پاکستان کی غیر ملکی فنڈنگ میں اضافہ، 4 ماہ میں 2 ارب 29 کروڑ ڈالر موصول
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: رواں مالی سال 2025-26 کے ابتدائی 4 ماہ کے دوران پاکستان کو بیرونی ذرائع سے مجموعی طور پر 2 ارب 29 کروڑ ڈالر موصول ہوئے ہیں، جن میں 2 ارب 24 کروڑ ڈالر قرض اور 5 کروڑ ڈالر گرانٹ شامل ہے۔
اقتصادی امور ڈویژن کی جاری کردہ تفصیلات کے مطابق یہ رقم پاکستانی کرنسی میں تقریباً 649 ارب 47 کروڑ روپے کے برابر بنتی ہے۔ گزشتہ مالی سال کے اسی عرصے کے مقابلے میں رواں سال بیرونی معاونت میں 33 فیصد واضح اضافہ ہوا ہے، جو مالیاتی شعبے کے لیے ایک اہم پیشرفت تصور کیا جا رہا ہے۔
اعداد و شمار کے مطابق نان پراجیکٹ ایڈ کی مد میں ایک ارب 51 کروڑ ڈالر کی خطیر رقم موصول ہوئی جب کہ مختلف منصوبوں کے لیے 77 کروڑ 32 لاکھ ڈالر فراہم کیے گئے۔ عالمی مالیاتی اداروں نے اس مجموعی معاونت میں اہم کردار ادا کیا ہے اور ایک ارب 10 کروڑ ڈالر فراہم کیے ہیں۔ ان میں عالمی بینک کے 30 کروڑ 40 لاکھ ڈالر اور اسلامی ترقیاتی بینک (آئی ڈی بی) کا 36 کروڑ ڈالر کا شارٹ ٹرم لون شامل ہے۔
حکام کے مطابق یہ فنڈنگ جاری مالی سال کے لیے متعین اہداف اور ترقیاتی منصوبوں کے مالیاتی تسلسل کو برقرار رکھنے میں کلیدی کردار ادا کرے گی۔
دستاویزات کے مطابق نیا پاکستان سرٹیفکیٹ میں 73 کروڑ 47 لاکھ ڈالر کی سرمایہ کاری ریکوری ہوئی، جو بیرونِ ملک پاکستانیوں کے اعتماد اور شرح منافع کی کشش کو ظاہر کرتی ہے۔
اس کے علاوہ مختلف ممالک نے پاکستان کی مدد کے لیے 45 کروڑ ڈالر فراہم کیے۔ ان میں سعودی عرب نے 40 کروڑ ڈالر کی آئل فیسلٹی دی، جس کا مقصد درآمدی ادائیگیوں کے دباؤ کو کم کرنا ہے۔
اسی طرح ایشیائی ترقیاتی بینک نے 16 کروڑ 74 لاکھ ڈالر جاری کیے جب کہ چین نے 97 لاکھ ڈالر کی معاونت فراہم کی۔ امریکا نے بھی ڈھائی لاکھ ڈالر کی گرانٹ دے کر مالی امداد میں حصہ ڈالا۔
.
ذریعہ
ذریعہ: Jasarat News
کلیدی لفظ: لاکھ ڈالر کروڑ ڈالر کے مطابق فراہم کی ڈالر کی کے لیے
پڑھیں:
اے جی پی آر کا کلیمز جمع کرانے کی آخری تاریخ کا اعلان
تصویر، فیس بکاکاؤنٹنٹ جنرل آف پاکستان ریونیو (اے جی پی آر) نے مالی سال 26-2025 کی ادائیگیوں کے کلیمز جمع کرانے کی آخری تاریخ کا اعلان کردیا۔
اے جی پی آر کے اعلامیے کے مطابق تمام ڈرائینگ اور ڈسبرسنگ آفیسرز کو حالیہ کلیمز 12 جون تک جمع کرانا ہوں گے۔
اعلامیے کے مطابق 12 جون 2026ء تک جاری کردہ ٹوکنز پر تمام غیرمنظور شدہ بلوں کو دوبارہ جمع کرانے کی تاریخ 15 جون ہوگی۔
اعلامیے کے مطابق اے جی پی آر اسلام آباد اور ذیلی دفاتر کےاسائنمنٹ اکاؤنٹس کےلیے ریلیز جمع کرانے کی آخری تاریخ 19 جون ہوگی۔
اے جی پی آر کے اعلامیے کے مطابق 12 جون 2026ء کے بعد اعزازیہ کا کوئی کلیم قبول نہیں کیا جائے گا۔ موجودہ مالی سال سے متعلق تنخواہ کے چیک رواں مالی سال کے اختتام پر زائد المعیاد ہوجائیں گے۔
اے جی پی آر کے اعلامیے کے مطابق 30 جون 2026ء کے بعد موجودہ مالی سال کےلیے کوئی متبادل چیک جاری نہیں کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ