کف سیرپ تنازعہ پر کانگریس نے بی جے پی حکومت کو بے حس قرار دیا
اشاعت کی تاریخ: 5th, October 2025 GMT
کانگریس لیڈر نے کہا کہ اگر حکومت میں اخلاقیات کی تھوڑی سی بھی رمق باقی ہے تو اسے فوری طور پر وزیر صحت سے استعفیٰ کا مطالبہ کرنا چاہیئے، کیا حکومت کو قتل کا لائسنس دے دیا گیا ہے۔ اسلام ٹائمز۔ مدھیہ پردیش کے چھندواڑا میں "کف سیرپ" پینے سے 11 بچوں کی موت کے معاملہ پر ریاست کی بی جے پی حکومت پر اپوزیشن کانگریس نے جم کر حملہ بولا ہے۔ کانگریس کے ریاستی صدر جیتو پٹواری نے کہا کہ حکومت انتہائی بے حس ہے، جب تامل ناڈو نے کہا کہ "سیرپ میں زہریلے کیمیکل" ہیں، جن سے بچوں کی موت ہوئی تو حکومت نے اسے کلین چٹ کیوں دی، ساتھ ہی انہوں نے وزیر صحت سے استعفیٰ کا بھی مطالبہ کیا ہے۔ کانگریس لیڈر جیتو پٹواری کے مطابق حکومت انتہائی بے حس ہے، جب تامل ناڈو نے کہا کہ کف سیرپ میں کچھ ایسے عناصر تھے جو موت کی وجہ بن رہے تھے تب بھی حکومت اسے کلین چٹ دیتی رہی۔ انہوں نے کہا کہ اگر حکومت میں اخلاقیات کی تھوڑی سی بھی رمق باقی ہے تو اسے فوری طور پر وزیر صحت سے استعفیٰ کا مطالبہ کرنا چاہیئے، کیا حکومت کو قتل کا لائسنس دے دیا گیا ہے، میرا ماننا ہے کہ وزیر صحت کو فوری طور پر عہدہ سے برخاست کر دینا چاہیئے۔
جیتو پٹواری کے علاوہ مدھیہ پردیش کے سابق وزیراعلیٰ اور کانگریس کے سینیئر لیڈر کمل ناتھ کا بھی "کف سیرپ" معاملہ پر ردعمل سامنے آیا ہے۔ انہوں نے سوشل میڈیا پلیٹ فارم ایکس پر لکھا کہ چھندواڑا میں زہریلی کف سیرپ سے 11 معصوم بچوں کی موت ایک دل دہلا دینے والا اور المناک سانحہ ہے۔ کانگریس پارٹی مصیبت کی اس گھڑی میں ہر متاثرہ خاندان کے ساتھ کھڑی ہے۔ سابق وزیراعلٰی مزید کہتے ہیں کہ آج میری ریاستی کانگریس صدر جیتو پٹواری جی سے پورے معاملہ پر تفصیلی بات چیت ہوئی ہے، وہ کل چھندواڑا پہنچ کر سوگوار خاندانوں سے ملاقات کریں گے اور صورتحال کا جائزہ لیں گے۔ کمل ناتھ کا کہنا ہے کہ چھندواڑا ضلع کانگریس اکائی مسلسل متاثرہ خاندانوں کو انصاف دلانے کے لئے فعال ہے، ہم سب مل کر اس لڑائی کو انجام تک پہنچائیں گے۔ انہوں نے کہا کانگریس پارٹی چھندواڑا کے ان ننھے فرشتوں کو انصاف دلانے تک چین سے نہیں بیٹھے گی، جن کی زندگیاں حکومت کی لاپرواہی اور ڈرگ مافیا کی سازش کے سبب چلی گئیں۔
ذریعہ: Islam Times
کلیدی لفظ: نے کہا کہ انہوں نے کف سیرپ
پڑھیں:
دیرینہ مسئلہ کشمیر تسلیم شدہ بین الاقوامی تنازعہ ہے، چوہدری انوارالحق
اسلام آباد میں کل جماعتی حریت کانفرنس آزاد کشمیر شاخ کے دفتر کے دورے کے دوران اظہار خیال کرتے ہوئے سابق وزیراعظم آزاد کشمیر کا کہنا تھا کہ موجودہ صورتحال میں کشمیری قیادت کے درمیان اتحاد، ہم آہنگی اور مشترکہ بیانیے کا فروغ انتہائی اہم ہے۔ اسلام ٹائمز۔ آزاد جموں و کشمیر کے سابق وزیراعظم چوہدری انوارالحق نے کہا ہے کہ دیرینہ مسئلہ کشمیر تسلیم شدہ بین الاقوامی تنازعہ ہے، جسے کسی بھی صورت بھارت کا داخلی معاملہ قرار نہیں دیا جا سکتا۔ذرائع کے مطابق چوہدری انوار الحق نے اسلام آباد میں کل جماعتی حریت کانفرنس آزاد کشمیر شاخ کے دفتر کے دورے کے دوران اظہار خیال کرتے ہوئے کہا کہ موجودہ صورتحال میں کشمیری قیادت کے درمیان اتحاد، ہم آہنگی اور مشترکہ بیانیے کا فروغ انتہائی اہم ہے کیونکہ تحریک آزادی کشمیر پوری قوم کی اجتماعی میراث ہے، جسے قربانی، اصول پسندی اور استقامت کے ساتھ آگے بڑھانا ہو گا۔ اس موقع پر تحریک آزادیِ کشمیر کو درپیش چیلنجز، بڑھتی ہوئی بھارتی ریاستی دہشتگردی، آبادی کے تناسب کو بگاڑنے کی بھارت کی مذموم کوششوں، انسانی حقوق کی سنگین پامالیوں اور تنازعہ کشمیر کے حل کیلئے عالمی برادری کی ذمہ داریوں پر بھی تفصیلی گفتگو کی گئی۔ چوہدری انوار الحق نے حریت کانفرنس آزاد کشمیر شاخ کے جنرل سیکرٹری ایڈووکیٹ پرویز احمد کے صاحبزادے کے انتقال پر اظہارِ تعزیت کیا۔ انہوں نے مرحوم کے ایصالِ ثواب اور لواحقین کے لیے صبرِ کی دعا بھی کی۔ حریت کنوینر غلام محمد صفی نے سابق وزیراعظم چوہدری انوار الحق کی کاوشوں کو سراہتے ہوئے کہا کہ انہوں نے تحریک آزادیِ کشمیر کو عالمی سطح پر اجاگر کرنے کیلئے ان کے عملی اقدامات قابل قدر اور تاریخی حیثیت کے حامل ہیں۔ ملاقات میں ڈاکٹر انعام الحق، سید قیوم بخاری، سینئر تجزیہ نگار خواجہ عبدالمتین اور رئیس احمد خان بھی موجود تھے۔
پاک روس سیکیورٹی مشاورتی اجلاس، علاقائی امن و تعاون پر گفتگو