سیلاب کی بروقت وارننگ کا نظام اپ گریڈ کرنے کا فیصلہ
اشاعت کی تاریخ: 7th, October 2025 GMT
پاکستان محکمہ موسمیات (پی ایم ڈی) نے ملک میں سیلاب کی بروقت وارننگ اور موسم کی پیش گوئی کے نظام کو جدید بنانے کے لیے ایک اہم منصوبے کا آغاز کر دیا۔
یہ بھی پڑھیں: اقوام متحدہ: سیلاب میں پاکستان کا قصور نہیں، جاں بحق و بے گھر افراد کے اعدادوشمار بھی جاری
یہ منصوبہ ورلڈ بینک کے مالی تعاون سے جاری انٹیگریٹڈ فلڈ ریزیلینس ایڈاپٹیشن پروجیکٹ کے تحت شروع کیا گیا ہے۔
منصوبے کا عنوان ’ماڈرنائزیشن آف ہائیڈرو میٹ سروسز آف پاکستان‘ ہے جس کا مقصد پاکستان کی موسمیاتی مزاحمت کو بہتر بنانا اور پی ایم ڈی کی صلاحیت کو اس قابل بنانا ہے کہ وہ درست، بروقت اور قابل بھروسہ موسمیاتی و ہائیڈرو میٹرولوجیکل ڈیٹا تیار، تجزیہ اور جاری کر سکے۔
سرکاری دستاویزات کے مطابق منصوبے میں110 خودکار موسمیاتی اسٹیشن،4 فکسڈ ویدر سرویلنس ریڈارز، ایک ہائی پرفارمنس کمپیوٹنگ سسٹم کی تنصیب شامل ہے۔
اس کے علاوہ منصوبے میں سسٹم انٹیگریٹر اور ریڈار کنسلٹنسی فرمز کی خدمات حاصل کرنا، انسٹی ٹیوٹ آف میٹرولوجی اینڈ جیو فزکس (IMG) اور کراچی میں موسمیاتی ورکشاپ کی اپ گریڈیشن، جدید موسمیاتی رصدگاہوں کا قیام، علاقائی موسمیاتی ڈیٹا پروسیسنگ مراکز کا قیام، نیشنل کلائمٹ سروسز فریم ورک اور نیشنل ہائیڈرو میٹ پالیسی کی تشکیل بھی شامل ہیں۔
مزید پڑھیے: پاکستان میں سیلابوں سے تباہی، بیرونی ممالک اور بین الاقوامی اداروں سے کتنی امداد آئی؟
یہ منصوبہ وزارت منصوبہ بندی، ترقی و خصوصی اقدامات کی زیر نگرانی جاری ہے اور اس کا مقصد ملک بھر میں سیلاب کی پیشگی اطلاع، موسم کی درست پیش گوئی اور موسمیاتی خطرات کے مؤثر انتظام کو بہتر بنانا ہے۔
مالی تفصیلاتمالی سال 2025-26 کے لیے اس منصوبے کے لیے 2،998.
رواں مالی سال میں اب تک 32.78 ملین روپے خرچ ہو چکے ہیں۔ منصوبے کے آغاز سے اب تک مجموعی اخراجات 312.78 ملین روپے تک پہنچ چکے ہیں۔
تکنیکی پیشرفتستمبر 2025 تک خودکار موسمیاتی اسٹیشنز کی خریداری کا عمل مکمل کر لیا گیا ہے اور معاہدے پر جلد دستخط متوقع ہیں۔ سسٹم انٹیگریٹر کنسلٹنسی کی مالی تجاویز کی جانچ پڑتال مکمل ہو چکی ہے۔ ریڈار کنسلٹنسی کی ٹیکنیکل اسیسمنٹ جاری ہے۔
ویدر سرویلنس ریڈارز کی خریداری ورلڈ بینک کی منظوری کے منتظر ہے۔
سول ورک کنسلٹنسی فرم مارچ 2025 سے خدمات انجام دے رہی ہے۔
مزید پڑھیں: ہائیر پاکستان کا بونیر کے سیلاب زدگان کے لیے نوکریوں کا اعلان
آئی ایم جی اور موسمیاتی ورکشاپ کی اپ گریڈیشن کے لیے ٹیکنیکل بڈز کی جانچ جاری ہے۔
اضافی فنڈنگ کی درخواستپی ایم ڈی نے 42 ملین امریکی ڈالر کی اضافی فنڈنگ کی درخواست کی ہے جس میں18.21 ملین ڈالر ڈیوٹیز اور ٹیکسز کے لیے13.79 ملین ڈالر مارکیٹ قیمتوں میں اضافے کی وجہ سے10 ملین ڈالر مالی خلا کو پر کرنے کے لیے شامل ہیں۔
منصوبے کی اہمیتوزارتِ منصوبہ بندی کے ایک سینئر اہلکار کے مطابق یہ منصوبہ پاکستان کے لیے ایک اہم سنگِ میل ہوگا جو زراعت، آبی وسائل کے انتظام اور قدرتی آفات سے نمٹنے میں بہتر اور بروقت فیصلوں کی بنیاد فراہم کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سیلاب سیلاب سے بچاؤ کا انتظام سیلاب کی بروقت وارننگ
ذریعہ
ذریعہ: WE News
کلیدی لفظ: پاکستان سیلاب سیلاب سے بچاؤ کا انتظام سیلاب کی بروقت وارننگ ملین روپے سیلاب کی کے لیے
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار