سعودی عرب میں پاکستانی ہنرمندوں کی مانگ میں تیز اضافہ، دوطرفہ منصوبہ بندی تیز
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
پاکستان اور سعودی عرب کے درمیان تاریخی دفاعی معاہدے کے بعد دوطرفہ تعلقات میں ایک نئی جہت سامنے آئی ہے۔
حکومت نے اعلان کیا ہے کہ اب وہ سعودی عرب کو افرادی قوت کی برآمدات دوگنی کرنے کا منصوبہ بنا رہی ہے۔ نجی ٹی وی کی رپورٹ کے مطابق حکومتی ذرائع نے بتایا کہ اس اقدام کا مقصد نہ صرف دونوں ممالک کے معاشی تعلقات کو مستحکم کرنا ہے بلکہ سعودی عرب میں بڑھتے ہوئے ترقیاتی منصوبوں کے لیے ہنرمند پاکستانیوں کو مؤثر انداز میں شامل کرنا بھی ہے۔
عرب میڈیا رپورٹس کے مطابق 2020 سے 2024 کے دوران تقریباً 18 لاکھ پاکستانی سعودی عرب میں روزگار کے مواقع حاصل کر چکے ہیں، جو 2015 سے 2019 کے مقابلے میں 21 فیصد زیادہ ہے۔ یہ اضافہ اس حقیقت کی غمازی کرتا ہے کہ سعودی عرب میں پاکستانی افرادی قوت کی مانگ مسلسل بڑھ رہی ہے، خاص طور پر تعمیراتی، انجینئرنگ، اور تکنیکی شعبوں میں۔
پاکستانی معیشت کے لیے یہ پیش رفت نہایت اہم ہے کیونکہ سمندر پار پاکستانیوں سے آنے والی ترسیلات زر کا سب سے بڑا ذریعہ سعودی عرب ہی ہے۔ 2020 میں سعودی عرب سے 7.
رپورٹ کے مطابق سعودی ولی عہد محمد بن سلمان کے وژن 2030 کے تحت جاری ترقیاتی منصوبے، نئے شہروں کی تعمیر، انفرا اسٹرکچر کی توسیع اور 2034 کے فیفا ورلڈکپ کی میزبانی کی تیاری نے ہنرمند افرادی قوت کی مانگ میں غیر معمولی اضافہ کر دیا ہے۔
سعودی حکومت اس بڑے پیمانے کے منصوبوں میں تعمیراتی ماہرین، انجینئرز، الیکٹریشنز، ڈرائیورز، مکینک اور دیگر فنی عملے کی بھرتی میں دلچسپی رکھتی ہے ، جن میں پاکستانی ورکرز کو ترجیح دی جا رہی ہے۔
حکومت پاکستان نے اس موقع سے بھرپور فائدہ اٹھانے کے لیے ایک اعلیٰ سطح کی کمیٹی تشکیل دی ہے جو سعودی عرب کے ساتھ اقتصادی تعلقات کو مزید وسعت دینے کے لیے حکمتِ عملی طے کرے گی۔
کمیٹی میں مختلف وزارتوں اور اداروں کے نمائندے شامل ہیں جو دونوں ممالک کے درمیان سرمایہ کاری، تربیت اور افرادی قوت کی برآمدات سے متعلق پالیسیوں کی نگرانی کریں گے۔
بیورو آف امیگریشن اینڈ اوورسیز ایمپلائمنٹ بھی سعودی حکام کے ساتھ مشترکہ منصوبہ بندی کر رہا ہے جس کے تحت دونوں ممالک میں ٹیکنیکل ٹریننگ انسٹیٹیوٹ قائم کیے جائیں گے۔ ان اداروں کا مقصد پاکستانی مزدوروں کی فنی مہارت میں اضافہ اور سعودی لیبر مارکیٹ کی ضروریات کے مطابق تربیت دینا ہے۔
ماہرین کے مطابق اگر یہ منصوبہ مؤثر طور پر نافذ ہو گیا تو اگلے چند سالوں میں پاکستان نہ صرف ترسیلاتِ زر میں خاطر خواہ اضافہ کرے گا بلکہ لاکھوں افراد کے لیے روزگار کے نئے دروازے بھی کھولے گا۔
ذریعہ
ذریعہ: Jasarat News
کلیدی لفظ: افرادی قوت کی میں پاکستانی کے مطابق کے لیے
پڑھیں:
چوہدری شوکت منظور چیمہ کی چھٹی برسی، سعودی عرب میں یادگاری تقریب کا انعقاد
چوہدری شوکت منظور چیمہ کی چھٹی برسی، سعودی عرب میں یادگاری تقریب کا انعقاد WhatsAppFacebookTwitter 0 3 June, 2026 سب نیوز
جدہ( خالد نواز چیمہ )3 جون 2020 کو اس دنیا سے رخصت ہونے والے وزیرآباد کے ہر دلعزیز رہنما، محسن و معمارِ وزیرآباد، سابق ممبر صوبائی اسمبلی چوہدری شوکت منظور چیمہ مرحوم کو بچھڑے آج چھ برس بیت گئے، مگر ان کی یادیں، خدمات اور عوام دوستی آج بھی لوگوں کے دلوں میں اسی طرح زندہ ہیں جیسے وہ آج بھی اپنے حلقے کے درمیان موجود ہوں۔
چوہدری شوکت منظور چیمہ مرحوم نے اپنی سیاسی اور سماجی زندگی عوام کی خدمت، علاقے کی تعمیر و ترقی اور لوگوں کے مسائل کے حل کے لیے وقف کیے رکھی۔ وزیرآباد اور گردونواح کے عوام آج بھی ان کے دورِ خدمت کو عزت اور محبت سے یاد کرتے ہیں۔ ان کی شخصیت شرافت، خلوص، محبت اور عوامی خدمت کی علامت تھی، یہی وجہ ہے کہ ان کے چاہنے والے آج بھی انہیں فراموش نہیں کر سکے۔
ان کی چھٹی برسی کے موقع پر سعودی عرب میں مقیم اوورسیز پاکستانیوں اور ان کے چاہنے والوں کی جانب سے ایک پُروقار یادگاری تقریب کا انعقاد کیا گیا، جس میں مختلف سماجی، سیاسی اور کاروباری شخصیات نے شرکت کی اور چوہدری شوکت منظور چیمہ مرحوم کی سیاسی، سماجی اور عوامی خدمات کو بھرپور انداز میں خراجِ عقیدت پیش کیا۔
تقریب کے شرکاء نے کہا کہ چوہدری شوکت منظور چیمہ صرف ایک سیاستدان نہیں بلکہ عوام کے حقیقی خیرخواہ اور وزیرآباد کی ترقی کے معمار تھے۔ انہوں نے ہمیشہ ذاتی مفادات سے بالاتر ہو کر عوام کے حقوق اور علاقے کی بہتری کے لیے جدوجہد کی۔ ان کی وفات سے پیدا ہونے والا خلا آج بھی محسوس کیا جاتا ہے۔
تقریب میں شرکاء نے حکومتِ پنجاب اور وزیر اعلیٰ پنجاب محترمہ مریم نواز سے مطالبہ کیا کہ چوہدری شوکت منظور چیمہ مرحوم کی سیاسی خدمات اور عوامی کردار کو مدنظر رکھتے ہوئے ان کی اہلیہ سابق ممبر صوبائی اسمبلی محترمہ طلعت شوکت منظور چیمہ کو پنجاب میں ایک باوقار اور اعلیٰ مقام دیا جائے، کیونکہ یہ نہ صرف ان کا حق ہے بلکہ عوامی خدمت کے اس تسلسل کا اعتراف بھی ہوگا جس کی بنیاد چوہدری شوکت منظور چیمہ نے رکھی تھی۔
تقریب کے اختتام پر مرحوم کے ایصالِ ثواب کے لیے خصوصی دعا کی گئی اور شرکاء نے اس عزم کا اظہار کیا کہ چوہدری شوکت منظور چیمہ کے خدمتِ خلق، محبت اور عوامی فلاح کے مشن کو ہمیشہ یاد رکھا جائے گا۔
اللہ تعالیٰ چوہدری شوکت منظور چیمہ مرحوم کے درجات بلند فرمائے، ان کی قبر کو نور سے بھر دے اور جنت الفردوس میں اعلیٰ مقام عطا فرمائے۔ آمین۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرتحصیلدار فتح جنگ چوہدری شفقت محمود کی جانب سےاپنےعملے کے اعزاز میں عید ملن پارٹی کا اہتمام ایرانی جزیرے پر امریکی حملے کے بعد ایران کا جوابی وار، بحرین، عراق اور قطر میں سائرن بج گئے سابق وزیرِ اعلی پنجاب چوہدری پرویز الہی سے چیئرمین انوسٹر فورم اور سربراہ یارانِ جدہ چوہدری اظہر وڑائچ کی ملاقات *قومی اسمبلی کی قائمہ کمیٹی برائے کابینہ سیکرٹریٹ نے وفاقی حکومت کی جائیداد کے انتظام سے متعلق اتھارٹی کے قیام کیلئے قانون سازی کی... وزیراعظم محمد شہباز شریف کا بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک ایران-امریکا مجوزہ معاہدہ، عالمی مارکیٹ میں تیل کی قیمت میں کمیCopyright © 2026, All Rights Reserved
رابطہ کریں ہماری ٹیم
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ