نئی دہلی کی وزیراعلیٰ پر حملہ کیوں کیا؟ ملزم نے حیران کن وجہ بتادی
اشاعت کی تاریخ: 21st, November 2025 GMT
نیو دہلی:
بھارت کے دارالحکومت نئی دہلی کی وزیراعلیٰ ریکھا گپتا پر حملہ کرنے والے ملزم نے انوکھی وجہ بیان کردی۔
بھارتی میڈیا کی رپورٹ کے مطابق وزیراعلیٰ نئی دہلی ریکھا گپتا پر حملہ کرنے والے ملزم راجیش خمجی نے پولیس کو بیان میں دعویٰ کیا کہ انہوں نے خواب دیکھا، جس میں ایک کتا بھگوان کی مورتی کے برابر میں بیٹھا ہوا تھا اور کہا کہ دہلی میں موجود کتے پریشانی کا شکار ہیں۔
رپورٹ میں بتایا گیا کہ تس ہزار کی سیشن عدالت میں ایڈیشنل سیشن جج ایکتا گوبا من اس کیس کی سماعت 22 نومبر کو کریں گے جہاں پولیس نے ملزم کی چارج شیٹ جمع کرا دی ہے۔
چارج شیٹ میں کہا گیا ہے کہ ملزم راجیش خمجی نے فیس بک میں کئی ویڈیوز دیکھیں جہاں لوگ احتجاج کر رہے تھے اور وہ آوارہ کتوں سے متعلق مسائل کا الزام وزیراعلیٰ ریکھا گپتا پر عائد کر رہے تھے۔
پولیس نے انکشاف کیا کہ راجیش خمجی نے رواں برس مئی میں بندروں کے مسئلے پر ایودھیا میں بھوک ہڑتال بھی کی تھی اور دہلی پولیس نے 18 اکتوبر 2025 کو 400 صفحات پر مشتمل چارج شیٹ جمع کرادی تھی۔
دہلی پولیس نے ملزم راجیش اور شریک ملزم تحسین سید پر بھارتیا نیایاسنہیتا کی مختلف دفعات کے تحت فرد جرم عائد کی ہے، جس میں قتل، کار سرکار میں مداخلت اور جرم کی سازش کے الزامات عائد کیے گئے ہیں۔
رپورٹ میں بتایا گیا کہ راجیش خمجی پر فرد جرم ان کے وزیراعلیٰ ریکھا گپتا کے سپریم کورٹ کی جانب سے آوارہ کتوں سے متعلق دیے گئے فیصلے پر مؤقف پر غصے کی بنیاد پر قائم کیا گیا ہے۔
یاد رہے کہ 11 اگست کو سپریم کورٹ نے آوارہ کتوں کو پناہ گاہوں میں منتقل کرنے کا حکم دیا تھا، جس کو وزیراعلیٰ ریکھا گپتا کی حمایت حاصل تھی۔
پولیس نے الزام عائد کیا کہ راجیش خمجی وزیراعلیٰ کی حمایت پر ناراض تھے اور 20 اگست کو عوامی سماعت کے دوران انہوں نے وزیراعلیٰ ریکھا گپتا پر حملہ کیا۔
.
ذریعہ
ذریعہ: Express News
کلیدی لفظ: ریکھا گپتا پر پولیس نے پر حملہ
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا