دنیا بھر میں شارکس کی لائیو ٹریکنگ: نئی ایپ نے سب کو حیران کر دیا
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
سمندر کی پُراسرار اور خطرناک مگر دلچسپ مخلوقات میں سب سے نمایاں شارکس ہیں، جنہیں صدیوں سے انسان حیرت اور خوف کے ساتھ دیکھتا آیا ہے۔
اب جدید ٹیکنالوجی نے ان سمندری دیووں کو پہلے سے کہیں زیادہ قریب کردیا ہے۔ ماہرین نے ایک ایسی موبائل اور ویب ایپ تیار کی ہے جو دنیا بھر میں شارکس کی لائیو لوکیشن فراہم کرتی ہے اور صارفین کو یہ موقع دیتی ہے کہ وہ سمندری حیات کے سفر اور حرکات کو نقشے پر حقیقی وقت کے قریب ترین انداز میں دیکھ سکیں۔
اس ایپ کا نام OCEARCH ہے جو ایک غیر منافع بخش عالمی ادارہ ہے اور یہ خاص طور پر شارکس سمیت دیگر سمندری جانوروں کی تحقیق اور تحفظ کے لیے کام کرتا ہے۔
اس کمپنی کا تیار کردہ ’’گلوبل شارک ٹریکر‘‘ سادہ مگر دلکش ویب میپ اور موبائل ایپ کی شکل میں دستیاب ہے، جہاں صارف ہر ٹیگ شدہ شارک کا نام، نسل، پروفائل اور تازہ ترین مقام دیکھ سکتا ہے۔ یہ مقام نقشے پر پوائنٹس کی صورت میں ظاہر ہوتا ہے جبکہ ساتھ ساتھ ان کے سفر کی لائنیں بھی کھینچی جاتی ہیں، تاکہ صارف ان کی ہجرت اور روزمرہ نقل و حرکت کو سمجھ سکے۔
ایپ کی کامیابی کا راز اس میں استعمال ہونے والے جدید ٹیگز ہیں۔ سب سے اہم سیٹلائٹ ٹیگز ہیں جو شارک کے ڈورسل فن پر لگائے جاتے ہیں۔ جیسے ہی شارک سطح پر آتی ہے، یہ ٹیگز سگنل کو سیٹلائٹ تک پہنچاتے ہیں اور یوں چند لمحوں میں اس کی لوکیشن ایپ پر ظاہر ہوجاتی ہے۔
اس کے علاوہ پاپ اپ سیٹلائٹ آرکائیول ٹیگز بھی استعمال کیے جاتے ہیں جو نہ صرف مقام بلکہ درجہ حرارت، سمندری بہاؤ اور گہرائی کا ڈیٹا جمع کرکے سیٹلائٹ کے ذریعے تحقیق کاروں تک پہنچاتے ہیں۔
ایکوسٹک ٹیگز بھی اس نظام کا حصہ ہیں جو یا تو اندرونی یا بیرونی طور پر شارک پر لگائے جاتے ہیں۔ جب یہ شارک کسی ایسے علاقے میں داخل ہوتی ہے جہاں سمندری ریسیورز نصب ہیں تو اس کی موجودگی ریکارڈ ہوجاتی ہے۔
اس طرح محققین کو نہ صرف شارکس کی موجودگی بلکہ ان کی ہجرت کے پیٹرنز، رہائش کے اہم مقامات اور موسمی رویوں کے بارے میں بھی قیمتی معلومات حاصل ہوتی ہیں۔
یہ ٹیکنالوجی دنیا بھر کے محققین اور ماہرینِ ماحولیات کے لیے ایک بڑی کامیابی ہے کیونکہ اس سے سمندری حیات کو درپیش خطرات کو سمجھنے اور ان کے تحفظ کی پالیسیوں کو مزید مؤثر بنانے میں مدد مل رہی ہے۔
عام صارفین کے لیے یہ ایپ ایک دلچسپ تجربہ ہے، کیونکہ وہ پہلی بار شارکس کی حقیقی دنیا میں زندگی کے قریب تر انداز میں جھلک دیکھ پاتے ہیں۔ یوں کہا جاسکتا ہے کہ اوشیئرچ کی یہ کاوش سمندر کی گہرائیوں کو ہمارے موبائل اسکرین تک لے آئی ہے۔
.
ذریعہ
ذریعہ: Jasarat News
کلیدی لفظ: شارکس کی
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار