’ٹرمپ امن منصوبہ‘: حماس کا یرغمالی رہا کرنے کا عندیہ خوش آئند، گوتیرش
اشاعت کی تاریخ: 5th, October 2025 GMT
اسلام آباد (اُردو پوائنٹ ۔ UN اردو۔ 05 اکتوبر 2025ء) اقوام متحدہ کے سیکرٹری جنرل انتونیو گوتیرش نے حماس کی جانب سے امریکی امن منصوبے کے تحت یرغمالیوں کی رہائی پر رضامندی کا خیرمقدم کرتے ہوئے تمام فریقین پر زور دیا ہے کہ وہ غزہ کی المناک جنگ کا خاتمہ کرنے کے اس موقع سے فائدہ اٹھائیں۔
اقوام متحدہ کے ترجمان سٹیفن ڈوجیرک کی جانب سے جاری کردہ بیان کے مطابق، سیکرٹری جنرل نے امریکہ کے اشتراک سے ثالثی کی کوششوں پر قطر اور مصر کا شکریہ ادا کرتے ہوئے اس بات پر زور دیا ہے کہ کہ غزہ میں فوری و مستقل جنگ بندی، تمام یرغمالیوں کی فوری و غیر مشروط رہائی اور انسانی امداد کی بلا رکاوٹ رسائی کو یقینی بنایا جائے۔
Tweet URLانتونیو گوتیرش کا کہنا ہے کہ وہ جنگ کے خاتمے کی تمام کوششوں کی حمایت کریں گے تاکہ مزید انسانی تکالیف کو روکا جا سکے۔
(جاری ہے)
گزشتہ رات حماس کی قیادت نے کہا تھا کہ وہ غزہ میں جنگ کے خاتمے کے لیے امریکی امن منصوبے کے تحت اسرائیلی یرغمالیوں کو رہا کرنے کے لیے تیار ہے لیکن منصوبے کے بعض نکات پر ثالثوں کے ذریعے مزید مذاکرات چاہتی ہے۔ علاوہ ازیں، وہ فلسطینی قومی اتفاق رائے اور عرب و اسلامی ممالک کی حمایت سے جنگ کے خاتمے کے لیے پائیدار معاہدے کی موجودگی میں غزہ پٹی کا انتظام کسی فلسطینی ادارے کے حوالے کرنے کے لیے بھی تیار ہے۔
حماس کے اس اعلان پر امریکہ کے صدر ڈونلڈ ٹرمپ نے اپنے سوشل میڈیا پلیٹ فارم پر اسرائیل سے غزہ میں بمباری بند کرنے کا مطالبہ کیا اور کہا کہ انہیں یقین ہے کہ حماس پائیدار امن کے لیے تیار ہے۔
تباہی و تکالیف کے خاتمے کا موقعاقوام متحدہ کے ہائی کمشنر برائے انسانی حقوق وولکر ترک نے امید طاہر کی ہے کہ غزہ میں جنگ بندی سے اس تنازع کے مستقل خاتمے کی راہ ہموار ہو گی، انسانی حقوق کے بین الاقوامی قانون اور عالمی انسانی قانون کے تحت غزہ کی بحالی اور علاقے میں تعمیر نو کے لیے مدد ملے گی اور مسئلے کا دو ریاستی حل نکلے گا۔
ہائی کمشنر نے سوشل میڈیا کے پلیٹ فارم 'ایکس' پر اپنے بیان میں کہا ہے کہ یہ تمام فریقین اور ان پر اثرورسوخ رکھنے والے ممالک کے لیے نیک نیتی سے آگے بڑھنے اور غزہ میں تباہی و تکالیف کا خاتمہ کرنے کا اہم موقع ہے۔ اس سے فائدہ اٹھاتے ہوئے علاقے میں بڑے پیمانے پر انسانی امداد پہنچائی جانا چاہیے اور غزہ میں تمام یرغمالیوں کے علاوہ اسرائیلی جیلوں میں قید فلسطینیوں کی رہائی بھی عمل میں آنی چاہیے۔
سرحدی راستے کھولنے کی ضرورتامدادی امور کے لیے اقوام متحدہ کے اعلیٰ سطحی رابطہ کار ٹام فلیچر نے کہا ہے کہ اقوام متحدہ امریکہ کی جانب سے غزہ کے لیے پیش کیے گئے امن منصوبے کے نتیجے میں پیدا ہونے والے مواقع سے فائدہ اٹھانے کے لیے تیار ہے۔ اس وقت خطے بھر میں تقریباً ایک لاکھ 70 ہزار میٹرک ٹن خوراک، ادویات، پناہ کا سامان اور دیگر ضروری امدادی اشیا غزہ میں لائے جانے کے لیے تیار رکھی ہیں۔
اس امداد کو غزہ پہنچانے کے لیے تمام سرحدی راستوں کو کھولنا اور عام شہریوں اور امدادی کارکنوں کی محفوظ نقل و حرکت کو یقینی بنانا ضروری ہے۔ امدادی سامان کی بغیر رکاوٹ آمد و رفت ممکن ہونی چاہیے، عملے کے لیے ویزوں کا اجرا کیا جائے، امدادی سرگرمیوں کے لیے موزوں جگہ دستیاب ہونی چاہیے اور نجی شعبے کی بحالی کو بھی ممکن بنایا جائے۔
دوسری جانب، اقوام متحدہ کی امدادی ٹیموں نے خبردار کیا ہے کہ شمالی غزہ میں صورت حال تیزی سے بگڑ رہی ہے جہاں اسرائیل مکمل قبضے کے لیے متواتر حملے کر رہا ہے جبکہ ہزاروں شہری علاقے میں پھنس کر رہ گئے ہیں۔
.ذریعہ: UrduPoint
کلیدی لفظ: تلاش کیجئے اقوام متحدہ کے کے لیے تیار منصوبے کے کے خاتمے تیار ہے
پڑھیں:
اسرائیلی فوج کے انخلا اور جنگ بندی کی شرط پر تمام یرغمالیوں کی رہائی کےلئے تیار ہیں؛ حماس
اسرائیلی فوج کے انخلا اور جنگ بندی کی شرط پر تمام یرغمالیوں کی رہائی کےلئے تیار ہیں؛ حماس WhatsAppFacebookTwitter 0 4 October, 2025 سب نیوز
حماس نے امریکی صدر ڈونلڈ ٹرمپ کے پیش کردہ 20 نکاتی غزہ امن منصوبے پر اپنا جواب ثالثوں کے پاس جمع کرادیا۔
عالمی خبر رساں ادارے کے مطابق ٹرمپ کے 20 نکاتی غزہ امن منصوبے حماس نے یہ مختصر ردعمل اپنے سوشل میڈیا اکاؤنٹ پر جاری کیا ہے۔
ذرائع کے مطابق حماس کا باضابطہ اور تفصیلی جواب چند گھنٹوں میں متوقع ہے۔ جواب کے لیے صدر ٹرمپ نے حماس کو اتوار 6 بجے تک کا وقت دیا تھا۔
حماس نے بیان میں کہا کہ ٹرمپ کے غزہ امن منصوبے پر اپنی آمادگی کی توثیق کرتے ہیں لیکن فوری طور پر ثالثی ممالک کے ذریعے اس معاہدے پر مزید مذاکرات کے خواہ ہیں۔
حماس نے شرط عائد کی کہ اگر اسرائیل غزہ جنگ ختم کرے اور اسرائیلی فوج کا مکمل انخلا یقینی بنائے تو ہم بھی تمام اسرائیلی یرغمالیوں کو چاہے وہ زندہ ہوں یا ہلاک ہوچکے۔ رہا کردیں گے۔
حماس کا کہنا ہے کہ وہ غزہ حکومت ایک آزاد فلسطینی ماہرین (ٹیکنوکریٹس) پر مشتمل عبوری ادارے کو منتقل کرنے پر تیار ہیں بشرطیکہ یہ ادارہ “فلسطینی قومی اتفاق رائے اور عرب و اسلامی حمایت” کی بنیاد پر تشکیل پائے۔
حماس کا مزید مطالبہ ہے کہ ٹرمپ منصوبے میں غزہ کے مستقبل اور فلسطینی عوام کے جائز حقوق سے متعلق دیگر امور کا فیصلہ ایک جامع فلسطینی قومی فریم ورک کے تحت ہو۔
حماس کے بقول اس فریم ورک میں تمام فلسطینی دھڑوں کو شامل کیا جانا چاہیے اور حماس بھی “ذمہ دارانہ کردار” ادا کرے گی۔
حماس نے یہ مطالبہ بھی کیا کہ غزہ سے متعلق تمام فیصلے متعلقہ بین الاقوامی قوانین اور قراردادوں کے مطابق کیے جائیں۔
یاد رہے کہ آج ہی صدر ٹرمپ نے دھمکی دی تھی کہ اگر غزہ امن منصوبے پر حماس نے اتوار کی شام 6 بجے تک جواب نہیں دیا تو سب مارے جائیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعوامی مفاد ترجیح ہے، کشمیری بھائیوں کے مسائل حل کرینگے، و زیراعظم کا عوامی ایکشن کمیٹی سے معاہدے کا خیرمقدم آزاد کشمیر پر بھارتی پروپیگنڈا مسترد، بھارت عالمی قوانین اور اقوام متحدہ کی قراردادوں کی پاسداری کرے، وزارت خارجہ فلوٹیلا کے گرفتار کارکنان نے انتہا پسند اسرائیلی وزیر کے سامنے فلسطین کے حق میں نعرے لگادیے نیشنل پریس کلب پر اسلام آباد پولیس کے حملے کے خلاف پریس کلب پر سیاہ پرچم لہرایا گیا اور احتجاجی ریلی نکالی گئی حافظ نعیم الرحمان کا وزیراعظم سے مشتاق احمد کی بازیابی کیلئے کوششیں تیز کرنے پر زور مراکش میں نوجوانوں کی زیر قیادت حکومت مخالف مظاہرے، چھڑپوں میں 300 افراد زخمی جماعت اسلامی آزاد کشمیر کا عوامی ایکشن کمیٹی کی جدوجہد سے علیحدگی کا اعلانCopyright © 2025, All Rights Reserved
رابطہ کریں ہماری ٹیم
لاہور: گھریلو ناچاقی پر شوہر کو قتل کر کے ہارٹ اٹیک کا ڈرامہ رچانے والی ملزمہ گرفتار