برطانیہ: نمازیوں کی موجودگی میں مسجد کو آگ لگا دی گئی
اشاعت کی تاریخ: 6th, October 2025 GMT
برطانیہ کے جنوبی ساحلی علاقے پیس ہیون میں ایک مسجد کو ہفتے کی شب آگ لگا دی گئی، آتشزدگی کے وقت مسجد کے اندر دو افراد موجود تھے۔ برطانوی پولیس نے اس واقعے کو نفرت پر مبنی جرم (hate crime) قرار دیا ہے۔
بین الاقوامی خبر رساں ادارے ”سی این این“ کے مطابق، برطانیہ میں اسلام مخالف حملوں میں خطرناک حد تک اضافہ دیکھنے میں آ رہا ہے۔
حالیہ واقعہ مقامی وقت کے مطابق رات تقریباً دس بجے پیش آیا۔
عینی شاہدین کے مطابق، دو نقاب پوش افراد نے مسجد کے مرکزی دروازے کو توڑنے کی کوشش کی، اور جب اندر داخل نہ ہو سکے تو انہوں نے دروازے اور سیڑھیوں پر پٹرول چھڑک کر آگ لگا دی۔
Terrorist attack on mosque downgraded to hate crime as perpetrator/s are white and victims are Muslim
Peacehaven, a suburb just outside Brighton, was draped in flags only weeks ago, and last night, its mosque was attacked by arsonists.
No COBRA meeting. No wall-to-wall… pic.twitter.com/rkqTlRlIus
— Save Our Citizenships ???? (@LetsStopC9) October 5, 2025
اس وقت مسجد کے عمر رسیدہ چیئرمین اور ایک نمازی عشاء کی نماز کے بعد چائے پی رہے تھے۔
چیئرمین نے بتایا کہ ’ہم نے ایک زور دار دھماکہ سنا، باہر نکلے تو دیکھا مسجد کا دروازہ شعلوں میں گھرا ہوا ہے۔ ہم فوراً باہر بھاگے اور مدد کے لیے پکارا۔‘
دونوں افراد محفوظ رہے، تاہم مسجد کے داخلی حصے کو نقصان پہنچا۔
پولیس کا کہنا ہے کہ ابھی یہ واضح نہیں ہو سکا کہ حملہ آور جانتے تھے یا نہیں کہ مسجد کے اندر اس وقت لوگ موجود تھے۔
مسجد کے سیکورٹی کیمروں میں حملے کی ویڈیو ریکارڈ ہوئی ہے جس میں دو نقاب پوش افراد کو دیکھا جا سکتا ہے۔ وہ پہلے دروازہ کھولنے کی کوشش کرتے ہیں، پھر پٹرول چھڑک کر آگ لگا دیتے ہیں۔ انہوں نے مسجد کے باہر کھڑی چیئرمین کی گاڑی پر بھی پٹرول پھینکا۔
Seeing the real intention behind all “Raise the colours” flags on the A259 unfurl as Peacehaven mosque is firebombed.
Burning a mosque is terrorism, full stop. If leaders can swiftly condemn a synagogue attack, they must do the same here.https://t.co/HvW8VJ3Tg5 pic.twitter.com/naQxdwMwzd
— Narinder Kaur (@narindertweets) October 5, 2025
مذکورہ مسجد گزشتہ چار برسوں سے فعال ہے، جہاں روزانہ 10 سے 15 نمازی نماز ادا کرتے ہیں۔
مقامی رضاکاروں کے مطابق، چیئرمین اور ان کے ساتھی معمول کے مطابق نماز کے بعد چائے پینے کے لیے رک گئے تھے، اس دوران حملے کا واقعہ پیش آیا۔
حکام نے واقعے کے بعد علاقے میں گشت بڑھا دیا ہے اور سسیکس (Sussex) بھر میں مساجد اور دیگر عبادت گاہوں کی سیکورٹی سخت کر دی گئی ہے۔
پولیس کا کہنا ہے کہ ’اگرچہ کوئی جانی نقصان نہیں ہوا، لیکن اس واقعے نے مقامی مسلم برادری کو شدید ذہنی صدمہ پہنچایا ہے۔‘
برطانوی پارلیمان کے لبرل ڈیموکریٹ رکن جیمز میک کلیری نے واقعے کی مذمت کرتے ہوئے کہا کہ ’یہ ایک خوفناک اور قابلِ شرم حملہ ہے۔ پیس ہیون کی یہ مسجد میرے حلقے کے لوگوں کے لیے ایک اہم مذہبی و سماجی مرکز ہے۔ پولیس کا یہ اقدام درست ہے کہ اسے نفرت پر مبنی جرم کے طور پر لیا جا رہا ہے۔‘
مسجد انتظامیہ کے مطابق، یہ پہلی بار نہیں کہ مسجد کو نشانہ بنایا گیا ہو۔ گزشتہ سال اگست میں دو مختلف مواقع پر مسجد پر انڈے پھینکے گئے تھے اور گزرنے والے افراد کی جانب سے توہین آمیز جملے بھی کسے گئے تھے۔
ذریعہ: Daily Mumtaz
کلیدی لفظ: آگ لگا دی کے مطابق مسجد کے
پڑھیں:
موم بتیوں کے غیر ذمہ دارانہ استعمال نے خوبصورت ٹیمپل کو راکھ کا ڈھیر بنادیا
چین کے صوبے جیانگ سو میں واقع معروف ون چانگ پویلین میں ایک بڑے آتشزدگی کے واقعے نے تہلکہ مچا دیا۔
ابتدائی تحقیقات کے مطابق آگ ایک سیاح کی جانب سے موم بتیوں اور اگربتیوں کے غیر ذمہ دارانہ استعمال کے باعث بھڑکی جس نے دیکھتے ہی دیکھتے 3 منزلہ عمارت کو اپنی لپیٹ میں لے لیا۔
یہ بھی پڑھیں: چین: اسکول ہاسٹل میں آتشزدگی سے 13 بچے ہلاک
واقعے کی ویڈیوز اور تصاویر سوشل میڈیا پر تیزی سے وائرل ہوئیں جن میں پہاڑی کی چوٹی پر قائم مندر سے اٹھتے ہوئے شعلے اور سیاہ دھواں صاف دکھائی دے رہا ہے۔
اس واقعے نے نہ صرف مقامی رہائشیوں کو پریشان کیا بلکہ چین بھر میں تاریخی و ثقافتی مقامات پر سیاحوں کے رویے اور حفاظتی اقدامات سے متعلق بحث کو بھی دوبارہ زندہ کردیا۔
پویلین کی تعمیر سال 2009 میں مکمل ہوئی تھی جبکہ اس کا انتظام قریبی یونگ چنگ مندر کے پاس ہے جس کی تاریخی حیثیت کئی صدیوں پر محیط ہے۔
اگرچہ پیویلین قدیم ورثہ نہیں تھا، تاہم اس کی تعمیر روایتی چینی طرزِ تعمیر کے مطابق کی گئی تھی جس کی وجہ سے یہ فینگ ہوانگ پہاڑ کی سیر کرنے والے سیاحوں میں خاصا مقبول مقام تھا۔
یہ بھی پڑھیں: آگ دیکھ کر بھارتی فوجی افراتفری کا شکار
ویڈیو میں دیکھا جاسکتا ہے کہ آگ کے شعلوں نے کم وقت میں ہی پوری عمارت کو گھیر لیا جس کے باعث چھت کا بڑا حصہ منہدم ہوگیا۔ خوش قسمتی سے واقعے میں کوئی جانی نقصان نہیں ہوا اور آگ پیویلین سے آگے جنگلاتی علاقے تک نہیں پھیلی۔
ابتدائی رپورٹ میں حکام نے واضح کیا ہے کہ حادثے کا سبب سیاح کی غفلت تھی جس نے مذہبی رسومات کے دوران موم بتیوں اور اگربتیوں کو احتیاط کے بغیر استعمال کیا۔
مقامی انتظامیہ نے اس عمل کو غیر ذمہ دارانہ قرار دیتے ہوئے کہا کہ اس نے نہ صرف ثقافتی مقام بلکہ قرب و جوار کے جنگلات کو سنگین خطرے میں ڈال دیا۔
حکام کے مطابق واقعے کی مکمل تحقیقات جاری ہیں جس کے بعد پیویلین کی بحالی کے کام کا آغاز روایتی طرزِ تعمیر کے مطابق کیا جائے گا۔ انتظامیہ نے یہ بھی اعلان کیا ہے کہ آئندہ ایسے واقعات سے بچنے کے لیے سیکیورٹی اور حفاظتی اقدامات کو مزید سخت کیا جائے گا۔
یہ بھی پڑھیں: اسلام آباد کے فائر فائٹنگ نظام میں بہتری کی توقع، چین کا 21 گاڑیوں کا عطیہ
اس واقعے نے سن 2023 میں گانسو صوبے کے شان دان گریٹ بدھا مندر میں لگنے والی اُس بڑی آگ کی یاد بھی تازہ کردی جس میں مندر کا بڑا حصہ تباہ ہوگیا تھا جبکہ صرف دیو قامت بدھا کا مجسمہ جزوی طور پر محفوظ رہ سکا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آگ ٹیمپل چین سیاح موم بتیاں ون چانگ پویلین
اسلام آباد، خودکش دھماکے کے بعد فیڈرل جوڈیشل کمپلیکس کھول دیا گیا