ہاردک پانڈیا کی حکمرانی ختم، صائم ایوب نمبر ون ٹی ٹوئنٹی آل راؤنڈر بن گئے
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
انٹرنیشنل کرکٹ کونسل (آئی سی سی) کی تازہ ترین ٹی ٹوئنٹی رینکنگ میں پاکستان کے بیٹنگ آل راؤنڈر صائم ایوب نے تاریخ رقم کر دی ہے۔ صائم ایوب نے شاندار پیشرفت کے ساتھ بھارت کے ہاردک پانڈیا کو پیچھے چھوڑتے ہوئے ٹی ٹوئنٹی آل راؤنڈرز کی فہرست میں پہلی پوزیشن حاصل کر لی۔
آئی سی سی کی جانب سے جاری کردہ رینکنگ کے مطابق پاکستان کے بیٹنگ آل راؤنڈر صائم ایوب چار درجے ترقی کے بعد نمبر ون آل راؤنڈر بن گئے ہیں، جبکہ ہاردک پانڈیا تنزلی کے بعد دوسرے نمبر پر آ گئے۔
رینکنگ کے مطابق افغانستان کے تجربہ کار آل راؤنڈر محمد نبی مزید ایک درجہ گر کر تیسرے نمبر پر چلے گئے، اس کے ساتھ ہی پاکستان کے محمد نواز چار درجے بہتری کے بعد تیرہویں اور فہیم اشرف چار درجے ترقی کے بعد پینتیسویں نمبر پر پہنچ گئے ہیں۔
بیٹرز کی رینکنگ میں بھارت کے ابھیشیک شرما اپنی پہلی پوزیشن برقرار رکھنے میں کامیاب رہے، سری لنکا کے پاتھم نسانکا دو درجے بہتری سے پانچویں پوزیشن پر پہنچے ہیں جبکہ پاکستان کے صاحبزادہ فرحان نے شاندار کھیل کے باعث گیارہ درجے ترقی کی اور وہ تیرہویں نمبر پر آگئے ہیں۔
بھارتی کپتان سوریا کمار یادیو کو دو درجے تنزلی کا سامنا کرنا پڑا اور وہ آٹھویں نمبر پر چلے گئے۔ پاکستان کے بابر اعظم، محمد رضوان اور صائم ایوب کی تنزلی ہوئی ہے اور وہ بالترتیب سینتیسویں، اکتالیسویں اور ستاون ویں نمبر پر آگئے۔ البتہ فخر زمان چھ درجے ترقی کے ساتھ ساٹھویں پوزیشن پر پہنچ گئے۔
بولرز رینکنگ میں بھارت کے ورون چکرورتی بدستور پہلے نمبر پر موجود ہیں۔ پاکستان کے ابرار احمد تین درجے تنزلی کے بعد ساتویں نمبر پر آگئے، تاہم شاہین شاہ آفریدی نے بارہ درجے ترقی کی اور وہ مشترکہ طور پر تیرہویں نمبر پر پہنچ گئے۔
دوسری جانب حارث رؤف کو پانچ درجے خسارے کے ساتھ تینتیسویں پوزیشن پر جانا پڑا۔ بھارتی فاسٹ بولر جسپریت بمرا نے نمایاں کارکردگی دکھاتے ہوئے بارہ درجے بہتری حاصل کی اور انتیسویں نمبر پر آگئے۔
ذریعہ
ذریعہ: Jasarat News
کلیدی لفظ: پاکستان کے صائم ایوب کے ساتھ کے بعد اور وہ
پڑھیں:
وزیراعظم کا آئی ٹی برآمدات 4.6 ارب ڈالر تک پہنچنے پر اطمینان کا اظہار
سٹی42: وزیراعظم محمد شہباز شریف کی زیرِ صدارت آئی ٹی شعبے کے اسٹرٹیجک روڈ میپ پر پیش رفت کا جائزہ لینے کے لیے اعلیٰ سطح کا اجلاس منعقد ہوا، جس میں وزارتِ انفارمیشن ٹیکنالوجی و ٹیلی کام کی کارکردگی اور ڈیجیٹل معیشت کے فروغ سے متعلق اقدامات پر بریفنگ دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اجلاس میں وزیراعظم نے پاکستان کی سالانہ آئی ٹی برآمدات میں 21 فیصد اضافے کے ساتھ 4.6 ارب امریکی ڈالر تک پہنچنے پر وزیرِ انفارمیشن ٹیکنالوجی اور متعلقہ ٹیم کو مبارکباد دی۔ انہوں نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کے فروغ کے لیے اختیار کی گئی پالیسیوں کا نتیجہ ہے اور آئی ٹی شعبے کی ترقی حکومت کی اولین ترجیحات میں شامل ہے۔ وزیراعظم نے ہدایت کی کہ آئی ٹی سے متعلق تربیتی کورسز کی معتبر تھرڈ پارٹی ویلیڈیشن یقینی بنائی جائے اور تربیت کے معیار پر کسی قسم کا سمجھوتہ نہ کیا جائے۔ انہوں نے ملک بھر میں ڈیجیٹل انفراسٹرکچر کو مزید بہتر بنانے کی بھی ہدایت کی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
اجلاس کو بریفنگ میں بتایا گیا کہ موبائل اسپیکٹرم جون 2025 کے 274 میگا ہرٹز سے بڑھ کر جون 2026 میں 880 میگا ہرٹز ہو چکا ہے، جس سے انٹرنیٹ کی رفتار اور کنیکٹیویٹی میں نمایاں بہتری آئے گی۔ اس کے علاوہ "کنیکٹ پاکستان وژن 2030" کے اجراء کی تیاریوں سے بھی آگاہ کیا گیا۔بریفنگ کے مطابق باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، جبکہ پاکستان میں اسمارٹ فون استعمال کرنے والوں کا تناسب 2024 کے 62 فیصد سے بڑھ کر جون 2026 میں 72 فیصد ہو گیا ہے۔ جون 2026 تک 5.1 ملین گھروں کو فکسڈ براڈ بینڈ یا فائبر کنکشن فراہم کیے جا چکے ہیں۔ اجلاس کو بتایا گیا کہ گزشتہ مالی سال آئی ٹی برآمدات میں فری لانسرز کا حصہ 1.164 ارب ڈالر رہا، جبکہ "ڈیجیٹل نیشن پاکستان" کے تحت 130 سرکاری خدمات کو ڈیجیٹلائز کیا جا چکا ہے۔ اسی عرصے میں آئی ٹی شعبے میں 942,646 تربیتی سرٹیفکیٹس جاری کیے گئے، 5,053 ہائی اینڈ تربیتی پروگرام اور لیڈرشپ و سافٹ اسکلز سے متعلق 2,700 تربیتی سیشنز منعقد کیے گئے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
بریفنگ میں مزید بتایا گیا کہ ویمن انوویشن اینڈ اسٹارٹ اپ ایمپاورمنٹ لیب کا افتتاح جلد کیا جائے گا، جبکہ چینی کمپنی علی بابا کے ساتھ مفاہمتی یادداشت کے تحت متعدد وفاقی وزارتوں اور اداروں میں مصنوعی ذہانت کے منصوبوں اور تربیتی پروگراموں پر کام جاری ہے۔
اجلاس میں وفاقی وزراء اعظم نذیر تارڑ، احد خان چیمہ، شزا فاطمہ خواجہ، خالد مقبول صدیقی، وزیرِ مملکت بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری حکام نے شرکت کی۔
شہر میں بارش سے بجلی کا ترسیلی نظام متاثر، 130 سے زائد فیڈرز بند
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار