فیلڈ مارشل کی بہترین حکمت عملی کی بدولت جنگ میں عظیم کامیابی ملی، مریم نواز
اشاعت کی تاریخ: 4th, October 2025 GMT
وزیراعلیٰ پنجاب مریم نواز نے کہا ہے کہ پاکستان نے آپریشن بنیان المرصوص میں تاریخی کامیابی حاصل کی، فیلڈ مارشل عاصم منیر کی بہترین حکمت عملی کی بدولت جنگ میں عظیم کامیابی ملی۔
وزیراعلیٰ پنجاب مریم نواز شریف نے لاہور میں منعقدہ تقریب قومی سلامتی و جنگی کورس سے خطاب کرتے ہوئے کہا کہ کورس کے غیر ملکی شرکا اپنے ملکوں کے سفیر ہیں، مشترکہ تربیتی کورسز سے ملکوں کے تعلقات مضبوط ہوں گے۔
یہ بھی پڑھیں: مریم نواز نے پیپلز پارٹی کا معافی مانگنے کا مطالبہ مسترد کردیا
مریم نواز نے کہا کہ پاکستان نے آپریشن بنیان المرصوص میں تاریخی کامیابی حاصل کی، فیلڈ مارشل عاصم منیر کی بہترین حکمت عملی کی بدولت جنگ میں عظیم کامیابی ملی، درپیش چیلنجز سے مل کر ہی نمٹا جاسکتا ہے، پاکستان کی مسلح افواج کی پیشہ ورانہ صلاحیتوں پر فخر ہے۔
انہوں نے کہا کہ پاکستان جغرافیائی لحاظ سے خطے کا اہم ملک ہے، جسے اندرونی و بیرونی چیلنجز کا سامنا ہے، گڈ گورننس، درست پالیسیاں اور سخت محنت ہماری ترجیح ہونی چاہیے، گڈ گورننس سے عوام کے مسائل کا حل ممکن ہے۔
یہ بھی پڑھیں: 408 پوزیشن ہولڈرز کے اعزاز میں شاندار تقریب، وزیراعلیٰ مریم نواز شریف کی خصوصی شرکت
وزیراعلیٰ پنجاب نے کہا کہ عوام کو بہترین سہولیات کی فراہمی اولین ترجیح ہے، عوام کی بے لوث اور بلا تفریق خدمت میرا مشن ہے، پنجاب کو ملکی تاریخ کے بڑے سیلاب کا سامنا کرنا پڑا، متاثرہ علاقوں میں پنجاب کی انتظامیہ اور کابینہ نے ایک ٹیم بن کر کام کیا، سیلاب متاثرہ علاقوں سے 25 لاکھ لوگوں کو محفوظ مقامات پر منتقل کیا گیا۔
انہوں نے کہا کہ مشکل کی اس گھڑی میں سیلاب متاثرین کو 3 وقت مفت کھانا فراہم کیا، سیلاب متاثرہ علاقوں میں بہترین طبی سہولتیں دیں، پنجاب نے بڑا ریسکیو اینڈ ریلیف آپریشن کیا۔
یہ بھی پڑھیں: وزیراعلیٰ مریم نواز کی ہدایت پر سیلاب متاثرین کا سروے تیزی سے جاری، ہر فرد کے نقصان کا ازالہ کیا جائے گا
ان کا کہنا تھا کہ ہم عوام کی خدمت کے جذبے سے کام کررہے ہیں، پنجاب میں عوام کو سہولیات کی فراہمی کے لیے مختلف پروگرامز شروع کیے ہیں، صوبہ بھر میں ترقیاتی کام شروع کیے گئے، صوبے کے دیہات کو مثالی بنانے کا پروگرام شروع کیا گیا ہے، صوبے میں اسموگ کے خاتمے کے لیے ٹھوس اقدامات کیے گئے ہیں۔
مریم نواز نے کہا کہ عوام کو صحت کی معیاری سہولیات کی فراہمی کے لیے اقدامات کیے جارہے ہیں، لاہور میں نواز شریف کینسر اسپتال تکمیل کے قریب ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news عاصم منیر فیلڈ مارشل مریم نواز وزیراعلٰی پنجاب.
ذریعہ
ذریعہ: WE News
کلیدی لفظ: فیلڈ مارشل مریم نواز مریم نواز نے فیلڈ مارشل نے کہا کہ کے لیے
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار