جامعہ کراچی ، بیرونی عناصر کا جمعیت کے کارکنان پر حملہ، 3شدید زخمی
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)جامعہ کراچی میں اسلامی جمعیت طلبہ کے نہتے کارکنان پر غنڈہ عناصر کا حملہ، بدھ کو سہ پہر ساڑھے تین بجے (3:30 بجے) جامعہ کراچی کے آرٹس لابی کے قریب ایک نہایت افسوسناک اور پرتشدد واقعہ رونما ہوا ہے۔ جس میں ایک قوم پرست تنظیم سے تعلق رکھنے والے ڈیڑھ سو سے زاید مسلح افراد، جو خود کو ’’سندھی شاگرد ست‘‘ کے نام سے متعارف کرواتے ہیں، جامعہ کی حدود میں داخل ہوئے۔ یہ عناصر اسلحہ، ڈنڈوں، لوہے کی راڈوں اور دیگر خطرناک ہتھیاروں سے لیس تھے۔ انہوں نے نہتے طلبہ کو بربریت کا نشانہ بنایا۔اس واقعے میں جمعیت کے تین کارکنان کو آرٹس لابی کے قریب باقاعدہ ٹارگٹ کر کے تشدد کا نشانہ بنایا گیا جس کے نتیجے میں وہ شدید زخمی ہو گئے۔ حملہ آوروں نے نہ صرف طلبہ پر حملہ کیا بلکہ خوف و ہراس پھیلانے کی غرض سے اسلامی جمعیت طلبہ کے کارکنوں کی موٹر سائیکلوں کو آگ لگا دی اور جامعہ کے پرامن ماحول کو تباہ کر کے رکھ دیا ہے۔ اسلامی جمعیت طلبہ کے ترجمان کا کہنا ہے کہ یہ کوئی معمولی جھگڑا یا اتفاقی واقعہ نہیں تھا بلکہ ایک منظم، منصوبہ بند اور اشتعال انگیز حملہ تھا، جس کا مقصد اسلامی جمعیت طلبہ کے کارکنان کو نشانہ بنانا اور جامعہ میں انتشار و بدامنی پھیلانا تھا۔حملہ کرنے والے غنڈہ عناصر نے جامعہ کراچی میں سندھو دیش کے نعرے لگائے اور پاکستان مخالف نعرے بازی کی۔ ہم جامعہ کراچی کی انتظامیہ ،شہری انتظامیہ اور قانون نافذ کرنے والے اداروں سے مطالبہ کرتے ہیں کہ فوری طور پر ان غنڈہ عناصر کے خلاف کارروائی کی جائے۔
ذریعہ: Jasarat News
کلیدی لفظ: اسلامی جمعیت طلبہ کے جامعہ کراچی
پڑھیں:
ڈی جی آئی ایس پی آر کی طلبہ و اساتذہ کیسا تھ نشست
data-id="863a0a8" data-element_type="widget" data-widget_type="theme-post-content.default">
251116-01-11
راولپنڈی(صباح نیوز)پاک فوج کے ترجمان لیفٹیننٹ جنرل احمد شریف چودھری نے دی ملینیم یونیورسل کالج اور فیوچر ورلڈ سکول میں طلبہ و اساتذہ کے ساتھ خصوصی نشست کی۔ ڈی جی آئی ایس پی آر لیفٹیننٹ جنرل احمد شریف نے داخلی صورتحال اور ملکی دفاع کی اہمیت پر نوجوانوں سے اہم گفتگو کی، خصوصی نشست کے دوران طلباء اور اساتذہ کا پاک فوج کو زبردست خراج تحسین پیش کیا گیا۔ اس موقع پر اساتذہ نے اظہار خیال کرتے ہوئے کہا کہ پاک افواج خودمختاری اور قومی سالمیت کے تحفظ کے ساتھ عوام کی حفاظت بھی کرتی ہیں، نشست نے طلبہ کو روایتی سوچ سے ہٹ کر غوروفکر کرنے کا بھی موقع دیا۔ اساتذہ نے کہا کہ اس سیشن نے نوجوانوں کو پاکستانیّت، فعال شہریت اور سماجی ذمہ داریوں کے حقیقی تصور سے روشناس کیا۔ اس موقع پر طلبہ کا کہنا تھا کہ معرکہ حق میں پاک افواج کے کردار نے نوجوانوں میں پاکستان کے نا قابل تسخیر دفاع کا عزم بڑھایا، آج کی نشست سے احساس ہوا کہ میڈیا پر خبروں کو بغیر تجزیہ اور تصدیق کے پھیلانا غیر ذمہ دارانہ عمل ہے۔ طلبہ نے دوٹوک کہا کہ پاک فوج ہم سے اور ہم پاک فوج سے ہیں۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد