وزارتِ داخلہ، غیر ملکیوں سے ملاقات سے پہلے پیشگی اجازت لازمی قرار
اشاعت کی تاریخ: 7th, October 2025 GMT
وزارتِ داخلہ نے اپنے تمام ماتحت اداروں کے افسران کے لیے ایک اہم پالیسی جاری کی ہے، جس کے تحت اب کسی بھی غیر ملکی شخصیت سے ملاقات یا رابطے سے قبل باقاعدہ اجازت لینا لازمی ہوگا۔
یہ نئی ہدایت ایف آئی اے، اے این ایف، اسلام آباد پولیس اور دیگر متعلقہ اداروں کو جاری کر دی گئی ہے۔ سرکاری اعلامیے کے مطابق، اگر کوئی افسر کسی غیر ملکی سفارت کار، مشن یا بین الاقوامی تنظیم کے نمائندے سے ملاقات کرنا چاہے — خواہ سرکاری ہو یا ذاتی حیثیت میں — تو اسے پہلے سیکرٹری داخلہ سے تحریری منظوری حاصل کرنا ہوگی۔
دستاویز میں واضح کیا گیا ہے کہ بغیر اجازت کسی غیر ملکی فرد سے ملاقات یا بات چیت کرنا سرکاری ملازمین کے قواعد کی خلاف ورزی تصور کی جائے گی۔ وزارتِ داخلہ نے تمام اداروں کو ہدایت دی ہے کہ وہ اس پالیسی پر سختی سے عملدرآمد کو یقینی بنائیں۔
اس اقدام کا مقصد حساس معلومات کا تحفظ اور بین الاقوامی رابطوں میں شفافیت قائم رکھنا ہے۔
.
ذریعہ
ذریعہ: Daily Mumtaz
کلیدی لفظ: سے ملاقات
پڑھیں:
شازیہ مری کا گلگت بلتستان الیکشن میں وفاقی حکومت پر سرکاری وسائل کے استعمال کا الزام
پاکستان پیپلز پارٹی کی سینئر رہنما شازیہ مری نے گلگت بلتستان کے الیکشن میں وفاقی حکومت پر اثر و رسوخ اور سرکاری وسائل کے استعمال کا الزام لگادیا۔
کراچی سے جاری بیان میں شازیہ مری نے کہا کہ گلگت بلتستان میں وفاقی وزراء کی انتخابی مہم میں موجودگی اور سرکاری مشینری کا استعمال تشویشناک ہے۔
چیئرمین پاکستان پیپلز پارٹی ( پی پی پی) بلاول بھٹو زرداری نے کہا ہے کہ دعا گو ہوں کہ جنگ کے خاتمے کےلیے فیلڈ مارشل کی کوششیں کامیاب ہوں۔
انہوں نے کہا کہ انتخابی عمل میں مداخلت شفافیت اور منصفانہ انتخابات پر سوالیہ نشان ہے، الیکشن کےلیے لیول پلینگ فیلڈ ناگزیز ہے۔
پی پی پی رہنما نے مزید کہا کہ بلاول بھٹو کے فارم 45 اور فارم 47 سے متعلق بیان کو سیاق و سباق سے ہٹ کر پیش کیا جا رہا ہے۔
ان کا کہنا تھا کہ بلاول بھٹونے عوام کو یاد دلایا کہ گزشتہ انتخابات میں پیپلز پارٹی کی 9 نشستیں چھینی گئی تھیں، پی پی چیئرمین نے عوام سے کہا تھا کہ اپنے ووٹ اور فارم 45 کی حفاظت کریں۔
شازیہ مری نے یہ بھی کہا کہ درست فارم 45 کی موجودگی میں کسی کو عوامی مینڈیٹ چرانے کا موقع نہیں مل سکتا، فارم 45 انتخابی نتائج کی بنیاد ہے، اسی کے بعد فارم 47 جاری کیا جاتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ