بیٹے کے ایک چھوٹے سوال نے میری زندگی بدل دی، کاجول کا انکشاف
اشاعت کی تاریخ: 3rd, October 2025 GMT
بولی وڈ اسٹار کاجول نے اپنے ٹاک شو میں بیٹے سے جڑا ایک ایسا لمحہ شیئر کیا جس نے ان کی زندگی اور سوچ پر گہرا اثر چھوڑا۔
کاجول اور ٹوئنکل کھنہ نے حال ہی میں ٹو مچ کے نئے ایپی سوڈ کی میزبانی بڑے دلچسپ انداز میں کی، جس میں مہمان کے طور پر عالیہ بھٹ اور ورون دھون موجود تھے۔
اس دوران کاجول نے والدین کے تجربات پر بات کی اور جب عالیہ نے ان سے ایک بچوں کی پرورش کی اہم ٹپ پوچھی، تو کاجول نے نہایت سادگی سے کہا، ’بس ان کی سنو… صرف سنو۔‘
کاجول نے وضاحت کی کہ اکثر والدین سمجھتے ہیں بچے زیادہ نہیں جانتے اور ان کی باتوں کو سنجیدہ نہیں لیتے، لیکن حقیقت یہ ہے کہ بچوں کی چھوٹی چھوٹی باتیں بھی بڑے سبق دے سکتی ہیں۔
کاجول نے یاد کیا کہ جب ان کا بیٹا یوگ صرف آٹھ سال کا تھا، تو اس نے اچانک ان سے پوچھا، ’مما، آپ خود سے کتنا پیار کرتی ہیں؟‘
کاجول نے جواب دیا کہ وہ تقریباً 60 سے 70 فیصد وقت اپنے آپ سے محبت کرتی ہیں، لیکن باقی وقت وہ خود پر شک یا تنقید کرتی ہیں۔ اس پر یوگ نے فوراً کہا،’نہیں مما، آپ کو ہمیشہ سو فیصد اپنے آپ سے پیار کرنا چاہیے۔‘
کاجول نے بتایا کہ بیٹے کی یہ بات ان کے دل کو چھو گئی اور وہ آج بھی اس نصیحت کو یاد رکھتی ہیں۔
گزشتہ ماہ یوگ نے اپنی 15ویں سالگرہ منائی۔ اس موقع پر کاجول نے سوشل میڈیا پر ایک جذباتی پوسٹ لکھتے ہوئے کہا، ’ہیپی برتھ ڈے میرے چھوٹے ہیرو! تمہاری مسکراہٹ دنیا کی سب سے قیمتی چیز ہے۔ کاش ہم ہمیشہ ساتھ ساتھ رہیں اور زندگی کی سب سے عجیب باتوں پر بھی ہنس سکیں۔‘
کاجول اور اجے دیوگن کی محبت کی کہانی 1994 میں شروع ہوئی اور 1999 میں دونوں نے شادی کی۔ ان کی بیٹی نیسا دیوگن 2003 میں پیدا ہوئیں جبکہ یوگ 2010 میں اس دنیا میں آیا۔
آج کاجول نہ صرف ایک کامیاب اداکارہ ہیں بلکہ ایک فخر کرنے والی ماں بھی ہیں، جو اپنے بچوں کی باتوں کو سن کر ان سے زندگی کے سب سے خوبصورت سبق سیکھتی ہیں۔
.ذریعہ: Daily Mumtaz
کلیدی لفظ: کاجول نے
پڑھیں:
بشریٰ بی بی جنرل فیض حمید کیلئے کام کرتی تھیں: خواجہ آصف
—فائل فوٹووزیر دفاع خواجہ آصف کا کہنا ہے کہ بشریٰ بی بی جنرل فیض حمید کے لیے کام کرتی تھیں، بشریٰ بی بی کی دی گئی معلومات چند روز میں درست ثابت ہو جاتی تھیں۔
جیو نیوز سے خصوصی گفتگو کرتے ہوئے کواجہ آصف نے اکانومسٹ کی خبر کو درست قرار دیتے ہوئے کہا کہ بانی پی ٹی آئی مکمل طور پر جنرل فیض اور جنرل باجوہ کے کنٹرول میں تھے، جنرل عاصم منیر کی رپورٹ پر بانی پی ٹی آئی نے ناراض ہو کر انہیں ہٹا دیا تھا۔
انہوں نے کہا کہ پاکستان کے ساتھ سنگین مذاق کیا گیا، طاقت کے لیے ایک خاتون کو لانچ کیا گیا، چار پانچ سال کی لوٹ مار ایک منصوبے کے تحت کی گئی۔ لوٹ مار کے پیسے سے بانی پی ٹی آئی کو حصہ ملتا تھا، باقی پیسہ باہر گیا۔
اسلام آباد پاکستان تحریکِ انصاف کے بانی کو ...
ان کا کہنا تھا کہ نواز شریف کے خلاف سپریم کورٹ میں پلان کے تحت فیصلے ہوئے۔ پنجاب جیسے صوبے کے ساتھ سنگین مذاق ہوا، آکسفورڈ سے پڑھ کر بھی یہ سب کرنا افسوسناک ہے۔
وفاقی وزیر نے کہا کہ عدلیہ کے تبادلوں پر نیا قانون دنیا کے مطابق ہے، جسٹس منصور علی شاہ نے چیف جسٹس کے خواب دیکھے ہوئے تھے وہ نہ بن سکے، عدلیہ آزاد ہونی چاہیے مگر ثاقب نثار اور اعجاز الاحسن والے انداز میں نہیں۔
خواجہ آصف کا کہنا تھا کہ جنرل فیض عدالتوں اور بانی پی ٹی آئی دونوں کو کنٹرول کر رہے تھے، ملک کی کمانڈ جادو ٹونے کے حوالے کر دی گئی تھی، بشریٰ بی بی دشمن ملک کے ہاتھ لگ جاتیں تو سنگین خطرات پیدا ہوسکتے تھے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن