جماعت اسلامی کی بلدیاتی قیادت نے گلبرگ میں نادرا میگا سینٹر کی منظوری دیدی
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">کراچی (اسٹاف رپورٹر)چیئرمین گلبرگ ٹاؤن نصرت اللہ کی زیر صدارت گلبرگ ٹاؤن کی منتخب کونسل کا باضابطہ اجلاس ٹاؤن میونسپل کارپوریشن گلبرگ میں منعقد ہوا، جس میں میونسپل کمشنر عبدالحمید سہاگ، اراکین کونسل اور خواتین کونسلرز نے شرکت کی۔ اجلاس کا آغاز تلاوت کلام پاک اور مطالعہ حدیث سے کیا گیا۔اجلاس میں متعدد قراردادیں پیش کی گئیں جنہیں متفقہ طور پر منظور کیا گیا۔ ان قراردادوں میں گلبرگ ٹاؤن بلاک 10 فیڈرل بی ایریا میں نادرا میگا سینٹر کے قیام کے لیے جگہ کی منظوری، محکمہ تعلیم کے عارضی اساتذہ کی بنیادی تنخواہ کو حکومت سندھ کے نوٹیفکیشن کے مطابق کرنے کی منظوری، اور سندھ ہائی کورٹ کے فیصلے کے تحت پارکوں اور گراؤنڈوں میں تجارتی سرگرمیوں پر پابندی کی مکمل حمایت شامل تھیں۔کونسل نے سعودی عرب اور پاکستان کے دفاعی معاہدے کی حمایت، غزہ کے لیے روانہ ہونے والے بحری قافلے کی امداد کی حمایت، بونیر میں کلاؤڈ برسٹ سے ہونے والے جانی و مالی نقصان پر افسوس، افغانستان میں زلزلوں سے ہلاکتوں پر غم اور قطر پر اسرائیلی حملے کی شدید مذمت بھی کی۔چیئرمین گلبرگ ٹاؤن نصرت اللہ نے اجلاس کے اختتام پر اراکین کونسل، محکمہ جاتی افسران اور عملے کا شکریہ ادا کرتے ہوئے اس عزم کا اظہار کیا کہ بلدیاتی مسائل کے حل کے ساتھ ساتھ صحت اور تعلیم کے شعبے پر خصوصی توجہ دی جائے گی۔ اجلاس کا اختتام غزہ کے مظلوم مسلمانوں کے لیے خصوصی دعا پر ہوا۔
ذریعہ
ذریعہ: Jasarat News
کلیدی لفظ: گلبرگ ٹاو ن
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی