پاکستانی فیلڈ مارشل عاصم منیر میرے لیے اعزاز ہیں، امریکی جنرلز سے خطاب میں ٹرمپ کی تحسین
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ نے پاکستان کے فیلڈ مارشل عاصم منیر کو زبردست خراجِ تحسین پیش کیا اور کہا کہ وہ پاکستان میں انتہائی بااثر اور اہم شخصیت ہیں۔
امریکی صدر ڈونلڈ ٹرمپ نے محکمہ جنگ میں امریکی فوجی جنرلز سے خطاب کے دوران اپنے دورِ صدارت میں مختلف تنازعات کے خاتمے پر روشنی ڈالتے ہوئے کہا کہ میں نے سات بڑی جنگوں کا خاتمہ کرایا اور حال ہی میں ایک اور تنازع بھی سلجھایا ہے۔ ان میں سب سے خطرناک وہ کشیدگی تھی جو پاکستان اور بھارت کے درمیان بڑھ رہی تھی، جو کسی بھی وقت ایٹمی تصادم میں بدل سکتی تھی۔
ڈونلڈ ٹرمپ نے کہا کہ اس صورتحال کو ختم کرنے کے لیے انہوں نے تجارتی راستہ اپنایا اور دونوں ممالک پر زور دیا کہ جنگ کے بجائے باہمی معاہدے کی طرف آئیں، پاکستان اور بھارت بڑے ایٹمی طاقتیں ہیں اور ان کے درمیان ہونے والی جھڑپ میں سات طیارے مار گرائے گئے تھے۔
انہوں نے مزید بتایا کہ تین روز قبل پاکستانی وزیراعظم میاں محمد شہباز شریف اور فیلڈ مارشل عاصم منیر ان سے ملاقات کے لیے واشنگٹن میں موجود تھے، فیلڈ مارشل نے اس موقع پر کہا کہ اگر یہ جنگ چھڑ جاتی تو اس کے نتائج انتہائی تباہ کن ہوتے، لیکن میرے اقدام نے لاکھوں جانیں بچا لیں۔
ان کا کہنا تھا کہ فیلڈ مارشل کی یہ بات ان کے لیے باعثِ فخر تھی اور انہوں نے اسے اپنے لیے اعزاز سمجھا، فیلڈ مارشل نے یہ بات ان کے سامنے موجود دو امریکی جنرلز کے روبرو کہی تھی۔
خطاب کے دوران ٹرمپ نے امریکی عسکری طاقت پر بھی اعتماد کا اظہار کیا اور کہا کہ امریکا آبدوزوں کی ٹیکنالوجی کے حوالے سے روس اور چین سے کم از کم پچیس برس آگے ہے۔ انہوں نے مزید کہا کہ مجھے روسی صدر ولادی میر پیوٹن اور یوکرینی صدر ولادیمیر زیلنسکی کو ایک ساتھ بٹھانا ہے۔ میں آپ سب کے ساتھ ہوں اور آپ کے پیچھے کھڑا ہوں، لیکن اگر میری باتیں آپ کو ناگوار گزریں تو بہتر ہے کہ اپنے عہدے اور مستقبل کو خیرباد کہہ کر باہر چلے جائیں۔
ذریعہ
ذریعہ: Jasarat News
کلیدی لفظ: فیلڈ مارشل انہوں نے کہا کہ
پڑھیں:
امریکا کی 250 ویں سالگرہ 5 روزہ نمائش، آزادی کے تصور پر پاکستانی آرٹسٹس کے فن پارے توجہ کا مرکز
امریکی سفارت خانے نے امریکا کی آزادی کے 250 سال مکمل ہونے کی تقریبات کے سلسلے میں جمعرات کو اسلام آباد میں ’لیٹ فریڈم رنگ‘ کے عنوان سے ’لبرٹی بیل‘ نمائش کا افتتاح کر دیا۔
نمائش میں ملک بھر سے تعلق رکھنے والے 16 پاکستانی فنکاروں کے تیار کردہ منفرد فن پارے پیش کیے گئے ہیں، جن میں ہر فنکار نے اپنے انداز میں ‘آزادی’ کے تصور کو اجاگر کیا ہے۔
یہ بھی پڑھیں:گورنر خیبرپختونخوا سے امریکی ناظم الامور کی ملاقات، سرمایہ کاری اور ترقیاتی تعاون بڑھانے پر اتفاق
نمائش کا افتتاح لوک ورثہ میوزیم میں منعقدہ تقریب میں امریکی ناظم الامور اینڈی ہیلس اور وفاقی وزیر برائے قومی ورثہ و ثقافت اورنگزیب خان کچھی نے مشترکہ طور پر کیا۔
پاکستانی فنکاروں نے ‘آزادی’ کی نئی تعبیر پیش کیامریکی سفارت خانے کے مطابق یہ منصوبہ پاکستان میں امریکی مشن کے پبلک ڈپلومیسی سیکشن نے اپنے ‘لنکن کارنرز’ نیٹ ورک کے ذریعے ترتیب دیا، جس میں ملک کے مختلف حصوں سے تعلق رکھنے والے 16 فنکاروں کو شریک کیا گیا۔
Federal Minister for NH&C Aurangzeb Khan Khichi and U.S. Chargé d’Affaires Andy Halus on Thursday jointly inaugurated the “Let Freedom Ring” American Liberty Bell display at Lok Virsa Heritage Museum, celebrating the enduring cultural partnership between Pakistan & United States pic.twitter.com/3uqKCelXK9
— National Heritage and Culture Division (@DivisionCulture) July 23, 2026
ہر فنکار سے ایک ہی سوال پوچھا گیا کہ ’میرے لیے آزادی کیا معنی رکھتی ہے؟ ’اس سوال کے جواب میں فنکاروں نے ’لبرٹی بیل‘ کے منفرد ڈیزائن تخلیق کیے، جو پاکستانی نقطۂ نظر سے آزادی کے تصور کی عکاسی کرتے ہیں۔
نمائش 5 روز تک جاری رہے گی‘لیٹ فریڈم رنگ’ نمائش 23 سے 27 جولائی تک اسلام آباد کے 2 نمایاں ثقافتی مراکز، لوک ورثہ میوزیم اور پاکستان مونومنٹ میوزیم میں جاری رہے گی۔
امریکی سفارت خانے نے شہریوں کو دعوت دی ہے کہ وہ اس 5 روزہ نمائش کے دوران دونوں مقامات کا دورہ کریں اور فن پاروں کا مشاہدہ کریں۔
امریکا اور پاکستان کے مشترکہ اقدار پر زورتقریب سے خطاب کرتے ہوئے امریکی ناظم الامور اینڈی ہیلس نے کہا کہ ‘لبرٹی بیل’ آزادی، اظہارِ رائے اور بہتر مستقبل کی امید کی علامت ہے۔
أعلنت السفارة الأمريكية في إسلام آباد عن افتتاح معرض ليت فريدوم رينغ في متحف لوك ورثه ومتحف النصب التذكاري الباكستاني، وذلك ضمن الاحتفالات العالمية بمرور ٢٥٠ عامًا على إعلان الاستقلال الأمريكي.
شارك في الافتتاح القائم بالأعمال الأمريكي آندي هيلز ووزير التراث الوطني والثقافة… pic.twitter.com/EcPOSXchyu
— WE News | بالعربية (@WENewsArabic) July 23, 2026
ان کا کہنا تھا کہ پاکستان اور امریکا دونوں معاشروں میں فن، تخلیقی اظہار اور بہتر دنیا کے تصور کو اہمیت دی جاتی ہے۔
لوک ورثہ کئی دہائیوں سے پاکستان کی ثقافتی شناخت کو محفوظ رکھنے میں اہم کردار ادا کر رہا ہے۔ انہوں نے کہا کہ آج اس تاریخی مقام پر امریکا کی آزادی کی داستان کو بھی پیش کرنا باعثِ فخر ہے۔
ثقافتی تبادلوں سے تعلقات مضبوط بنانے پر زوروفاقی وزیر برائے قومی ورثہ و ثقافت اورنگزیب خان کچھی نے اس اقدام کا خیرمقدم کرتے ہوئے کہا کہ پاکستان اور امریکا کے درمیان ثقافتی تبادلے دونوں ممالک کے تعلقات کو مزید مستحکم بنانے میں اہم کردار ادا کرتے ہیں۔
مزید پڑھیں:نائب وزیراعظم اسحاق ڈار سے قائم مقام امریکی ناظم الامور کی ملاقات، خطے کی صورتحال پر تبادلہ خیال
انہوں نے اس نمائش کو دونوں ممالک کے درمیان دیرینہ تعلقات اور باہمی تعاون کی ایک مثبت مثال قرار دیا۔
امریکا 2026 میں اپنے اعلانِ آزادی کی 250 ویں سالگرہ منا رہا ہے۔ اسی مناسبت سے دنیا بھر میں امریکی سفارت خانے اور سفارتی مشنز کے زیرِ اہتمام ‘فریڈم 250’ کے عنوان سے مختلف تقریبات، نمائشوں اور ثقافتی پروگراموں کا انعقاد کیا جا رہا ہے۔
اسلام آباد میں منعقد کی جانے والی ‘لیٹ فریڈم رنگ’ مہم بھی اسی عالمی پروگرام کا حصہ ہے، جس کا مقصد آزادی، اختراع، تخلیقی اظہار اور ثقافتی روابط کو فروغ دینا ہے۔
اس نمائش کے ذریعے پاکستانی فنکاروں کو اپنے فن کے ذریعے آزادی کے تصور کو پیش کرنے کا موقع فراہم کیا گیا، جسے پاکستان اور امریکا کے درمیان ثقافتی تعاون کی ایک اہم پیش رفت قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزادی افتتاح لوک ورثہ میوزیم امریکا امریکی سفارتخانہ امریکی ناظم الامور اینڈی ہیلس پاکستان ثقافتی تبادلہ فنکاروں لبرٹی بیل لیٹ فریڈم رنگ مونومنٹ میوزم
پاکستان نے ورلڈ کپ 2028 کیلیے براہ راست کوالیفائی کر لیا