طلبا کیلئے بڑی خوشخبری،پیف کاپارٹنراسکولز میں 2 چھٹیوں کااعلان
اشاعت کی تاریخ: 14th, November 2025 GMT
لاہور (نیوزڈیسک) اسکولوں میں ہفتے کی چھٹی کے حوالے سے طلبا کے لیے بڑی خوشخبری آگئی، اب طلبہ ہفتے میں دو چھٹیوں سے مستفید ہوں گے۔
تفصیلات کے مطابق پنجاب ایجوکیشن فاؤنڈیشن نے اپنے پارٹنر اسکولوں کے اوقات کار اور ہفتہ وار تعطیل کے شیڈول میں تبدیلی کرتے ہوئے ہفتہ کی چھٹی کا اعلان کر دیا۔
اس سے قبل پیف کے اسکولوں میں صرف اتوار کی تعطیل ہوا کرتی تھی، تاہم اب طلبہ ہفتے میں دو چھٹیوں سے مستفید ہوں گے۔
پیف کی جانب سے جاری اعلامیے میں کہا گیا ہے کہ اسکولوں کے نئے اوقات کار 8:45 صبح سے 1:30 دوپہر تک ہوں گے جبکہ جمعہ کے روز کلاسز 12:30 بجے ختم ہوں گی۔ نیا شیڈول 15 اپریل 2026 تک نافذالعمل رہے گا۔
گزشتہ ماہ پنجاب اسکول ایجوکیشن ڈیپارٹمنٹ نے صوبے بھر کے سرکاری اسکولوں کے اوقات کار میں اسموگ کی شدت کے باعث تبدیلی کی تھی۔
سرکاری اعلامیے کے مطابق پیر سے جمعرات تک اسکول 8:45 صبح سے 1:30 بجے تک اور جمعہ کے روز 8:45 سے 12:30 بجے تک چلیں گے۔
صوبائی وزیر تعلیم رانا سکندر حیات نے سوشل میڈیا پر بیان میں کہا تھا کہ اسموگ کی خراب صورتحال کے پیش نظر طلبہ کی صحت اور حفاظت کو مدِنظر رکھتے ہوئے اسکول ٹائمنگز میں ردوبدل لازمی تھا۔
دریں اثناء سینئر صوبائی وزیر مریم اورنگزیب نے بتایا کہ بھارت کی جانب سے آنے والی ہوائیں لاہور میں آلودگی کی سطح بڑھانے کا باعث بنتی ہیں۔
ان کا کہنا تھا کہ حکومت نے اسموگ میں کمی اور عوام کے تحفظ کے لیے سخت اقدامات نافذ کیے ہیں۔
خیال رہے مرکزی پنجاب کے کئی اضلاع، خصوصاً لاہور میں، فضائی آلودگی خطرناک حد تک بڑھ چکی ہے جس سے کھلی فضا میں سانس لینا بھی مضر صحت ہوگیا ہے۔
.
ذریعہ
ذریعہ: Daily Mumtaz
پڑھیں:
اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
پاکستانی شوبز انڈسٹری کے معروف اداکار شان بیگ اور ماڈل سے اداکارہ بننے والی روما مائیکل نے خاموشی سے شادی کرلی۔
اس خوشخبری کا اعلان شان بیگ نے سوشل میڈیا کے ذریعے کیا، جہاں انہوں نے اپنی اہلیہ روما مائیکل کے ساتھ ایک تصویر شیئر کی، جس پر ’Wifey‘ کا اسٹیکر بھی نمایاں تھا۔ بعد ازاں روما مائیکل نے بھی یہی تصویر اپنے انسٹاگرام اکاؤنٹ پر شیئر کرکے اس خبر کی تصدیق کردی۔
شادی کی خبر سامنے آتے ہی مداحوں، شوبز شخصیات اور ساتھی فنکاروں کی جانب سے مبارکباد اور نیک تمناؤں کا سلسلہ شروع ہوگیا۔ روما مائیکل نے اپنی انسٹاگرام اسٹوریز پر موصول ہونے والے متعدد مبارکبادی پیغامات بھی شیئر کیے، جن میں ان کی خوشحال ازدواجی زندگی کے لیے دعائیں کی گئیں۔
اس خوشخبری کے کچھ ہی دیر بعد شان بیگ نے ایک تفصیلی بیان جاری کرتے ہوئے مداحوں اور میڈیا سے اپنی نجی زندگی کا احترام کرنے کی درخواست کی۔ انہوں نے بتایا کہ ان کی سابقہ اہلیہ سے طلاق کا عمل کافی عرصہ پہلے مکمل ہوچکا تھا اور دونوں اپنی اپنی زندگی میں آگے بڑھ چکے ہیں۔ اداکار کے مطابق اب انہوں نے امید، خوشی اور شکرگزاری کے ساتھ زندگی کے ایک نئے باب کا آغاز کیا ہے۔
شان بیگ نے اپنے پیغام میں لوگوں سے اپیل کی کہ وہ ماضی کو ماضی رہنے دیں اور افواہوں، قیاس آرائیوں یا غیر ضروری موازنوں سے گریز کریں۔ ان کا کہنا تھا کہ اس وقت ان کی تمام تر توجہ اپنی نئی ازدواجی زندگی، خاندان، بطور والد اپنی ذمہ داریوں اور مستقبل پر مرکوز ہے۔
شان بیگ پاکستان میں متعدد کامیاب ڈراموں میں اداکاری کے جوہر دکھا چکے ہیں، جبکہ بین الاقوامی سطح پر بھی انہوں نے اپنی صلاحیتوں کا لوہا منوایا ہے۔ وہ حال ہی میں ہالی ووڈ سیریز ’Deli Boys‘ کے دوسرے سیزن میں بھی نظر آئے تھے۔ اداکاری کے ساتھ ساتھ وہ فیشن انفلوئنسر کے طور پر بھی خاصی شہرت رکھتے ہیں اور انہیں 2023 اور 2024 میں فلم فیئر مڈل ایسٹ کی جانب سے ’فیشن انفلوئنسر آف دی ایئر‘ کا اعزاز بھی دیا جا چکا ہے۔
دوسری جانب روما مائیکل نے بطور ماڈل اپنی شناخت قائم کرنے کے بعد اداکاری کے میدان میں قدم رکھا۔ وہ 2023 اور 2024 میں پاکستان کی نمائندگی کرتے ہوئے ’مس چارم‘ اور ’مس گرینڈ بیوٹی‘ پیجنٹس میں بھی شریک رہیں، جبکہ فلم ’کہے دل جدھر‘ سمیت متعدد پراجیکٹس میں اپنی اداکاری کے باعث بھی توجہ حاصل کر چکی ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع