سیلاب متاثرین میں 17 اکتوبر سے چیک تقسیم کرنا شروع کردیں گے، عظمیٰ بخاری
اشاعت کی تاریخ: 6th, October 2025 GMT
پنجاب کی وزیر اطلاعات کا کہنا ہے کہ پنجاب نے ہمیشہ مشکل میں بڑا بھائی ہونے کا حق ادا کیا، پنجاب پر مشکل وقت آیا تو اسے سیاست کیلئے استعمال کیا گیا، کابینہ نے سیلاب متاثرہ اضلاع میں ٹیکس چھوٹ کی منظوری دی ہے، وزیراعلیٰ نے سول ڈیفنس ملازمین کی تنخواہیں 15روپے بڑھا دی ہیں۔ اسلام ٹائمز۔ وزیر اطلاعات پنجاب کا کہنا ہے کہ وزیراعلیٰ پنجاب مریم نواز نے سول ڈیفنس ملازمین کی تنخواہیں 15ہزار روپے بڑھانے کی منظوری دیدی ہے۔ عظمیٰ بخاری نے کہا ہے کہ 400 دیہات کا سروے مکمل ہو چکا ہے، 17 اکتوبر سے سیلاب مثاترین میں چیکس کی تقسیم شروع کر دی جائے گی۔ وزیراطلاعات پنجاب عظمیٰ بخاری نے محکمہ تعلقات عامہ پنجاب میں پریس کانفرنس کرتے ہوئے کہاکہ پنجاب میں تاریخ کا سب سے بڑا سیلاب آیا، پنجاب میں گھر یا سولر پروگرام بکتے نہیں، پنجاب حکومت کے کاموں پر بہت سے لوگوں کو تکلیف ہوتی ہے۔
انہوں نے کہا کہ جو وقت لوگوں کیساتھ کھڑے ہونے کا تھا اس کو سیاسی مفاد کیلئے استعمال کیا گیا۔ ان کا مزید کہنا تھا کہ مریم نواز کو دوسروں کے سلوک پر دکھ ہوا، پنجاب نے ہمیشہ مشکل میں بڑا بھائی ہونے کا حق ادا کیا، پنجاب پر مشکل وقت آیا تو اسے سیاست کیلئے استعمال کیا گیا۔ عظمیٰ بخاری کا کہنا تھا کہ کابینہ نے سیلاب متاثرہ اضلاع میں ٹیکس چھوٹ کی منظوری دی ہے، وزیراعلیٰ نے سول ڈیفنس ملازمین کی تنخواہیں 15روپے بڑھا دیں۔ ان کا کہناتھا کہ 400 دیہات کا سروے مکمل ہو چکا ہے، 17 اکتوبر سے سیلاب مثاترین میں چیکس کی تقسیم شروع کر دی جائے گی۔
ذریعہ
ذریعہ: Islam Times
کلیدی لفظ: کا کہنا
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ