ ایم ایل اے کے پرسنل اسسٹنٹ عامر ملک نے ای ٹی وی بھارت سے بات کرتے ہوئے کہا "ایک یا دو دن میں ہم ایم ایل اے ڈوڈا کو اسمبلی اجلاس میں شرکت کی اجازت دینے کے لئے ہائی کورٹ میں عرضی دائر کریں گے۔ انہوں نے کہا کہ اگر عرضی قبول ہوتی ہے، تو یہ آگے بڑھے گی، بصورت دیگر ہم 14 اکتوبر کی سماعت کے دوران ہائی کورٹ میں اس معاملے کو اٹھائیں گے۔
معراج ملک کی قانونی ٹیم نے یہ فیصلہ جمعہ کو جموں و کشمیر اسمبلی کے اسپیکر عبدالرحیم راتھر کے ایک بیان کے بعد کیا، جنہوں نے کہا کہ عدالت کو معراج ملک کو آئندہ اسمبلی اجلاس میں شرکت کی اجازت دینی ہوگی۔ معراج ملک کی ٹیم پارلیمنٹ کے مانسون اجلاس میں شرکت کی اجازت مانگنے میں بارہمولہ کے رکن اسمبلی انجینئر رشید سے بھی تحریک لے رہی ہے۔ عامر ملک نے کہا کہ ہم انجینئر رشید کے حوالے سے سپریم کورٹ کی ہدایت کو منسلک کریں گے اور اپنا نکتہ پیش کریں گے۔ ایم ایل اے ڈوڈہ کے خلاف 8 ستمبر کو ڈپٹی کمشنر ڈوڈا نے پبلک سیفٹی ایکٹ (پی ایس اے) کے تحت مقدمہ درج کیا تھا اور انہیں کٹھوعہ کی ضلع جیل بھیج دیا گیا تھا۔
ان کی گرفتاری کے بعد ان کے حامیوں نے ڈوڈا ضلع کے مختلف علاقوں میں احتجاج کیا، جس سے انتظامیہ کو بی این ایس ایس کی دفعہ 163 نافذ کرنے اور ان کے آبائی علاقے بھلیسہ میں موبائل کالنگ خدمات اور ضلع بھر میں موبائل انٹرنیٹ اور براڈ بینڈ خدمات کو معطل کرنے پر مجبور کیا گیا۔ صورتحال اب معمول پر ہے، لیکن ملک کے پی اے نے دعویٰ کیا ہے کہ ایم ایل اے کے حامیوں کو سوشل میڈیا پر کچھ بھی پوسٹ کرنے پر ڈوڈہ پولیس ہراساں کررہی ہے۔ معراج ملک کے فیس بک پیج پر انہوں نے لکھا "میں پولیس اور انتظامیہ سے درخواست کرتا ہوں کہ وہ ہمارے لوگوں کے خلاف ہونے والے مظالم کو روکیں، جو بھی معراج ملک کی حمایت میں کچھ بھی پوسٹ کرتا ہے، اسے ہر روز پولیس اسٹیشن بلایا جاتا ہے، یہ ڈوڈہ ضلع میں روز کا معمول بن گیا ہے"۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت