شوگراور بلڈپریشر تیزی سے پھیلنے والی بیماریاں ہیں
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
پشاور(آئی این پی ) شوگر اور بلڈ پریشر دنیا بھر کی طرح پاکستان میں بھی تیزی سے بڑھنے والی بیماریاں ہیں اور انہیں بجا طور پر ’’خاموش قاتل‘‘ کہا جاتا ہے۔ماہرین کے مطابق پاکستان میں ہر چار میں سے ایک فرد شوگر کامریض ہے جبکہ ہر تین میں سے ایک فرد بلڈ پریشر کا شکار ہے۔ ان دونوں امراض کی بروقت جانچ اور علاج نہ صرف مریض کی زندگی کو محفوظ بنا سکتے ہیں بلکہ انہیں مزید پیچیدگیوں سے بھی بچا سکتے ہیں۔ شوگر اور بلڈ پریشر کی اس بڑھتی ہوئی خطرناک شرح کے پیش نظر خیبر میڈیکل یونیورسٹی(کے ایم یو) نے ماہر ڈاکٹروں اور پروفیسرز کی زیر نگرانی عوامی شعور اجاگر کرنے اور بروقت تشخیص کی غرض سے یکم تا 3 اکتوبر 2025، صبح 9 بجے تا دوپہر 1 بجے تک تین روزہ فری میڈیکل کیمپ منعقد کرنے کا فیصلہ کیا ہے۔یہ کیمپ آج یکم اکتوبر بروز بدھ سے شروع ہوکر تین اکتوبر بروز جمعتہ المبارک تک کے ایم یو اسپتال نزد پی آئی سی فیز5حیات آباد پشاور میں جاری رہے گا جس میں مریضوں کو مفت طبی معائنہ، تشخیص اور ضروری ٹیسٹوں کی سہولیات فراہم کی جائیں گی۔ اس تین روزہ مہم کے دوران مریضوں کا تفصیلی معائنہ اور تشخیص کی جائے گی، شوگر کے مریضوں کو پاؤں کی دیکھ بھال اور زخموں سے بچاؤ کی تدابیر سے آگاہ کیا جائے گا، آنکھوں کا مکمل معائنہ کیا جائے گا، غذائی رہنمائی اور ڈائٹ مشاورت فراہم کی جائے گی اور وزن میں زیادتی اور موٹاپے کے بارے میں مشاورت کی سہولت بھی دستیاب ہوگی۔ اس کے ساتھ ساتھ گردوں کے ٹیسٹ، کولیسٹرول ٹیسٹ، بلڈ شوگر ٹیسٹ اور HbA1c ٹیسٹ بھی بالکل مفت کرائے جائیں گے۔وائس چانسلر پروفیسر ڈاکٹر ضیا الحق نے کہا ہے کہ خیبر میڈیکل یونیورسٹی کا یہ اقدام عوام کو صحت کے حوالے سے آگاہ کرنے اور بنیادی سہولیات کی فراہمی کی ایک اہم کوشش ہے، جس سے شہری مستفید ہو کر اپنی صحت کے بارے میں بروقت آگاہی حاصل کر سکتے ہیں۔ انہوں نے کہا کہ تحقیق سے ثابت ہے کہ شوگر اور بلڈ پریشر چونکہ خاموش قاتل ہیں لہٰذا ان کی بروقت تشخیص بہت ضروری ہے اور اسی لیئے کے ایم یو نے اس عوامی صحت سے متعلق ایشو کے تناظر میں کے ایم یو جنرل اسپتال کا آغاز شوگر ، بلڈ پریشر اور دیگر امراض کی تشخیص اور علاج کے لیئے تین روزہ مفت میڈیکل کیمپ کے انعقاد سے کیاہے۔
ذریعہ: Jasarat News
کلیدی لفظ: بلڈ پریشر کے ایم یو اور بلڈ
پڑھیں:
پریشر میں کھیلنے والا کھلاڑی ہی بڑا اسٹار بنتا ہے: عرفان خان نیازی
پاکستان شاہینز کے کپتان محمد عرفان خان نیازی نے کہا ہے کہ پریشر میں کھیلنا آنا چاہیے، پریشر میں کھیلنے والا کھلاڑی ہی بڑا اسٹار بنتا ہے اور بہترین اننگز کھیلتا ہے۔
جیو نیوز کے مارننگ شو ’جیو پاکستان‘ میں گفتگو کرتے ہوئے پاکستان اے ٹیم کے کپتان محمد عرفان خان نے ایمرجنگ ایشیا کپ ٹورنامنٹ میں بھارت کے خلاف پریشر میں کھیلنے سے متعلق بات کرتے ہوئے کہا، ’ہم نے بہت محنت کی اور جیتے، ٹیم کو سمجھایا ہوا تھا کہ پریشر کے بغیر کھیلنا ہے جیسے عام میچز کھیلے جاتے ہیں، بھارتی ٹیم کی ٹینشن نہیں لینی۔‘
انہوں نے مزید کہا کہ ہم پُراعتماد تھے، پلان بنایا ہوا تھا کہ ہدف کس طرح سے حاصل کرنا ہے، اس لیے 14 اوورز میں ہی میچ ختم کر دیا۔
محمد عرفان خان کا کہنا تھا کہ ہمارے پلیئرز کو معلوم ہوتا ہے کہ کون کیا سوچ رہا ہے کون ٹیم میں کیا رول پلے کر رہا ہے۔
اِن کا کہنا تھا کہ بھارتی ٹیم بھی بہترین ٹیم ہے، بھارتی ٹیم میں بھی کچھ کھلاڑی بہترین پرفارم کرنے والے ہیں۔
پاک بھارت ٹیموں کے درمیان ہاتھ نہ ملانے کے تنازع پر کپتان نے کہا کہ یہ کوئی خاص بات نہیں، کوئی ہاتھ نہیں ملانا چاہتا تو نہ ملائے، یہ بات اتنی اہمیت نہیں رکھتی، بھارتی ٹیم سے پہلے بہت اچھے تعلقات تھے اب تعلقات ویسے نہیں رہے۔
ڈریسنگ روم کے ماحول پر بات کرتے ہوئے محمد عرفان خان کا کہنا تھا کہ ہمارے ڈریسنگ روم کا ماحول بہت بہترین ہے، سب کھلاڑیوں کی آپس میں بہت اچھی دوستی ہے۔
دوسری جانب جیو پاکستان سے گفتگو کے دوران پاکستان شاہینز کے آل راؤنڈر معاذ صداقت نے کہا کہ میں بہت زیادہ خوش ہوں، بھارت کے خلاف میچ جتنے کا بہت بہترین احساس ہوتا ہے۔
معاذ صداقت کا کہنا تھا کہ تیاری ہر میچ کے لیے کی جاتی ہے مگر بھارت کے خلاف محنت سے کھیلا، میں نے اپنی پرفارمنس کے لیے سخت تیاری کی اور اس کا پھل ملا۔
ایک سوال کے جواب میں معاذ صداقت نے بتایا کہ اُن کے پسندیدہ کھلاڑی بابر اعظم ہیں۔
معاذ صداقت کو میچ میں آل راؤنڈر پرفارمنس پر میچ کا بہترین کھلاڑی قرار دیا گیا۔
واضح رہے کہ ایشیاء کپ رائزنگ اسٹارز ٹی20 کے گروپ میں پاکستان شاہینز نے بھارت اے کو 8 وکٹوں سے شکست دے کر سیمی فائنل تک رسائی حاصل کر لی۔
قطر کے دارالحکومت دوحہ میں کھیلے گئے میچ میں بھارت کی طرف سے دیا گیا 137 رنز کا ہدف پاکستان نے 14ویں اوور میں 2 وکٹوں کے نقصان پر حاصل کر لیا۔
پاکستانی اوپنر معاذ صداقت نے شاندار بیٹنگ کی، 4 چھکوں اور 7 چوکوں کی مدد سے صرف 47 گیندوں پر 79 رنز بنائے۔
گروپ میچ میں بھارتی ٹیم پہلے کھیلتے ہوئے 136 رنز پر ہی ڈھیر ہو گئی اور پورے 20 اوورز بھی نہ کھیل سکی۔
پاکستان کی طرف سے شاہد عزیز نے 3، سعد مسعود اور معاذ صداقت نے 2، 2 وکٹیں لیں۔
معاذ صداقت کو میچ میں آل راؤنڈ پرفارمنس پر میچ کا بہترین کھلاڑی قرار دیا گیا، معاذ صداقت نے دو وکٹیں حاصل کیں اور 79 رنز بنا کر ناٹ آؤٹ رہے۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟