دن بھر میں پانی کی ضروری مقدار پوری کرنا مشکل لگتا ہے؟ محققین نے اسکا حل ڈھونڈ لیا
اشاعت کی تاریخ: 6th, October 2025 GMT
اکثر افراد کو دن بھر میں پانی کی ضروری مقدار پوری کرنا مشکل لگتا ہے، اگر آپ کا شمار بھی ایسے ہی افراد میں ہوتا ہے تو محققین نے اس کا حل ڈھونڈ لیا ہے۔
برٹش جرنل آف نیوٹریشن میں شائع ہونے والی تحقیق سے یہ بات سامنے آئی ہے کہ بشمول پانی روزانہ 7 یا 8 کپ چائے اور کافی کا متوازن استعمال لمبی اور صحت مند زندگی کے حصول میں مدد فراہم کرسکتا ہے۔
اس تحقیق کے لیے یوکے بائیو بینک سے حاصل کردہ 1 لاکھ 82 ہزار سے زائد بالغ افراد کا ڈیٹا لیا گیا۔ ان افراد سے غذائی عادات سے متعلق سوالنامے بھروائے گئے اور دیکھا گیا کہ وہ روزانہ کتنی مقدار میں پانی، چائے اور کافی استعمال کرتے ہیں۔
ان افراد کی صحت کا جائزہ 13 سال تک لیا گیا اور دیکھا کہ اس عرصے میں کتنے افراد کو امراض یا موت کا سامنا ہوا۔
تحقیق میں دریافت ہوا کہ جو افراد دن بھر میں 7 سے 8 بار سیال کے امتزاج (پانی، کافی یا چائے) کو جزو بدن بناتے ہیں، ان میں کسی بھی وجہ سے موت کا خطرہ 28 فیصد تک گھٹ جاتا ہے۔
محققین نے بتایا کہ جو افراد دن بھر میں کم از کم 7 سے 8 مشروبات کا استعمال یقینی بناتے ہیں، ان کے جسم میں پانی کی مقدار بہترین سطح پر رہتی ہے۔
انہوں نے مزید بتایا کہ مگر جو افراد جسم کے لیے پانی کی ضروریات کا 60 فیصد حصہ پانی اور 40 فیصد چائے یا کافی سے پوری کرتے ہیں، ان میں موت کے خطرے میں نمایاں کمی آتی ہے۔
البتہ تحقیق میں یہ نہیں بتایا گیا کہ ایسا کیوں ہوتا ہے یا کس قسم کی چائے یا کافی کا استعمال کرنا چاہیے۔
محققین کا کہنا ہے کہ چائے یا کافی کا اعتدال میں استعمال صحت کے لیے مفید ثابت ہوتا ہے۔
.
ذریعہ
ذریعہ: Daily Mumtaz
پڑھیں:
پنجاب بھر میں دفعہ 144 کے نفاذ میں توسیع
لاہور: پنجاب بھر میں دفعہ 144 کے نفاذ میں توسیع کردی گئی۔محکمہ داخلہ پنجاب کے مطابق صوبہ بھر میں کھلی فضا میں ڈرون اُڑانے پر مکمل پابندی برقرار ہے، دفعہ 144 کے تحت آؤٹ ڈور ڈرون اڑانے پر عائد پابندی میں 30 روز کی توسیع کر دی گئی ہے۔حکومت پنجاب نے یہ فیصلہ سکیورٹی خدشات کے پیشِ نظر کیا ہے۔اعلامیے میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے، جبکہ اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی۔حکومتی ہدایت کے مطابق قانون نافذ کرنے والے ادارے اور انٹیلیجنس ایجنسیاں اس پابندی سے مستثنیٰ ہوں گی اور وہ اپنے فرائض کے مطابق ڈرون سمیت دیگر ٹیکنالوجی استعمال کر سکیں گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ