ایم ڈی کیٹ 2025 کے لیے کتنے لاکھ امیدوار رجسٹرڈ ہوئے؟
اشاعت کی تاریخ: 30th, September 2025 GMT
ایم ڈی کیٹ ٹیسٹ کے لیے پاکستان میڈیکل اینڈ ڈینٹل کونسل نے اعداد و شمار جاری کردیے، ساتھ ہی سیلاب متاثرہ علاقوں کے طلبہ کی سہولت کے لیے ٹیسٹ کی تاریخ بھی آگے بڑھا دی گئی۔
یہ بھی پڑھیں: پی ایم اینڈ ڈی سی نے ایم ڈی کیٹ 2025 کا شیڈول جاری کردیا
پاکستان میڈیکل اینڈ ڈینٹل کونسل کے مطابق ایم ڈی کیٹ 2025 کے لیے ایک لاکھ 40 ہزار سے زیادہ امیدواروں نے رجسٹریشن کرائی، سیلاب متاثرہ طلبہ کی مشکلات کے پیش نظرایم ڈی کیٹ 5 اکتوبر کے بجائے 26 اکتوبر کو ہوگا۔
پاکستان میڈیکل اینڈ ڈینٹل کونسل کے مطابق پنجاب سے سب سے زیادہ 50 ہزار 443 امیدواروں نے رجسٹریشن کرائی ہے۔ خیبرپختونخوا سے 39 ہزار 964، سندھ سے 33 ہزار 160 امیدواروں نے رجسٹریشن کرائی، جبکہ بلوچستان سے 10 ہزار 278 امیدواروں نے ایم ڈی کیٹ کیلیے رجسٹریشن کرائی۔
یہ بھی پڑھیں: ایم ڈی کیٹ کا پرچہ پونے 14 گھنٹے پہلے آؤٹ ہوا، عدالت کا تفصیلی فیصلہ جاری
اسلام آباد سے ایک ہزار 146، آزاد جموں کشمیر سے 3 ہزار 322 امیدواروں نے رجسٹریشن کرائی، گلگت بلتستان سے ایک ہزار 564، جبکہ سعودی عرب سے 194 امیدواروں نے رجسٹریشن کرائی، ایم ڈی کیٹ امتحان صوبائی و وفاقی یونیورسٹیاں لیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعداد و شمار جاری ایم ڈی کیٹ ٹیسٹ پاکستان میڈیکل اینڈ ڈینٹل کونسل وی نیوز.
ذریعہ
ذریعہ: WE News
کلیدی لفظ: ایم ڈی کیٹ ٹیسٹ پاکستان میڈیکل اینڈ ڈینٹل کونسل وی نیوز امیدواروں نے رجسٹریشن کرائی ایم ڈی کیٹ کے لیے
پڑھیں:
پشاور: حیات میڈیکل کمپلیکس میں ینگ ڈاکٹرز کی ہڑتال دوسرے روز بھی جاری، مریض مشکلات سے دوچار
پشاور:حیات میڈیکل کمپلیکس پشاور میں ینگ ڈاکٹرز کی ہڑتال دوسرے روز بھی جاری ہے جس کے باعث مریضوں کو مشکلات کا سامنا ہے۔
ینگ ڈاکٹرز کی جانب سے او پی ڈیز اور آپریشنز کا مکمل بائیکاٹ کیا گیا جبکہ احتجاج کرنے والے ڈاکٹروں نے او پی ڈی کمروں کو تالے بھی لگا دیے۔ ہڑتال کے باعث اسپتال میں مختلف طبی سروسز کی فراہمی معطل ہو کر رہ گئی۔
اس صورتحال کے نتیجے میں علاج کی غرض سے آنے والے مریضوں اور ان کے اہل خانہ کو شدید مشکلات کا سامنا کرنا پڑ رہا ہے۔
ینگ ڈاکٹرز ایسوسی ایشن کے صدر ڈاکٹر اسفندیار نے مطالبہ کیا ہے کہ وزیر اعلیٰ خیبر پختونخوا اپنے وعدے کے مطابق کرپشن کی شفاف تحقیقات کروائیں۔ انہوں نے خبردار کیا کہ اگر حکومت نے اس حوالے سے فوری اقدامات نہ کیے تو صوبے بھر کے تمام اسپتال بند کر دیے جائیں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی