بیانات: پیپلز پارٹی ناراض، سینٹ، قومی اسمبلی سے واک آؤٹ، گھر کا معاملہ، حل کر لیں گے: وزیر قانون
اشاعت کی تاریخ: 1st, October 2025 GMT
اسلام آباد ( وقائع نگار+خبر نگار) پاکستان پیپلز پارٹی نے بیانات پر سینٹ اور قومی اسمبلی سے واک آؤٹ کر دیا۔ سینٹ اجلاس کے دوران خطاب کرتے ہوئے سینیٹر ضمیر گھمرو نے وفاقی حکومت سے مطالبہ کیا کہ بے نظیر انکم سپورٹ سے لوگوں کی امداد کی جائے۔ ایسے بیانات کی پیپلز پارٹی مذمت کرتی ہے۔ انہوں نے کہا کہ اس قسم کے بیانات وفاق کو نقصان پہنچاتے ہیں۔ یہ بیان ہمارا پانی ہماری مرضی وفاق کے خلاف بیان ہے۔ پھر کوئی صوبہ کہہ دے ہمارا پٹرول ہماری مرضی، ہماری گندم ہماری مرضی ۔پی پی سینیٹر نے اعلان کیا کہ جب تک بیانات پر معافی نہیں مانگی جاتی ہم کسی قانون سازی میں حصہ نہیں لیں گے۔ منگل کے روز ایوان زیریں کا اجلاس سپیکر قومی اسمبلی سردار ایاز صادق کی زیر صدارت پارلیمنٹ ہاوس میں منعقد ہوا۔ پیپلزپارٹی کے رہنما سید نوید قمر نے دریائے سندھ پر کینالز تعمیر کرنے کے بیان پر سخت احتجاج کیا اوراسے خلاف ضابطہ قدم قرار دے دیا۔ سید نوید قمر نے کہا کہ ہمارا پیسہ ، ہمارا پانی اور ہماری مرضی۔ انہوں نے کہا پنجاب اور سندھ کا کاشتکار سیلاب کی نذر ہو گیا ہے ان کی بحالی میں سالوں لگیں گے۔ ہمیں یہ طعنے دئیے جاتے ہیں کہ ہم نے اس حکومت کو سہارا دے رکھا ہے۔ انہوں نے کہاکہ یہ طرز عمل درست نہیں ہے۔ اگر یہ رویہ تبدیل نہ ہوا تو وہ دن دور نہیںکہ ہم اپوزیشن میں بیٹھے ہوں گے۔ جس پر پی ٹی آئی اراکین نے ڈیسک بجائے۔ وزیر قانون اعظم نذیر تاررڑ نے پی پی کے احتجاج پر ردعمل دیتے ہوئے کہا کہ وہ پاکستان پیپلزپارٹی کے تحظات دور کریں گے۔ انہوں نے کہا کہ ہم مضبوط پاکستان کے لیے اکٹھے کھڑے ہیں۔ اعظم نذیر تارڑ نے کہا کہ اگر کسی کی دل آزاری ہوئی ہو تو وہ معذرت کرتے ہیں۔ انہوں نے کہا کہ سیاست میں گرما گرمی چلتی رہتی ہے۔ اپوزیشن خوش نہ ہو یہ گھر کا معاملہ ہے جو گھر میں ہی حل کر لیا جائے گا۔ اعظم نذیر تارڑ نے دعوی کیا ہے کہ ٹرمپ کے امن منصوبے پر فلسطین کے کلیدی رہنماؤں نے خوشی کا اظہار کیا۔ ہمیں ماتم (واویلا) کرنے کے بجائے خوش ہونا چاہئے اسلامی بلاک میں پاکستان کو اہم کردار ملا ہے۔ اعظم نذیر تارڑ نے کہا کہ اقوام متحدہ کی جنرل اسمبلی کے اجلاس میں پاکستان اور اسلامی دنیا نے جس طرح نیتن یاہو کو اس کے منہ پر لعنت بھیجی ہے یہ بھی تاریخ میں لکھا جائے گا۔ اعظم نذیر تارڑ نے مزید کہا کہ مسلم لیگ ن آج بھی 18 ویں ترمیم کے ساتھ کھڑی ہے۔ این ایف سی کیلئے صوبوں سے نامزدگیاں لے کر انہیں فائنل کر دیا گیا ہے۔ وزیراعظم نے ہدایت کی تھی کہ ستمبر میں ہی کر دیا جائے جس کی روشنی میں جلد این ایف سی ایوارڈ جاری کیا جائے گا۔ ہم جمہوریت پر یقین رکھتے ہیں۔ ہماری قیادت نے بھی جیلیں سزائیں جھیلیں۔ اپوزیشن اس کے دوران اسرائیل کا جو یار ہے غدار ہے غدار ہے کے نعرے لگاتی رہی۔ بعد ازاں اجلاس جمعہ تک ملتوی کر دیا گیا۔وزیر مملکت برائے داخلہ طلال چودھری نے قومی اسمبلی اجلاس سے خطاب میں کہا ہے کہ گزشتہ روز ایف سی ہیڈ کوارٹرز پر حملہ ہوا۔ دھماکہ میں سویلین اور ایف سی کے لوگ شہید ہوئے۔ یہ بھارتی پراکسی سے رابطے میں ہیں۔ ہماری سکیورٹی فورسز نے ان کا منصوبہ ناکام کیا ہے۔ مسنگ پرسنز پر زیروٹالرنس ہے کمشن کے کے نئے سربراہ مقرر ہو چکے ہیں۔پنجاب سے پی ٹی آئی کے سینیٹر اعجاز چوہدری کی خالی ہونے والی نشست پر منتخب ہونے والے سینیٹر رانا ثناء اللہ نے اپنے عہدے کا حلف اٹھایا، جمعیت علمائے اسلام کے سینیٹر کامران مرتضیٰ نے کہا کوئٹہ میں ایک دھماکہ جو جس سے 17 کے لگ بھگ شہادتیں ہوئی ہیں، آج بلوچستان والوں کے لیے فاتحہ خوانی بھی نہیں ھاؤس میں پڑھی گئی ہے۔ بلوچستان جل رہا ہے، سکیورٹی ایجنسیوں والا کام کوئی اور کر رہا ہے۔ آپ نفرت بو رہے ہیں تو نفرت ہی کاٹیں گے، اے این پی سربراہ ایمل ولی خان نے کہا تیراہ واقعے کی حقیقت قوم کو بتائی جائے، وفاق جن کو دہشتگرد کہہ رہی ہے صوبائی حکومت ان کو کچھ اورکہہ رہی ہے، پاکستانی کرکٹ کے تمام کھلاڑیوں پر پابندی لگنی چاہئے۔ ان کھلاڑیوں نے بہت بے عزتی کروائی ہے، جے یوآئی سے تعلق رکھنے والے سینیٹر مولانا عطاء الرحمان نے کہا تیراہ میں بمباری کی گئی ہے، مرنے والوں میں بچے اور خواتین بھی شامل ہیں۔ یہ گائوں اور یہ لوگ جمیعت علمائے اسلام سے تعلق رکھتے تھے۔ اجلاس کے دوران پی ٹی آئی کے سینیٹرز نے احتجاجا اپنی سیٹوں سے اٹھ کر چیئرمین سینٹ کی نشست کے سامنے جمع ہوئے اور علامتی اجلاس لگایا۔ موجودہ حکومت کے خلاف نعرے بازی کی اور پھر اٹھ کر احتجاج کرتے ہوئے ایوان سے واک آؤٹ کر کے چلے گئے۔ اجلاس میں سینیٹرز مختلف قائمہ کمیٹیوں کی رپورٹس پیش کی گئیں۔
.
ذریعہ
ذریعہ: Nawaiwaqt
کلیدی لفظ: اعظم نذیر تارڑ نے انہوں نے کہا قومی اسمبلی نے کہا کہ ایف سی کر دیا
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی