کوئٹہ میں سیکیورٹی خدشات، نجی اسکول 16 نومبر تک بند
اشاعت کی تاریخ: 14th, November 2025 GMT
کوئٹہ سمیت بلوچستان کے دیگر علاقوں میں مسلسل دوسرے روز انٹرنیٹ اور موبائل نیٹ ورک بند رہنے کے بعد انتظامیہ نے شہر کے متعدد نجی اسکولوں کو 16 نومبر تک عارضی طور پر بند رکھنے کا اعلان کیا ہے۔
محکمہ داخلہ کے حکام کے مطابق یہ مواصلاتی بندش انٹیلیجنس اداروں کی جانب سے ممکنہ دہشت گردی کے خدشات کی نشاندہی کے بعد احتیاطی اقدام کے طور پر نافذ کی گئی ہے۔
یہ بھی پڑھیں:کوئٹہ: تعلیم کا دامن چھوڑنے والے بچے اسکولوں کو کیسے لوٹے
حکام کا کہنا ہے کہ ان خدمات کی معطلی کا مقصد عوام کو محفوظ رکھنا اور کسی بھی ناخوشگوار واقعے کی روک تھام کرنا ہے۔
کوئٹہ میں سیکیورٹی کو انتہائی سخت کر دیا گیا ہے اور پولیس، فرنٹیئر کور اور دیگر قانون نافذ کرنے والے اداروں کی بھاری نفری مختلف علاقوں میں تعینات ہے۔
شہر کے اہم داخلی و خارجی راستوں پر سخت چیکنگ جاری ہے جبکہ گاڑیوں اور پیدل چلنے والوں کی نقل و حرکت پر بھی کڑی نظر رکھی جا رہی ہے۔
مزید پڑھیں: کیا کوئٹہ جدید شہر بننے جارہا ہے؟
انٹرنیٹ اور موبائل سروسز کی مسلسل معطلی سے روزمرہ زندگی بری طرح متاثر ہوئی ہے، جس سے طلبا، میڈیا کارکنان، ڈاکٹرز اور کاروباری افراد کو شدید مشکلات کا سامنا ہے۔
ان حالات کے پیش نظر کوئٹہ کے نجی اسکولوں نے طلبا اور عملے کی حفاظت کے لیے 16 نومبر تک تعلیمی سرگرمیاں عارضی طور پر معطل رکھنے کا فیصلہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ بلوچستان پولیس پیدل چیکنگ فرنٹیئر کور کوئٹہ محکمہ داخلہ موبائل موبائل سروسز نیٹ ورک.ذریعہ: WE News
کلیدی لفظ: انٹرنیٹ بلوچستان پولیس پیدل چیکنگ فرنٹیئر کور کوئٹہ محکمہ داخلہ نیٹ ورک
پڑھیں:
سوشل میڈیا پرکراچی سے متعلق گردش کرنیوالا سیکیورٹی الرٹ جعلی ہے، محکمہ داخلہ سندھ
کراچی (نیوزڈیسک) محکمہ داخلہ سندھ نے سوشل میڈیا پر گردش کرنے والا سیکیورٹی الرٹ جعلی قرار دیتے ہوئے عوام اور میڈیا سے غیر تصدیق شدہ پیغامات شیئر نہ کرنے کی اپیل کر دی۔
محکمہ داخلہ سندھ نے جعلی سیکیورٹی الرٹ کو گمراہ کن قرار دیتے ہوئے کہا کہ تمام سرکاری سیکیورٹی ایڈوائزریز صرف محکمہ داخلہ کے مجاز ذرائع سے جاری ہوتی ہیں۔محکمہ داخلہ سندھ نے عوام اور میڈیا سے غیر تصدیق شدہ پیغام شیئر نہ کرنے کی اپیل کردی۔
واضح رہے کہ سوشل میڈیا پر محکمہ داخلہ سندھ کے نام سے ایک خبر زیر گردش ہے جس کے مطابق سیکیورٹی ڈویژن نے کراچی شہر کے لیے 12 نومبر سے 30 نومبر 2025 تک اعلیٰ سطح کا سیکیورٹی الرٹ جاری کردیا ہے۔
سوشل میڈیا پر زیرگردش خبر کے مطابق یہ اقدام وفاقی و صوبائی خفیہ اداروں سے موصول ہونے والی مصدقہ اطلاعات کے بعد کیا گیا ہے جن کے مطابق شہرِ قائد میں دہشت گردی یا تخریب کاری کے امکانات بڑھ گئے ہیں۔
نوٹیفکیشن نمبر HD/Sec/Alert-11/2025 کے مطابق، 12 نومبر کی رات ایک بجے سے 30 نومبر کی رات 12 بجے تک شہر میں سیکیورٹی سخت رہے گی، اور تمام قانون نافذ کرنے والے ادارووں کو ہائی الرٹ کیا گیا ہے۔
ویمنز ورلڈکپ فائنل نے مینز ٹی ٹوئنٹی ورلڈکپ 2024 کا ویورشپ ریکارڈ برابر کردیا