روس کا ایک ہفتے میں پانچویں بار یوکرین پر میزائلوں سے حملہ
اشاعت کی تاریخ: 14th, November 2025 GMT
روس اور یوکرین کے درمیان جنگ بدستور جاری ہے، اور ماسکو نے ایک ہفتے میں پانچویں مرتبہ پر میزائلوں سے حملہ کیا ہے۔
روس کے وزارتِ دفاع کے مطابق ماسکو نے یہ کارروائی یوکرینی دہشت گردانہ حملوں کے جواب میں کی ہے جو روسی شہریوں کو نشانہ بنا رہے ہیں۔
مزید پڑھیں: ملازمت کے نام پر روس یوکرین جنگ کا ایندھن بنائے جانے والے بھارتی شہری کی ویڈیو وائرل
جمعے کو جاری بیان میں وزارتِ دفاع نے بتایا کہ روسی فورسز نے یوکرین کی فوجی صنعت پر طویل فاصلے تک مار کرنے والے ہتھیاروں سے حملے کیے، جن میں ہائپر سونک کنزال میزائل بھی شامل ہیں۔
وزارت کے مطابق یہ حملہ یوکرین کے ان دہشتگردانہ حملوں کے جواب میں کیا گیا جو روس کے شہریوں کو نشانہ بنا رہے ہیں، اور یہ اس ہفتے کے دوران اس نوعیت کی پانچویں کارروائی ہے۔
غیرملکی میڈیا رپورٹس میں کہا گیا کہ گزشتہ پانچ دنوں میں ماسکو نے اسلحہ ساز کارخانوں، ان پاور پلانٹس کو جو ان تنصیبات کو چلانے کے لیے استعمال ہوتے ہیں، یوکرینی فوج کے زیرِ استعمال ٹرانسپورٹ انفراسٹرکچر، فوجی ایئرفیلڈز، ڈرون ڈپو اور یوکرینی فیلڈ کیمپوں کو نشانہ بنایا۔
یوکرین کے لیے روسی آئل ریفائنریز پر طویل فاصلے تک مار کرنے والے خود کش ڈرون حملے اس کی جنگی حکمتِ عملی کا بنیادی حصہ بن چکے ہیں۔ یوکرینی حکومت طویل فاصلے تک مار کرنے والے مزید میزائلوں کی تعیناتی کی امید رکھتی ہے، جو اگرچہ مہنگے ہیں لیکن ان میں وِنگڈ ڈرون طیاروں کے مقابلے میں زیادہ وزن لے جانے کی صلاحیت ہوتی ہے۔
اس سے قبل یوکرین کے صدر ولادیمیر زیلنسکی نے ایک ویڈیو جاری کی جس میں انہوں نے دعویٰ کیاکہ یہ لانگ نیپچون میزائل کا لانچ ہے جو ملکی سطح پر تیار کردہ میزائل کا طویل فاصلے والا ورژن ہے۔
مزید پڑھیں: ٹرمپ پیوٹن ملاقات: امن معاہدے پر پیشرفت، روس یوکرین جنگ بندی کا اعلان نہ ہوسکا
واضح رہے کہ امریکی صدر ڈونلڈ ٹرمپ روس یوکرین جنگ کو ختم کرانے کے لیے کئی بار کوششیں کر چکے ہیں، لیکن ابھی تک ان کو کامیابی نہیں مل سکی۔
روس اور یوکرین کے درمیان جنگ 2022 سے جاری ہے، اور اب تک ہزاروں افراد لقمہ اجل بن چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews روس میزائل حملہ وی نیوز یوکرین.
ذریعہ
ذریعہ: WE News
کلیدی لفظ: میزائل حملہ وی نیوز یوکرین طویل فاصلے یوکرین کے کے لیے
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار